el 3shi

Palestine - Gaza.

Aug - English language and translation

I write here whatever I want, don't you dare judge me.

[el 3shi @m7md_ashi]

كل عام وانتوا بخير بمناسبة العيد اللي جبناه بحالنا 👍🏻

[el 3shi @m7md_ashi]

احد أكبر مساوئ الانترنت أنه أعطى حرية التعبير عن الرأي لفئات كتيرة من المجتمع أهمها فئة الخولات..

[el 3shi @m7md_ashi]

صباح الخير...حابب اقول أنه في غزة بنقدرش نفرح بالمطر والأجواء هادي عشان عارفين أنه النا أهل بالجنوب راح يعانوا بسبب هيك اشياء !

يا رب الفرج من عندك لانه احنا خلص مضلش.

[Hasan alshrafi @AlshrafiHasan]

خانيونس بتخلي .. بيت حانون بتخلي .. جباليا بتخلي .. البريج بتخلي.. رفح فاضية .. الشجاعية ارمي الإبرة بترن .. مجمع ناصر بستقبل شهداء .. شهداء الأقصى بتستقبل أشلاء .. المعمداني بستقبل شهداء ومصابين .. الاندونيسي مسكر .. العودة بناشد .. والمواطن معهوش إيجار النزوح .. معهوش خيمة .. معهوش ياكل .

لمتى حياة الناس في نظر حماس راح تظل ملهاش قيمة؟؟ الناس بتبكي وهيا ماشية في الشوارع! نساء حاملات اطفالهن ودموعهن سيّل على وجههن.. رجال حاملين شيوخ كبار في السن وببكوا!! أطفال حاملين حرامات وشاردين!
لمتى هيك حياة الناس بدها تظل؟
حسبنا الله ونعم الوكيل

[el 3shi @m7md_ashi]

مروح لأهلي هارب من الموت حرفياً ورئتي مليانة رماد صواريخ وغبرة من اللي استنشقتهم وضهري مجروح ومكسر ورغم ذلك اهلي خلوني اعبي مية 😭😂😂😂😂
احنا عايشين في simulation اقسم بالله وحياتنا جد رخيصة ومضحكة فشخ
ااااااااخ قديش بعشق دينها غزة

[el 3shi @m7md_ashi]

قبل ساعة تقريباً وبينما كنت بحلق في امان الله، تم استهداف شقة في العمارة اللي احنا فيها..طلعت من المكان بعد ما تطمنت اني قادر امشي.
مشيت في الشارع وشفت الحلاق اللي كان يحلقلي مدفون بالردم واكتشفت انه راسي وضهري فيهم كدمات من الحجار.
روحت..تحممت ورحت كملت حلقتي عند حلاق تاني!

[el 3shi @m7md_ashi]

@mokhles_fared يااااه! طب مال bipolar طلع حلو اهو !
ربنا يبعد عنا شر الامراض ويرزقنا السعادة الطبيعية اللي بتيجي من ورا الفلوس والخروجات والأكل والفلوس والحاجات الحلوة دي 😂❤️

[el 3shi @m7md_ashi]

توقيتٌ أكثرَ من مناسب لتُعطيني الحياة عناقاً طويلاً وهديةً أفرحُ بها وذكرى أعيشُ عليها ورباطاً أضمدُ بهِ قلبي وأملاً بدلاً عن ذاكَ الذي ماتَ بداخلي.

[el 3shi @m7md_ashi]

نزحنا للمرة المش عارف أكم لانه بطلت أعد..
نزحنا وانا معايا كبد وبائي وجسمي مهدود وحامل كل اغراض البيت عكتفي والقذائف بتنزل بعيدة عنا أمتار معدودة.
جوايا غضب وسخط وكره على كل اشي بالوجود، يا رب احنا عبادك يا رب احنا المؤمنين فيك
يا رب إذا ما انحلت عن قريب راح تصيبنا فتنة بدينّا

[el 3shi @m7md_ashi]

@mohammed6720012 فعلا راح الغي رحلتي من الحياة كلها 😂😂😂

[el 3shi @m7md_ashi]

انا كواحد عايش بالشمال معطي الحرب بالزبط اسبوع زمن..إذا ما خلصت من هان لاسبوع مش راح اعمل اشي طبعا بس راح أموت من جوا وأنطفي فوق الإنطفاء اللي انا فيه.

[el 3shi @m7md_ashi]

نظرات طفل فقد أمه وصار يتيم وعاش ولسا حيعيش معاناة ومأساة ❌
نظرات مقاوم ✅
يشيخ والله بدكم شخرة مدوّية ملعون ابو قرفكم عرص معرص

[Dr. Zaid Alsalman @ZaidAlsalman6]

هي نظرات مقاومٍ جديد ..

[el 3shi @m7md_ashi]

مش عارف مين ريشي سوناك اللي بتحكوا عنه بس اللي عارفه أنه غزة نهت مستقبلي انا شخصياً.

[Prof. Mamoun Fandy @mamoun1234]

غزة تنهي مستقبل ريشي سوناك .

[el 3shi @m7md_ashi]

العيشة في الشمال كانت وما زالت صعبة كتير ي جماعة وكل يوم بتسوء اكتر مما بتتخيلوا وللأسف بتلاقي ناس عتبانة علينا أنه ضلينا ببيوتنا!
عفكرة لو كل سكان الشمال راحوا عالجنوب كان الشمال كله صار ملك الاحتلال وكان بيوتكم راحت ومضلش في امل ترجعوا اصلا !
احنا بندفع الفاتورة ويا ريت عاجب

[el 3shi @m7md_ashi]

الدعاء على عيني وراسي بس المحبة هادي صعب الواحد يفهمها، يمكن لو جربوا يعيشوا فيها من اول يوم بالحرب لغاية الآن راح يكرهوا غزة وأهل غزة وحكومة غزة وشوارع غزة وراح يكرهوا حالهم كمان.

[هُدى من غزة 𓂆 @huda_gaza]

بـصراحة ؛

أحيانا ً أستغرب بشدة من محبة وتعلق الكثير بغزة لدرجة النشر عنها والدعاء لها بشكل يومي بالرغم من أنهم لم يدخلوها أبـدا ً !

[el 3shi @m7md_ashi]

انا كواحد ساكن في شمال غزة..جعت أشهر طويلة ونزحت تقريباً ١١ مرة وانقصفت بشكل مباشر ٣ مرات والرابعة كانت اليوم الصبح.
مش راح احكي اشي غير يا رب ثبتنا على دينك لانه الواحد حرفياً صابته فتنة بدينه وتحمل فوق طاقته أضعاف مضاعفة.

[el 3shi @m7md_ashi]

هدول بس من دار وحدة اللي شفتهم بعيوني، لسا في تحت الأنقاض كتير ناس..

[وكالة شهاب للأنباء @ShehabAgency]

#عاجل | ارتفاع عدد الشهداء إلى 3 جراء قصف صهيوني استهدف منطقة الصبرة وسط مدينة غزة

[el 3shi @m7md_ashi]

طبعا لا ننسى أنه فدا فلسطين وفدا القادة والشباب كلهم على راسي من فوق ❤️
بس أتمنى ولو فش فيها قلة حيا مني، أنه يا ولاد الوسخة اللي بعرف حاله مطلوب مينامش بين الناس في منطقة البيوت فيها ملزقة في بعض ومليانة اطفال ونساء ومدنيين 🥹❤️
روحك مش اغلى من هدول كلهم صدقني.

[el 3shi @m7md_ashi]

Literally, I've never felt suicidal in my whole life more than now.
I just wish for two things.
Either to die with dignity, or to live a life that I'm satisfied with.