التجافي يا حبيبي .. و التغلّي
معصية في سنّة العاشق و شرعه
و الوصال اللي جزيته بالتخلّي
ثابت ٍ اصله .. و فوق الغيم فرعه
انت لو حطيت نفسك في محلّي
جفّت فياض الغرام و مات زرعه
و الله اني ما اداني زعلة اللّي :
يزعل بسرعه .. ولا يرضى بسرعه
اغـرد لحالي .. و انا داخل السرب
و اعاف سهل القاع و احب رجمه !
انا البسيط الواضح الصادق الذرب
اللي كثييييييييير تْمنوا يغيب نجمه
ما اشبه الا الواحد فـ جدول الضرب
كل شخص اناظر له على قد حجمه
ما عاد عندي شك .. عندي ادلّه
إن الجشع ظلما .. و الإيثار نبراس
جامل و سامح و إعتبر كل زلّه :
طبع آدَمي موروث والعِرق دسّاس
و اللي يقول إبعد عن الناس قلّه
ماغيرهم في كوكب الأرض جلّاس
حاول تحب الناس و يحبك الله
و الله اذا حبك .. يحبونك الناس