ِ

- لن أتصنّع لأعجابك⎜ثق بذالك .

[ِ @m7_u2]

يقوّي عزوم الرجل عن مطيحه
نظرات ناسٍ معلقين الرجاء فيه .

- أثقل حمل يشيله الإنسان في حياته .

[ِ @m7_u2]

العلاقه الرسميه بعد الميانه والمحبه مافيه اسوا منها
وعلى هذا السياق قال جابر النشيرا :
رغم الثقه! تعتريني شكة المستريب
واقول جعل الليالي بالجهل ما تدور

يا وجودي ان عوّد المألوف مثل الغريب
ذي والله الحاجه اللي تستفز الشعور .

[ِ @m7_u2]

« اللي يصلي معك فأول لقى ركعتين
لو ما لقى قوت يومه ؟ عدّه أكبر ثري »
- صالح النشيرا

[ِ @m7_u2]

الوقت ما يرحم ليا حدّ شلفاه
يصحّي الغافل من اعزّ نومه

واليوم حتى الذّيب يرعى مع الشّاه
ما أقول غير الله يعزّ الحكومة
- وصل العطياني .

[بدر @justmebader]

ياجماعه المنظر هذا طبيعي ؟ ولا انا مريض وما اقبل المناظر هذي ؟

[ِ @m7_u2]

كلما ضاقت بي الارض تذكّرت إن: "اللي سمع يونس وهو في بطن حوت/ما هوب ناسيني وانا اشمّ الهواء"
- عناد الشيباني .

[ِ @m7_u2]

تضيع أكثر أوقاتي على شيء مايسوى
و الإنسان مهما كان . . يحتاج للإنسان
ㅤ
أبي اللي يعاونّي على البر والتقوى
مابي اللي يعاونّي على الإثم والعدوان .

[ِ @m7_u2]

يارب ارزقني شغف ينفعني :)

[ِ @m7_u2]

من فك للخبلان باب الميانة
قاموا عليه بكل حاجة يمونون"

لذلك "الرسمية" زينه غالبًا

[ِ @m7_u2]

المترف اللي يخطف اعماق الاعماق
سوالفه دايم . . فديتك و لبّى

يقول : أنا ( مربى ) على حسن الأخلاق
و أقول : صادق و الله إنك مربى :)
– حزمي بن سعد

[ابـو هَـلا @AbuHallaa]

90% من اعجابنا بالشخص يستند على الصورة اللي راسمينها في بالنا وعشمنا اتجاهه ولا هو ما يسوى التاليه من الغنم

- حقيقه مو راي

[ِ @m7_u2]

عذّبتني بالصد يا خفيّف الروح
خليتني في وسط الاسواق اهوبي

ذي حالتي وهو يجي يوم ويروح
لو ينقطع يومين شقيت ثوبي

ابو جديلٍ فوق متنينه يلوح
مثل العذوق الي ضربها الهبوبي

عليك قلبي يا بعد روحي يفوح
وان طولت جفواك خطرٍ يذوبي

ليته يسامحني وانا اقول مسموح
يرحم حياتي ويرجع القلب صوبي .

[ِ @m7_u2]

على البال ياللي تحسب اني من السالين
وانا في جميع حبال الأمال متجوّد

على كثر مابيني وبينك من الغالين
وشهب السنين مدلهة كل متعوّد

( اوقف على باب الرجاء فيك لاذالحين
مثل . . وقفة اللي لا تقدم ؛ ولا عوّد )
- مبارك بن رادعه .

[ِ @m7_u2]

« حنّا نخيط جروحنا طيلة العام
وحضرة جناب العيد لا جاء فتقها »
- سمار

[ِ @m7_u2]

الذكريات امرّها بعدك بـ صمت
كنّي على أعتاب القبور اتوطّى

البارحة ذكرتك . . وما تبسّمت
يبدو علي إني « بديت اتخطّى ».
- عبدالله السراهيد

[ِ @m7_u2]

« ما خفت من ليلة وداعك كثر خوفي
تقفي و انا ابيك ، وتعوّد و انا سامح »

[ِ @m7_u2]

عندما يزعل المُحب من مِحبوبه ويوعد نفسه بالابتعاد عنه تمامًا ولكن يعُود إلّيه وكأن لم يحصل شي

بدر بن عبد المحسن جسّد هالمعاناه وقال :
«وعدت نفسي ما أجي وجيتك/ومن بعدها ماعدت أصدّق وعودي»

[ِ @m7_u2]

ياوجودي وجد من لاعته شهب الظروف !
لين شافه من يعرفه . . ولا عاد عرفه .
- مبارك بن رادعه

[ِ @m7_u2]

ياخذني التفكير لأبعد مرحلة و أبعد نطاق
و أعيش في غربة عن الواقع و رحلة مجهده

ماصعب من شعور الفراق إلا شعور الإشتياق
همٍ يطاول راعي الفرقا و نارٍ موقده

من يكثر التفكير ف الدنيا و لحظات الفراق
يمكن يبين الحزن في عينه و يجفى مرقده :)

[ِ @m7_u2]

« لا تحاول أن تُجادلني في شخص تراهُ بعينك ؛ واراهُ بقلبي »
- مارك توين

[ِ @m7_u2]

يا خليل القلب ما عاد يصلح له خليل
غيرك الله يلعن اللي ليا عاهد يخون

لا تجاملني ترا قلبي إحساسه ثقيل
لو تقول« أهلا وسهلا » يحس أنه يمون

أنت لو تدري بحبك ؛ طلبت المستحيل
مستحيل عندك ، وعندي أهوون مايكون :)

[ِ @m7_u2]

مابين صمت الحليم وبين صبر الملول
تقرنس الشوق في صدري ورفرف وحام

في داخلي غايةٍ بين الحنايا تجوول
لو صارت ؛ تصير أموري كلبوووها تماام :)
- هادي بن زابن .