من شاف عودك والغصون الثابته والمايله
ماهو ..بحاجة شجرة الوادي ..ولا قمريّها
للحسن .هيبه تتعب اللي يتعبون .الطايله
لو ما على اهله تاج ملك ولا على كرسيّها
غيرك ..كثيرً .عندنا ..مثله .مثل ..قلايله
والا انتي اللي دون واجدها يسد شويّها
عينٍ بها سحر الهوى يقصف اعمار
تاخذ حقوق القوم من غير منطوق
في سلهمتها ضاعت افکار و افکار
كن المنايا. ترتجي ..رمشها .طوق
دلع طبيعي.. ما يبي لفت .الانظار
طاغي على كل العذارى ومفروق
ورقة ..حيا تبري وجع كل ..محتار
تروي ظما قلبٍ من الوقت محروق
توّك ..صغيرة سن بحدود عشرين
وعلى ..صغر سنك عيونك مضاليل
يأجمل جميله جات من جيل الالفين
تسوى بنات الجيل الاول وهالجيل
معقول من باقي العذارى .تغارين
اكيد ..هذي ..يالغلا .كذبة ..ابريل
مرحبا .ياللي على جيله .تسيّد
يا ملاك .الحسن كله والحلاوه
يوم شفتك قلت انا والله معيّد
وجاتني حالة سكر مدري فهاوه
انشلع ..قلبي وانا قلبي .جويّد
يوم شافك بدّل القسوه طراوه
طلتك تخلف حكيم الراي لو هو شديد
لا شافك ..يضيع عقله ما يدل .السنع
أوصافك تقول ماغيرك على الارض غيد
ودي .لو أنك عن .عيون البشر .تنمنع
وجهك لحاله صباح العيد عيد ٍ سعيد
سبحان من صوّرك وأجاد فيك الصنع
العيد من دون وصلك كن ماهوب عيد
الابتسامه .مجامل والفرح .مصطنع
مرحبا ..يا طارقة بـاب .. المعايد والتهاني
والله انك يا عيووني بهـجة العيد .. المبارك
اقلطي لو معظم الحضّار من حسنك يعاني
كود عـذالك تصيـر اعيادها مـثل .. المعارك
يا حبيبي و أنت للخفاق .عيده
تدري ان عيدٍ بلا لاماك .عادي
عاد .عيدك و التجافي لا تعيده
دام حبك مختلف غير اعتيادي
غربتك طالت عسى العوده حميده
والله انه عقبكم .. خالٍ فوادي
غارسٍ ..لك راية ًخضرا .وحيده
تطرح .بقلبي .كما راية .بلادي
مايحتاج اسولف في ملامحك والا اعيد
على خطف الاضواء ما تعبتي. ومليتي
خذيتي .من الزين المعرب بلا تحديد
وعلى ..عرش ربات المفاتن ..تعليتي
تركتي عيون منافسينك على التهديد
تجلّى ..عليها. الهم .لا من ..تجليتي
على طلتك هذي بعد طل صبح العيد
انا تو ..عيدي .يبتدي .يوم ..طليتي
كل عام و المسلمين بوجهك معيدين
يالنايل ..اللي .تبتختر .ماحدٍ ..نـالها
فيها الغنج والحلا والزين .متجمّعين
معلقة ..قلبي ..الهـاوي ..بسلسالهـا
لامن مشت صارو المتلقّيه معجبين
ولا .مالت ..يميل .قلبي مع ..تميّالها
من التغطرس تشوف العالم بنص عين
تقول .تمشي على وجـه الثـرا لحالها
مرحبا ياطلة العيد .. وصباحه
مرحبا والعيد جاد ..بعيد ثاني
الوجيه احيان مافيها سماحه
وانت يا حلو الملامح مرحباني
ألبس اللي تلبسه ..وبكل راحه
دام شوفك ياحبيبي بالثواني
تاقف وتجفل مثل ظبي البراحه
عاد وصفك ما توصفه الاغاني
جعل قلبي كل مارف بـ جناحه
ينثني لك من غلاك اللي كفاني