.

[. @ma7n8lbk]

والحسود اللي يغرّ الاوادم بالكلام
يفهم بقلب الحقايق وحنا نفهمه

ندري انه مثل قبر المسيحي بالتمام
خارجيّه زين .. والخافي الله يعلمه

[. @ma7n8lbk]

المغامر يندب العزم ويزود الهمام
والمهيَّب طول باله مثل طول نسمه

نعرف اللي كل ما قام جاء قد المقام
ونعرف اللي ما فرق في وجوده وعدمه

ما شكينا قل حاجه ولا قل اهتمام
ولا غبطنا شيخ لابه وقاضي محكمه

استوينا واعتدلنا مع الصف الاَمام
من فضل ربي علينا وجوده وكرمه

[. @ma7n8lbk]

كبرتنا سود الايام وكبار المهام
ما طلعنا للمعالي بدون مقدمه

قد تمثنينا المخاطر بصمله واقتحام
فالدروب الموحشه والليال المضلمه

لا غرق راس المترّف على ريش النعام
روسنا تصلف على المجد وترز علمه

واحدٍ يسهر لحلمه وعينه فالغمام
واحدٍ حلمه بنومه وعينه فقدمه

[. @ma7n8lbk]

يا كم عارضتك الزوبعة تدفع الارياح
تهد الجبال ولا انهدم بيتك المبني

كلام البشر كم جاك يمشي ودونك طاح
وهذا هو اللي في ثباتك محبّبني

نوايا الخلايق خزنة مالها مفتاح
لعلك ما تنشب بالنوايا وتنشبني

[. @ma7n8lbk]

لو الله خالق لي تحت كل كف جناح
لحقت الطيور اللي لها حوم معجبني

وعلمتها باسرار قلبي عشان ارتاح
ولا عاد يبقى سر مكتوم يتعبني

يا راسي عليك الله وأمانه وانا سداح
تطمن ولا تمسي بشيبك تشيبني

مقامك عزيز وهيبتك زندها قداح
تشيلك متوني وانت بالعز جاذبني

[. @ma7n8lbk]

تعلقت في برق تمثنى سماي ولاح
رعش قلبي المرتاب نوضه وكهربني

شعاني على غرّه .. بنور يشع وراح
ترك في ضميري حسرة ما تناسبني

صحو جوّي الليله وكل الهبوب صحاح
ولا ادري يا برق الصيف وش كنت تطلبني

على راحة كفوفي قصيدي خرز مسباح
اغني والاعب كل طرق يلاعبني

[. @ma7n8lbk]

لحفي صدرك ترا برقه .. شعاني
كل صبح ينوض وعيوني تخيله

دبلّي لبسك عليك بلبس ثاني
لا تموت عزوم قلبي يا جميله

ودي أثقل مير ضيّعت إتزاني
أستخف القلب عندك ياثقيله

علمّي صدرك ليا منه لقاني
لا يضيعني وانا أسوالي قبيله

[. @ma7n8lbk]

سكوتي عن الزلات ماهو سكوت الخوف
وانا اقدر على تلجيم الافواه وحكاها

تشيمت والزله ليا جت على المكشوف
ليا وحيتها سويت ماني بوياها

على سلمنا المتوارث الواضح المعروف
تعلمت اهمشها كذا واتناساها

انا من كثر ماشوف كني ماعاد اشوف
تعرّض عليّ المخطيه واتعداها

[. @ma7n8lbk]

كل الكلام اللي أقوله ما يليق
دام السكوت اللي أشيله ما فَرَق

الأرض ملّت جهد .. ما عادت تطيق
والناس تندا الناس .. ما تندا عَرَق

من البحر .. دايم ينجّون الغريق
المشكلة باللي على الأرض وغَرَق !

[. @ma7n8lbk]

لا سوّلت للنفس خطوات الطريق
تنتابني وجهة .. حراويها أرق

على شفا المجهول يالصدر الطليق
وعلى أمل غيمة .. وبارق ما بَرَق

قِدمي من أبواب المسافة باب ضيق
محتوم .. ما بيني وبينه مفترق

لآخر رمق متماسك الحبل الوثيق
لين صارت معظم أحلامي .. ورق

[. @ma7n8lbk]

ماهـوب جيـبٍ ماتـعـدا مبانـيـه
راعيه في وسـط المبانـي يسوقـه

لا والله إلا بالمـسـاري مـظـريـه
وإلى سـرى ليلـه يغنـي طروقـه

يازيـن مغباشـه ومحـلا مساريـه
يشوش راس اللي سرى الليل فوقـه

يدنيك قفر(ن) صادق الغيـث محييـه
ويبعدك عن ضوضا البلد والخنوقـة