كـيـكــه

[كـيـكــه @m33aaok]

لا تَتردد في الرجوع إلىَ الله حتى إن كثرت معاصيك .. فَالذي سَترك و أنت تَحت سقف المَعصية .. لَن يخذلك وأنت تَحت جَناح التوبة .

[كـيـكــه @m33aaok]

حاولت اشوه صورتك يوم اخليك لقيتك اصدق من بكى في وداعي

[كـيـكــه @m33aaok]

عطيتك محبّه صادقه مابها تشويه
وجعلتك بقلبي منفرد فيه وحداني

وغيرك يبغاني بالمحبّه وأنا مابيه
دام أنت عندي ويش أبي بواحدٍ ثاني

تراني ليا شفتك أسج الفكر وأشقيه
وأشوف القمر وأقول عندي قمر ثاني

غلاتك بقلبي شي يطغى على التّشبيه
كيف أوصفك والوصف يعجز به لساني

[كـيـكــه @m33aaok]

تغـاضي يا عيونـي والسنين قصار
ما دام الوقت لا انصفني ولا انصفته

احب اللي مضالي .. واكره التكرار
واشوف اللي يخـوّفني .. ولا خفته

غريب شعور والواقع غريب اطوار
كثر ما كنت راضي .. كثر ما عفته

ياكثر اللي تحاشيته يصير .. وصار
ياكثـر اللي تمنيتـه ... ولا شفتـه

[كـيـكــه @m33aaok]

إذا ضاقت بك الدنيا تعزوى بي وعلمني
والله أقلب الدنيا عشانك وأعدلها !

[كـيـكــه @m33aaok]

يوم اغنّي بالقصيد المعتبر واقوله
كلها لـ ارضاه وارضى من يحب ارضاها
َ
جادلٍ تفرد يديها للقمر وتطوله
مالها فالارض حاجة والسماء مرباها
َ
يا حبيبي يوم نخفي حبنا وشهو له
سيرة العشاق تكتب والزمن يقراها
َ
انت حبّك وسط قلبي مثل حبّ الدوله
روسنا من دونها وارواحنا تفداها :)

[كـيـكــه @m33aaok]

اشتقت لايامك وجيت انشد الوقت
وين الحبيب وضحكته وامسياته

ليته يوسع خاطري لاتضايقت
مثل الكفيف ان قربوا له عصاته

ماهو زعل لاشفت وجهه ودنقت
العين تخفي في نظرها غلاته 🕊

[كـيـكــه @m33aaok]

ياوجود اللي من البارحه قلبه حزين
كن في صدره من الحزن نارٍ واقده

وده انه مابعد شاف دورات السنين
ووده ان له قلب صاحي وعينٍ راقده

لو يسج القلب ساعه ويدله ساعتين
مانسى ماضي سنينه وزولٍ فاقده .

[كـيـكــه @m33aaok]

العـالم اللي كل يوم يـتردون
ان جيتهم مافيهم اللي تعدا
قررت أعاملهم مثل مايسوون
حاولت لكن ماعرفت أتردا

[كـيـكــه @m33aaok]

أشوف حال المجتمع من طرف عين
و في حق عيني يوم ناظرته أخطيت

عن أكثر أشباه الرياجيل هالحين
لولا " نواهي ربنا " ما تغطيت !

[كـيـكــه @m33aaok]

تبي تعرف شلون / نهج التطـرف
شف حالة الأشواق (بينك وبيني)!

هذا .. وأنا معطيـك حـق التصـرف
حطمت لي (قلبي) وبكيت (عيني) !

[كـيـكــه @m33aaok]

وان غبت قلبي تكدر وآنقلب جوه
وآدناة ماحسني وآدناة مابكاني

لآتحسب أن الجفاء والبعد بـ مروه
ماتدري آني رهيف القلب ماداني

[كـيـكــه @m33aaok]

انا عاشقٍ لاهوب منهي ، ولا مامور
من الضيق مايملا من الراحه لراحه

دعيتيه باسمه من حوالي ثلاث شهور
وهو من ثلاث شهور ما عيّن الراحه

يشوف الغلا فعيونك الناعسات الحور
مثل من يشوف الموت فعيون ذباحه

يبين لك انه هادي ، وخاطره مسرور
وهو والله انه يزعجه صوت مسباحه

[كـيـكــه @m33aaok]

قلبي على منت خابر مابرى جرحه
وانا على حطتك و اوجاعي اوجاعي

لاتحسب ان الهوى ماينهدم صرحه
ولاتحسب ان صدتك ماتلوي ذراعي

ماعاد به حل لجل اجيك واقترحه
بس اسمع اللي يلي قبل اطوي شراعي

لولا وجود الحزن وش قيمة الفرحه ؟
ولولا وجودك ، حياتي مالها داعي :)

[كـيـكــه @m33aaok]

يحن القصيد اللي من شهور ماله صوت
ويبين الوله في نبرة الصوت والبحه

انا ياحبيبي عاشقٍ مايخاف الموت
لعب حبك بقلبه مثل " لعبة الدحه "

تكح وعيوني تستلذ بحمَار التوت
ابيك اتشافى بس اخاف افقد الكحه

تناظرني ، وقلبي مع جسمك المنحوت
واقول الله يزيدك من الزين والصحه ..

[كـيـكــه @m33aaok]

فداك العمر وايام الشباب ولمّة الاقراب
وسنينٍ تجي وتروح قبلك ماهيب محسوبه
َ
وفداك القلب وراعي القلب وربوعه الاجناب
ياوجهٍ من عرفته صارت الايام مرغوبه .

[كـيـكــه @m33aaok]

زل نصف الليل و الهم باقي لا يزال
و ودّي ارقد و الطواري على مرواسها

ضيقة ٍ في خاطري جا لها عدّة ليال
لا بدا نوم الاوادم عطتني راسها

من صلاة العصر خارج حدود الاتصال
منعزل عن صجّة العالم و مجلاسها

و كل ما هبت هبوب البراد من الشمال
قمت اعرض صدري المشتحن نسناسها .

[كـيـكــه @m33aaok]

ليت صوتك ينشرب وأقول صبه
لين ما تروي عروقي من حنانك

من كثر ما آتوه في صوتك وآحبه
اشعر ان الحكي مخلوق عشانك

[كـيـكــه @m33aaok]

قل للنفوس اللي تربت على القاع      
حنا على روس النوايف ربينا

[كـيـكــه @m33aaok]

من غاب عن عينك مع الوقت بيعود
لا تشتكي / من دمعتينً بكتها ..

دام الوفا بـ قلوب الاحباب موجود
ما فرّقت بعض الدروب / إجمعتها

بس البلا اللي ما بعد صده صدود
من كان فوق الارض و أمسى تحتها ....

[كـيـكــه @m33aaok]

من رحمته بابه لعبده مشرع
للمسألة والمغفرة والتمني

أذنب وأقصر بالعمر وأتسرع
وألوذ باللي فيه ماخاب ظني

أستغفره وأتوب له وأتضرع
أخاف ذنبي يحجب رضاه عني