برقاوي

[برقاوي @m_ls89]

تمردي…بالتغنج ..وألعبي …بالطروق
اللي بها الغطرسه والعنفوان .اخلطا   

 انتي من .اللي عليه قلوب.الامه تتوق
منتي …من اللي ليا روّح ..مراح القطا

الصبح ..يتنفسك والليل عقبك ..يروق
وتخضع لك احلامك الصعبه بدون وسطا

تخوى.عليك الهبايب والمطر .والبروق 
حتى.. السحايب عشانك ودها.بالوطا

[برقاوي @m_ls89]

تثنّي .على مهلك فدوك السمر .والبيض
وفداك الغدير العذب والمسك والكادي

[برقاوي @m_ls89]

الصباح اللي ماشوفك فيه ماله قيمه
لو يصبّحني ثلاث ارباع شعب العالم

[برقاوي @m_ls89]

سمّني مجنون عادي يوم اجي مجنونك
الجنون اللي معك ..مشاعره معذوره

ليت تدري وش شعوري لا نظرت عيونك
والله اني صرت … والا خلّها مستوره

[برقاوي @m_ls89]

انا شفوقٍ ..عليك ومنتظر .من زمان
وجهٍ يرد النفوس ويعجب الناظرين

جعلي فدى لـ العيون وشفتين الثمان
والا فدى الحبتين اللي على الوردتين

اليا رفعتي .جديلك عن جبينك وبان
اقول سبحان من فج الظلام بجبين

تفضّلي.. وادخلي ..قلبي ..عياناً بيان
القلب مفتوح للحلوين لا تستحين

[برقاوي @m_ls89]

من شاف عودك والغصون الثابته والمايله
ماهو ..بحاجة شجرة الوادي ..ولا قمريّها

للحسن .هيبه تتعب اللي يتعبون .الطايله
لو ما على اهله تاج ملك ولا على كرسيّها

غيرك ..كثيرً .عندنا ..مثله .مثل ..قلايله
والا انتي اللي دون واجدها يسد شويّها

[برقاوي @m_ls89]

عينٍ بها سحر الهوى يقصف اعمار
تاخذ حقوق القوم من غير منطوق

في سلهمتها ضاعت افکار و افکار
كن المنايا. ترتجي ..رمشها .طوق

دلع طبيعي.. ما يبي لفت .الانظار
طاغي على كل العذارى ومفروق

ورقة ..حيا تبري وجع كل ..محتار
تروي ظما قلبٍ من الوقت محروق

[برقاوي @m_ls89]

توّك ..صغيرة سن بحدود عشرين
وعلى ..صغر سنك عيونك مضاليل

يأجمل جميله جات من جيل الالفين
تسوى بنات الجيل الاول وهالجيل

معقول من باقي العذارى .تغارين
اكيد ..هذي ..يالغلا .كذبة ..ابريل

[برقاوي @m_ls89]

مرحبا .ياللي على جيله .تسيّد
يا ملاك .الحسن كله والحلاوه

يوم شفتك قلت انا والله معيّد
وجاتني حالة سكر مدري فهاوه

انشلع ..قلبي وانا قلبي .جويّد
يوم شافك بدّل القسوه طراوه

[برقاوي @m_ls89]

طلتك تخلف حكيم الراي لو هو شديد
لا شافك ..يضيع عقله ما يدل .السنع

أوصافك تقول ماغيرك على الارض غيد
ودي .لو أنك عن .عيون البشر .تنمنع

وجهك لحاله صباح العيد عيد ٍ سعيد
سبحان من صوّرك وأجاد فيك الصنع

العيد من دون وصلك كن ماهوب عيد
الابتسامه .مجامل والفرح .مصطنع

[برقاوي @m_ls89]

مرحبا ..يا طارقة بـاب .. المعايد والتهاني
والله انك يا عيووني بهـجة العيد .. المبارك

اقلطي لو معظم الحضّار من حسنك يعاني
كود عـذالك تصيـر اعيادها مـثل .. المعارك

[برقاوي @m_ls89]

يا حبيبي و أنت للخفاق .عيده
تدري ان عيدٍ بلا لاماك .عادي

عاد .عيدك و التجافي لا تعيده
دام حبك مختلف غير اعتيادي

غربتك طالت عسى العوده حميده
والله انه عقبكم .. خالٍ فوادي

غارسٍ ..لك راية ًخضرا .وحيده
تطرح .بقلبي .كما راية .بلادي

[برقاوي @m_ls89]

مايحتاج اسولف في ملامحك والا اعيد
على خطف الاضواء ما تعبتي. ومليتي

خذيتي .من الزين المعرب بلا تحديد
وعلى ..عرش ربات المفاتن ..تعليتي

تركتي عيون منافسينك على التهديد
تجلّى ..عليها. الهم .لا من ..تجليتي

على طلتك هذي بعد طل صبح العيد
انا تو ..عيدي .يبتدي .يوم ..طليتي

[برقاوي @m_ls89]

انتي معك زين متسلّط ونارً شبوب
لا مرتك ..فاتنه تسري ..بليا .حلا

عيونك الحلوه اوسع من وساع الدروب
وإرموشها صف قومٍ من خيار الملا

رؤيتك وانتي قبالي يالغزال اللعوب
تشبه لرؤية محمد لا إزدهار ..العلا

[برقاوي @m_ls89]

معايدك ..يافاتنه يقعد ..الراس
طلّي مادامك في ضلوعي سكنتي

لاتذخرين الكلمه اللي على ساس
حتى ..لو انك .بالكلام ..استهنتي

خلي الكلام .اللي يقولونه الناس
خير .الكلام اللي ..تقولينه انتي

[برقاوي @m_ls89]

كل عام و المسلمين بوجهك معيدين
يالنايل ..اللي .تبتختر .ماحدٍ ..نـالها

فيها الغنج والحلا والزين .متجمّعين
معلقة ..قلبي ..الهـاوي ..بسلسالهـا

لامن مشت صارو المتلقّيه معجبين
ولا .مالت ..يميل .قلبي مع ..تميّالها

من التغطرس تشوف العالم بنص عين
تقول .تمشي على وجـه الثـرا لحالها

[برقاوي @m_ls89]

مرحبا ياطلة العيد .. وصباحه
مرحبا والعيد جاد ..بعيد ثاني

الوجيه احيان مافيها سماحه
وانت يا حلو الملامح مرحباني

ألبس اللي تلبسه ..وبكل راحه
دام شوفك ياحبيبي بالثواني

تاقف وتجفل مثل ظبي البراحه
عاد وصفك ما توصفه الاغاني

جعل قلبي كل مارف بـ جناحه
ينثني لك من غلاك اللي كفاني

[برقاوي @m_ls89]

ماتلبس إلا قميص الروز وتحبّه
وتبغا تخبي ردوفٍ صعب تتخبى

ماهي نحيـفه ولاهي ياعرب دبّه
ومن شافها لا شعوري قال يالبى