معتوّق

- على هامش الذكرى ..

[َ @veteranskyz]

يا سارقه نظرة الاعجاب من كل صوب
انا ماحب الطريق اللي عليه ازدحام

ياما تجاهلت لجل انجا بـ قلب طروب
لي فتره اصد به ويردني لـ الغرام

خذنا من الحب مايكفي ، ونبغا نتوب
وفي كل حاجه ما أخذنا غير ذروة سنام

نعرف نصيد الجوازي بالحيّل والسلوب
وتردنا الشيمه اللي ما عليها .. ملام

حنا نعرف الكلام اللي يخطف القلوب
ونعرف حتى الكلام اللي يجر الكلام

بعد الثلاثين لو اسرق لسان الكذوب
ماتعبر خطة التمويه كذبت همام

ياصغر قلبي ليا ذعذع نسيم الهبوب
وياكبر عقلي ليا جات الامور الجسام

كبرت عمري على شان اتفادى الذنوب
وصراحه ان عمري العقلي ثمانين عام

وان قلتو الغطرسه باب الجهل والرسوب
قلت الجهل لا جهل قدرك صغير المقام

صحيح ماني على بعض الكلام مغصوب
لكنّ توضيح من باب اكتمال المهام

ياكثر ما اصد عن جربٍ تحك الجنوب
تقدير لـ الشاهد اللي من وسوم الحشام

اقدر اللي يضيق بي وساع الدروب
واكره من يشوف رد الاعتبار انتقام

تبآ لمن يحسب ان الصمت خطة هروب
وشكرآ لمن يعرف ان الصمت حنكة اكرام

قنعت بـ أن التغابي فالعلاقات نوب
يمشي الوضع لو ماهو على مايرام

واللي يشوف التجاهل عيبٍ من العيوب
طبيعي انه يشوف المستحبه .. حرام

على العموم القصيده جات وقت الغروب
وموضوعها كان " داخل دايرة الاتهام "

كتبتها وامطرت بالشعر دهم النصوب
اللي مطرها شرايد فكر ماهو غمام

[معتوّق @m3ttu8]

جعل صبحٍ لاتنفس بجودك،،،، ياكريم
يردفه ديموم غرى وفرحه،،،،،،، دايمه

لا اله الا انت يالواحد الفرد ،،،العظيم
جعل نفسي من ذنوبي لعفوك ،،شايمه

[معتوّق @m3ttu8]

اي والله ان ودي احاكيه وابعث له
لكن بعض الرسايل تبحث اوجاعي

هو خايف اني معاد ارجع وانا مثله
خايف من الرجعه اللي مالها داعي

_علي الدعيه ..

[معتوّق @m3ttu8]

"حافظ ملامح صورتك عن ظهر غيَب
كنّ الله بْـ يسألني فْـ يوم عنْها"
- صالح بن حمد

[معتوّق @m3ttu8]

تحاليت الجروح إللي تجيني من يدينك لين
دريت إن كل جرحٍ في حشاي أغلىٰ من الثاني

-ضيدان بن قضعان

[معتوّق @m3ttu8]

بقايا الشّوق واللهفه وذاك المبسّم الجذّاب
ليا حلّ المساء .. حلّت علي بكامل صورها

حبيبي كيف تنسّاني ؟ كذا حتّى بدون أسباب !
ذكرت اللي مضى وشلون تنسّاني وتذكرها

بقى لي منك حاجه مبهمّه في خافقي المرتاب
ليا من تاهت أفكاري .. طيوفك جت تحضّرها ..

[قوي العزايم @goi_3zaim]

-

مريت في البال .. يا ملح الزمان القديم
ليه أنت بالذات لا من ضاق صدري تمر

[معتوّق @m3ttu8]

مستقيمه بس جسمك لا يمكن يستقيم
و المشاعر فـ التفاصيل صارت مدمنه !

يوم وادعتك فقدت , السعاده والنعيم
مثل من وادع دياره , وربعه وضعنه

اذكريني كل ما هب , ذعذاع النسيم
الغلا مهوب ينسى لو ان عمره سنه !!

[معتوّق @m3ttu8]

يا نديمة ظلمة الليل , ما غيرك نديم
مستحيل القلب يسكن وطن غير وطنه

في غيابي لا غدا , قلبك الابيض يتيم ؟
معك امانه لا تخلين , غيري يسكنه !

عاشقك لا زال باقي على العهد القديم
في رضاك المستحيله , تعود ممكنه

ايه انا اللي في بحر , عينك النجلا يهيم
وايه انا اللي مارضى يعيش ذل ومسكنه

[معتوّق @m3ttu8]

قالت تبيع الكلام وقلت ابيعه
انا بياع الكلام اللي يطرا

زل نصف الليل والباقي هزيعه
والعيون تراقبك وانا اتحرا

اقلطي يالذة العمر وربيعه
واتركي عنك العتب واللوم برا

العتب مرفوع والفرصه سريعه
ودي اجريك من شان اتجرا

كل ماضاقت بي الارض الوسيعه
اتتقى فالقصايد واتذرا

- ناصر الحمادين

[معتوّق @m3ttu8]

..

[معتوّق @m3ttu8]

أنا آخر ليالي السلم و أول ليالي الحرب
" أنا الليله الي ضحكتك ماهيب فيها "..

[معتوّق @m3ttu8]

لا صار الغياب .. مجريّ الناعسات السود
تصير الضلوع الناحله مسرح اجرامي

لو إن لـ الحزن : و مجاهد الذاكره مردود
بعد كل غصة شوق الأقيك قدامي

من المؤسف انك لا انت غايب ولا موجود
و من المخذل انك تحسب غيابك إلزامي

لا زادت مشاريهي على دورك المفقود
يوقف بدالك قلبي " بـ مهنة محامي "

[معتوّق @m3ttu8]

حبيبي غبت لكن مرّني طيفك . . مع النسناس
يوصّل لي سلام و حبةٍ من فمك مخطوفه

تحت ضوح القمر سامرت طيفك وانكسر لي باس
يا كثر اللي تحت ضوح القمر يشكي من ظروفه

أنا الحاضر مع الذكرى و أنا الغايب عن الجلّاس
و أنا الواضح و أنا اللي حاجته ماهي بـ مكشوفه ..

[معتوّق @m3ttu8]

تارك لي ذكريات ، ومداهيلٍ وراي
خاطري فيها وأنا ماقدر اعوّد ورا

- سعود مبارك

[معتوّق @m3ttu8]

الجادل اللي هبوب الريح طرتها
لا زال قلبي على حطة جمايلها

على مشارف جروحي شفت جرتها
قصيدة ابداع ، صح لسان قايلها

من علم الشمس تطلع فوق غرتها ؟
ولا تصب الشفق على جدايلها !!

ما اصعب من الوجد واللهفه وحرتها
الا وقووووفي
على وحشة رسايلها

- سلطان حجاب
-..١٩ فبراير ..

[معتوّق @m3ttu8]

أنتظر يا ليل لا عاد تستعجل ، تراك
كل ما قفيت تجرح شعوري مرتين !

مرة لأنك تقفي . . و تتركني وراك
ومرة لأنك تذكرني " أغلا الراحلين "..

[معتوّق @m3ttu8]

ما عاد يـذكر .. من تواريخـه
إلا تاريخ ميلادك وتاريخ لقياك ..🤍🤍

[معتوّق @m3ttu8]

يا نديمة ظلمة الليل , ما غيرك نديم
مستحيل القلب يسكن وطن غير وطنه

في غيابي لا غدا , قلبك الابيض يتيم ؟
معك امانه لا تخلين , غيري يسكنه !

يوم وادعتك فقدت , السعاده والنعيم
مثل من وادع دياره , وربعه وضعنه

اذكريني كل ما هب , ذعذاع النسيم
الغلا مهوب ينسى لو ان عمره سنه !! ..

[معتوّق @m3ttu8]

على نظرة عيونك لحقني تعب ، وجهاد
انا مسامحك و إن طوّل البُعد ؟ سامحني

بعد ما خذاك الحظ عن ساعة الميعاد
عسى الله يخفّف من جروحي و يصلحني

كتمت الغلا و الحُب عن .. نشدة النّشاد
و انا اكبر همومي " دمعة " الشوق تفضحني ..