'

[' @m562n]

الحزن له كم يوم ٍفاٰلحشى متمادي
وين بلقى من قسى الأيام ضحكة ناجد

كابت ٍ حرة ضمير وضارب ٍ لي وادي
وغابط ٍ من لوعة الدنيا دموع الساجد

كن الأرض بكبرها متربعه فـ فوادي
عكس يوم أني على خد الثرى متواجد

الكلام الي بصدري واحسب انه عادي
والله انه احر من شمس الكويت بواجد

- حمود بن فارس

[' @m562n]

معي ضيقةٍ في جوف صدري لها أسابيع
مْن الضيق حتى زرار ( ثوبي ) يضّايقني

أنا أحس فيني زهد عود وشفاة وريع
وشيٍ لو أعلم به أحدٍ ما صدقني !

ياربي؛ لاتجعل فيني مْن الطبوع طبيع
تجمل علي ، جعل الردي ؟ مايرافقني ..

_منيف الجراش

[' @m562n]

تجاهلت واقع معطياتي ورحت اعيش
على اضغاث حلمٍ داري إنّ ماهو بحاصل

- صالح النشيرا

[' @m562n]

نسايم الليل للعشاق . . ساعي بريد
معها من احبابهم حبة خشم واعتذار

يا ليت ذيك الصروح اللي غلاها تليد
يصنع لها شي يحميها . . من الانهيار

اول دروب الغلا ترحيب ومصافح ايد
واخر دروب الغلا دمعة رجل وانكسار

والعشرة اللي يكون الحب فيها زهيد
اخير منها الفراق بـ عز نفس و وقار !

[' @m562n]

عايش بمرحله مدري وش تسمّى
لكن الظاهر أسم المرحله: عادي

زاهدٍ لي بأمور ، حبّها جمّا
وصاير يقفّي أغلى الناس ما أنادي

حتى لو الوضع ماهوب أخو شمّا
العرب تخترش جنبي وانا هادي

- سلطان بن بتلاء

[' @m562n]

انا لاتباطيتك .. علي الوله ينشاف
يبين على العاشق وينشاف فعيونه

احبك جعل حبٍ يجي من بعدك يعاف
وانا حالفٍ حبك مع الوقت ماخونه

ليا شفت وجهك والله ماعلي اخلاف
فلا تنشد اللي شاف غايته وش لونه

عيونك مثل مجدٍ قصر دونه اللي خاف
وانا اللي يحب المجد ويموت من دونه.

- مبارك بن وافي

[' @m562n]

الجفا عقب الوصل ملعون خير
و المحبه ذل ما فيها شجاعه

- محمد جارالله السهلي

[' @m562n]

كل شيءٍ قد جمعته على الدنيا وباح
غير حبك يا اريش العين عيا لا يبيح

- سعد بن جدلان

[' @m562n]

ياحب توقعت الليالي تنسينيه
على باللي إنك منت طاري على بالي

لهالحين أجي درب معك قبل كنت اجيه
على جرتك جريت قلبي وموالي

- فهد قطنان

[' @m562n]

يا جميله سامحيني على قل الكلام
القصيد ألقاه و أما الكلام أدوره

أتردد كل ما جيت أبلغك السلام
ليت صوتي ينتصور عشان أصوره

من دخل باب المحبه تحت جنح الظلام
بـ يتهور لا لقى العالم المتهوره

جعل بركان المواجه يجي برد وسلام
قبل ما يطغى عليه الشعور أيثوره

يكفي من الحب ثلثه و ثلثين أهتمام
و أنا والله يا شعوري ما عرف أزوره

- ناصر الحمادين

[' @m562n]

لا شعرت إن المواصل يذل النفس
كابر حتى ولو انك من الشوق ميت

- محمد بن فطيس

[' @m562n]

العبث ماهو بـ طيب خصوصاً فـ القلوب
لا سكنتوا في قلوب البشر . . روفو بها

- ناصر الحمادين

[' @m562n]

وعلى ان الاوادم في رحاب الديار كثار
انا ليه مااشوف ان فالكون احد غيرك ؟

- علي بن عواض .

[' @m562n]

أنا اللي كل ما شيّدت للنسيان دونك سور
جرى في خافقي سيل الحنين الجارف.. وهدّه

عساك الحلّ.. يا حلم الوصال وموعدٍ مهجور
تلاشى كنّه أصحاب الرخا في حزّة الشدّة ..

[' @m562n]

مدري بعدت من الخطا ولا بعدت من الصواب
لكن قربت من العيون اللي بضحكتها الفرج

ولا قبل وصلك حضور ولا بعد صدّك غياب
هذا انت .. ما قل الغلا صوبك ولا قل الوهج

- محمد الكريدي

[' @m562n]

رجعت من الغياب المرّ لكن ما رجعت ايّاي
يا ليت اللي يرد الغايبين .. يردّني يمّي .

- عويد النجود

[' @m562n]

اعتقد لين هذا الحد بالعشق كافي
مابقى لك طريق ولا بقى لي وسيله

- بندر الدويش

[' @m562n]

على شي مايسوى لقيتك حبيب وخلّ
مثل ما تفارقنا على شي .. ما يسوى

- جاسم الزعبوط

[' @m562n]

مطلب الليلة :

أخر الأمل فيك ياللي كنّت تشعر بي
تعال : رجع " علاقتنا " لـ مطرحها :)

_ عويّد النجود

[' @m562n]

يا موقفني بعد فرقاك على اعصابي
ما يزيد الحب غير محاولة نسيانه

جرحك الاخير ينعم في كنف ترحابي
ما تقول الا اخر العنقود بين اخوانه

- عبدالله السراهيد