الوجدان الساهر

متذوق شعر

[الوجدان الساهر @m33m_33]

آنت لي مثل آلقرآيه على آلصدر آلحزين
في وصآلك تدله آلنفس و آلقلب يهدى"

[الوجدان الساهر @m33m_33]

مدرى ورى ساعة الذكرى تبكيني
وأنا احسب إني صبور وصعبً بكايه
راضي برايي وتدبيري ومرضيني
وأثر المقادير … للمخلوق رمايه
والله يالأيام مدري وش تخفّيني
حظي مع الرايحه ولا مع الجايه

[الوجدان الساهر @m33m_33]

ماني بحب الموادع لاتودعني
رح فجأه.. أو قول برجع لوّ ماترجع

لارحت .. افكّر متى الله فيك يجمعني
والفكره هذي ترى بلحالها .. توجع

[الوجدان الساهر @m33m_33]

قضيت لحظات حلوه في مخيلـتي
مايقدر الواقع التافه يوفرها

[الوجدان الساهر @m33m_33]

على طاري الصده شلونك مع النسيان؟
انا الذكريات الغاليه ماتخليني"

[الوجدان الساهر @m33m_33]

لا قنعت من المواصل مع اللي يقنعون
ولا رضيت آحب غيره ، وقلبي ما نساه .

[الوجدان الساهر @m33m_33]

اي والله اتعب ويلحقني بعض حاجه
كل الرياجيل يلحقها لواحيقي

الايام مافرشتني بطن . ديباجه
مذوقتني مرارتها على الريقي

[الوجدان الساهر @m33m_33]

ماني بهين النفس لوكنت جيعان
مايدنع ألا الكلب عقب تهزيبه

[الوجدان الساهر @m33m_33]

محتاج صبر الحليم وسجة الداشر
وقلبٍ يبيع المواجع بيعةٍ عجله

[الوجدان الساهر @m33m_33]

غناة النفّس ..لو فيها كلًّافه
موّاردها تجّي. دايم قراحي

[الوجدان الساهر @m33m_33]

بكرة تزين وينتهي حزن الأيام
وألا نموت وتنتهي كل حاجة .

[الوجدان الساهر @m33m_33]

ذكريات الراحلين اشد من فرقاهم
من فتح له خانـةٍ فالقلب ما سكرها.

[الوجدان الساهر @m33m_33]

سلامي على اللي يبتسم والحمول ثقال
وسيع البنايد لا احتمى الوقت كلمته

اجنب طريق اللاش واخاوي الرجال
الى مِلت علمني ولا مال علمته

[الوجدان الساهر @m33m_33]

غبت ياللي تدري اني من الفرقا حزين
ما تخاف اللّٰه من الروح واللي ناشها

صار حبك مثل الايام من عمر السجين
تنحسب له في حياته وهو ما عاشها

[الوجدان الساهر @m33m_33]

تمرك العابرين .. وما تسلم عليك
إلا غريبٍ.. طوته الارض بسنينها

قال انت جالس لحالك تنتظر من يجيك
قلت انتظر نفسي .. اللي ماعرف وينها .

[الوجدان الساهر @m33m_33]

"عزّة النَفس بشتٍ ما يعلّق بمعلاق
تشيّخك لو تمشي على الارض .. حافي"

[الوجدان الساهر @m33m_33]

اصحابي اللي غدوا مني وانا ساهي
يبغون سجدة سهو ماني بساجدها

خلان لعب البلوت وكاسة الشاهي
غيابها عندي اطيب من تواجدها

[الوجدان الساهر @m33m_33]

#سعد_بن_جدلان

الرفيق اللي وداده جَهْر ماهو غابي
تصلح ظروف الدهر ولاتشين ظروفه
.
يسفهل اليا وصلت وينشغل بغيابي
وكل منا غايته مع صاحبه مكشوفه
.
الأنبساط والأنسجام وقمة الأعجابي
والله أن كنه يقدمها علي بكفوفه
.
تكثَر أصحَابي علي ولاّ تقلّ أصحابي
المهم مانيب مرتاح لين أشوفـه

[الوجدان الساهر @m33m_33]

•

إذا تحبّ يكون لك .. قيمة وشان
لا تنسلخ .. من طبعك الإعتيادي

لا تصعد .. القمة على عاتق إنسان
مبادي ( القمة ) بـ حاجة مبادي

مهما !.. تصنّعت ، و تلوّنت بإتقان
يبقى شعور النقص حسب إعتقادي

اختر لـ وجهك لون من بين الألوان
ألا الرمادي !.. لا تكون ، الرمادي

[الوجدان الساهر @m33m_33]

لاشبّــوا الكبــريت رعيــان الغنـــم
عيــبٍ عليـــك تثـــور يابــارودنــا