نواف علي المسما

لن أمر في ذهن الزمن مرور الكرام

[نواف علي المسما @m305kk]

أحب ابشر كل طيب بالنجاه
وهاذي من الرحمن فالوحي المبين

إنه تعالى قال جلّ في علاه
إنه يحب المحسنين الصابرين

وحنا صبرنا طامعينٍ في رضاه
نمشي ونحسن من يسار ومن يمين

نجاهد الدنيا على أمور الحياه
جهادٍ اقوى من جهاد الفاتحين

اذا انكسرنا مالنا غير الصلاه
واذا اعتدلنا نجبر المتكسرين

[نواف علي المسما @m305kk]

ومنقي أسماء الصواريخ عيّار
ما روّعنا كثر ما ضحكنّا

شهاب،شاهد، ما اعرف ويش فقَار
وخراط وخريّط وهنا ومَنّا

يرسل علينا من صواريخه أمطار
وحنا ولا كن الصواريخ جنّا

ماغير ننشد وين سيل المطر سار
نبا بونسات الربيع انتهنى

شيباننا بعروشها مثل الأقمار
وعيالنا ما ودهم في بدلنا

وبناتنا حراير بضف الأحرار
تلعب طرب و الكف منقوش حِنّا

[سلالات مزايين الإبل (الشداد) @Alshadaad1]

#تقرير: سلالة طياح السلاله العبدانيه بمراح نحارات النخبويه بالتكامل فحل
إنتاج منقية مساعد مسعد القحم المطيري أنه من رهاجات👍
أبوه بعير محمد هزاع المسما العبيوي المطيري من سلالة طياحان ابن قشعان سلالة طياح الشيخ سالم العلي الصباح سلالة الاجرب للشيخ مناحي ابن عشوان سلالة عبدان🐪

[نواف علي المسما @m305kk]

@halmsma الله يوفقك ويبني بيتك ويرزقك الذريه الصالحه يالعضيد

[م. هزاع علي المطيري @halmsma]

بعد التوكل على الله
تم تحديد حفل زفافي

بمشيئة الله يوم الاربعاء
الموافق ٣٠ / ٩ / ٢٠٢٦ م

اسأل الله التوفيق لي ولكم

[مساعد الرشيدي @Msa3dAlrshedi]

الله عطانيه والله يعطيّ الجنة

[مقاطع ياسر الحزيمي @YasserAlhozimey]

يا وهاب اوهبني أُمنياتي، واحلامي ورغباتي
إنكَ على كُل شيءً قدير

[ماجد بن مهل @majed_almhl]

"ماخلقت امشي على الارض عبدٍ للرجال
احترمها بس مانيب احب خشومها"

قاعدة تستاهل حبة خشم

[مبارك بن رادعه @MBnradah]

قبح الله ، من يخون العهد ويخون الأمانة
وقبح الله كل وجه وقبح الله كل صوره

والف بسم الله على وجه الكويت من الخيانه
جعلها في خير ، وبخير وقويه ومعموره

دولة المجد التليد اللي لها قدر و مكانه
عند شعب المملكه، والمملكه واخوان نوره

#الخليه_الارهابيه

[نواف علي المسما @m305kk]

ربعي أهل شولٍ يفج الطوابير
و غزايزٍ من وقت أهلنا مقيمه

واهل الفعول اللي تميّز عن الغير
ليا التقى جمع الغريم بـ غريمه

و زعل تقدم بالنيابه عن مطير
و مركبٍ في ريمه شداد ريمه

ويقول ما به عذر اصلاً و تبرير
و المركز الأول بشيمه بقيمه

ومن غرته نفس و كثر الدنانير
بكره يشوف إن العواقب وخيمه

واللي تعذر دونها و أخلف السير
الله خصيم الضعف و الله خصيمه

#زعل_الديحاني #نادي_الإبل
#مطير #الصياهد

[نواف علي المسما @m305kk]

عسى مايهلّ من السماء ما يبلّ القاع
قبل لا يبلّ جروحنا ماه … و تهوّد

بدو والمطر نغليه لوّ البطون شباع
ومن يلومنا بحبّه عسى وجهه يسوّد

لا قام يتساقط وابله ، تطرب الأسماع
تقول أن عزازي ب ريشة العود متجوّد

تهيض القريحة وأرجع الشاعر المطواع
أصدّ وتماكني الهواجيس وآعوّد

أسج القدم مع كل طايل شبر وأذراع
وعن المشي ف دروب الهوا قلبي مهوّد

ضعاف النفوس أن صارو ضعوف صرنا سباع
نجود ولا لدّينا النظر ف اللي يجوّد

نسوق الجمايل سوق ذودٍ على المرباع
وإلى من حدرنا جعل ما ضاع ما عوّد

[نواف علي المسما @m305kk]

@M3kkaz ابوي اكبر من قصيد و مقالات
ابوي دعوة شايبٍ مستجابه

من كبر اسمه ماتبروزه الابيات
ومن كثره ازرت تحتويه الكتابه

هو بيت واحد لو تطول المسافات
وادري انه ما يطاول جنابه

من كفّه لكتفه تقاس البطولات
ومن كتفه لكتفه امان ورحابه

[نواف علي المسما @m305kk]

ادفنوني في زوايا الذاكرة وانسوني
مثل ماينسى نهار اليوم حزة بكره

ودي اغمض على دمع العيون عيوني
واقفل اذني عن جميع اللي تحب وتكره

خاطري سامح وخابت هقوتي وظنوني
 مثل طير فارق سبوقه وفارق وكره

اعتذر للي كرهني قبل من حبوني
يمكن ان الكره صادق والمحبه سكره

والهقاوي لاتعدتني وطاحت دوني
مابقى فـ مراحي من البل قعود وبكره

كثر ماخفيت عن وجه الزمان طعوني
كل فكرة بيت تطلع من وراها فكره ..!

يامسافات التعب في صوتي وفي لوني
الطريق بعيد والايام حبل ومكره ..!!

[نواف علي المسما @m305kk]

من كسب فالحب قلبي فاز بالدر الثمين
ومن بغى بالشوق كسري والله انه يستحال

عشت ما أملّت نفسي برجعة اللي غايبين
ان تمالوها قطاعه ما حصل مني وصال

زادت طعون الحبايب قلت يـ الله يامُعين
احسب الخطوه وامالي فالإجابات السؤال

( واتعذر لليالي … لا ظهر … نور اليقين )
ماتت احلام المسافر بين يمكن و المحال

ان خذوا مني الاماني واودعوا قلبي حزين
وش عطوني غير شمعة في زوايا الانعزال

( العمر ما دام باقي … من بقاياه السنين
هاك ياقلبي صمود وهاك ياعقل اعتدال )

[م. هزاع علي المطيري @halmsma]

﴿ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا ﴾

الحمدالله الذي بنعمته تتم الصالحات
تم بحمد الله وفضله "عقد قراني"
سائلاً المولى عز وجل التوفيق لي ولكم

هزاع علي هزاع المسما

[نواف علي المسما @m305kk]

اونست في صدري هدير الكلاشات
بين الرحاب … ومدخل العارضيه

الدرب من كثر ازدحام … الفراشات
كنّه من جْنان الخلود … الفضيه

منقيةٍ .. ينزل بها السوق ( باشات )
رفيقها … يبلى النفوس الرضيه

الوقت ماهو وقت سوق ومعاشات
الوقت للعلم … يتسارع مضيه

بين إلتفاته .. واغنيه .. واندهاشات
ما كن هالشمس اللضيه لضيه

صرت اتوقى … والتهي بـ النقاشات
واللي معي متصوبٍ في شضبه

عبرتها ما غير … شوف و بشاشات
( يعز على مثلي .. يبيع القضيه )

[نواف علي المسما @m305kk]

السنافي في نهار الضيق بيهدّي
يوم بعض القوم يبغض طاري الهدّه

وأن غدت بعض الحكاوي تلتزم ردّي
تبشرون بفعل صبيٍ من هل الردّه

الردي طيره على طاري الردى يهدّي
يوم طيري لغير طاري العز ماهدّه

في بعض الأحيان أحاول التزم حدي
بس في منهو سفيهٍ مالتزم ..حدّه

انت ودّك يا صحيبي ( مثل ما ودي )
والزمن ... يبغي يمشينا على ودّه

جنّب البراّق لا قد ، شفته معدي
وأن ضهر لك في طريقك خلّه وعدّه

العلوم عفاك … والموضوع ذا جدي
ومن جفانا جعل ربي يلحقه جدّه

تركت المقفين شيٍ عاديٍ ..عندي
ووالله أن ماتبع مقفي صد من جدّه

ماتبعت إلا عطايا ورث من جدي
هي غناتي لاغتنا المقفي وره صدّه

[نواف علي المسما @m305kk]

البارحه : والأمـام مضيع السوره
ما فيه واحد من الصفين كملها

سكت وحنا سكتنا وأتعب شعوره
سكوتنا نجهل السوره من أولها

لـو أنـها من جديد ألحان أبو نوره
(أستغفر الله) نكملها ما نجهلها

أيـات ربـي من التقصير مهجوره
يارب سامح عبادك قبل تسالها

[نواف علي المسما @m305kk]

مستعد اواجه الدنيا لحالي
لعنبو من لا اغتنم ثروة شبابه

انطح العسره واحط المر حالي
واخذ حقوقي من حلوق الذيابه

[نواف علي المسما @m305kk]

ست البلاد مخّلفت كثر الأقول
شامت لنا يومن اهلها عصيه

من يوم جيناها على الخيل محوال
سقنا مهرها قدم كل البريه

يانجد ياكثر الغلا والتهلهال
وياكثر ما اخلفنا النوايا بنيه

يانجد كم لجلك غدا الدم شلال
وياكم سهجنا من ديار محميه

حتى بقيتي أطيب الأرض منزال
من يوم ما جيناك وانتي عذيه

يانجد حطينالك الروس تمثال
وبا السيف الأملح حاكمين الرعيه

ماهو قصورٍ فا الشغاميم الأبطال
لاشك لمطير الفخر مقديمه

المجد ابو رمحٍ وشلفاء ومصقال
عيو عليه العزوه .. الواصليه

#نجد
#السعودية_العظمى

[نقابة البترولية المتكاملة (KIPIC) @syndicate_kipic]

نبارك للسيد فهد سعد المطيري توليه منصب نائب الرئيس التنفيذي لمصفاة الزور، متمنين له التوفيق في مهامه الجديدة، ومؤكدين حرصنا على تعزيز التعاون البنّاء بين الإدارة والنقابة بما يخدم مصلحة العمل والعاملين

#القطاع_النفطي
#البترولية_المتكاملة