Assistant Professor of political Science | PhD in Political Methodologies | MSc in Social Innovation & Entrepreneurship | Amateur tennis player on weekends 🎾
الجو مش لطيف وميشجعش على أي حاجه تتعمل الليلادي..لا عايز أنام ولا عندي شغل أعمله ولا ليا كيف أشوف تلفزيون ولا حتى أسمع أغاني..وده مش فقدان شغف ولا أي شيء..الفكرة بس مود غريب كده ، سكوت بس لأجل السكوت !
بحب بيتنا أوي ، كلام اللي هو ايه ده ! ما هو طبيعي نحب بيوتنا..بس لأ ، الموضوع عندي واصل بيا لدرجة إني لما كنت ببقى غايب عن بيتنا وعليا ضغوط وعندي هموم ، مجرد ما أدخل بيتنا ولأوضتي بحس براحه مش طبيعيه..بتخيل كل حاجه في أوضتي حساني، فرحانه أو زعلانه عشاني
عايز أكسر القاعدة العامة اللي دايماً فيها حُب للأشخاص..عشان تبقى إستثنائية ولأول مرة هيكون الحُب فيها لأماكن جمعتني بأشخاص لطاف، ومعاهم بقت جزء من الشعور..أنا هفضل مدين بحُب كبير لكل مكان اتبسطت فيه مع حد ولو حتى كان إنبساط لحظي..
العام الدراسي بالنسبة لشغلي إنتهى وبما إن إقامتي في بريطانيا ممتدة لسنة كمان فا حابب أستغل إني معنديش شغل وأرجع أكمل أوراق مهمة ليا في لندن..وطبعاً مستحيل أكون في المملكة المتحدة وأضيع فرصة إني أزور أصحابي والأماكن اللي بحبها في اسكتلندا وفي أيرلندا الشمالية
الناس كلها هتتكلم النهاردة على اللحمة والكبدة والفتة اللي بالصلصة والخل والثوم..بس محدش غير هيقولكم على كنافة أم خديجة اللي بالجبنة والفستق والعسل الأبيض..أم خديجة أهم ست في حياتي بعد أمي..أمي دايماً تتخيل أكل معين ، وأم خديجة تحقق لها أحلامها في المطبخ واكتر
أكيد كل حد فينا عنده أهله وأصحابه اللي بيهنيهم بالعيد..بس فيه عالم تاني يبان غريب واللي فيه أغراب..عالم السوشيال ميديا وإكس تحديداً..العالم ده فيه ناس أشرار أحياناً، وناس طيبين..حظي دايماً بيوقعني في الناس اللطيفة اللي بقولهم كل سنة وأنتم طيبين وعيدكم سعيد ♥️
@NaguibSawiris جارنا في الحي ١٣ فيلل كان من سكان الزمالك..الرجل ده كان ساكن جنب السيدة نجاة الصغيرة..لما بشوفه الصبح صدفه بحس أنه بيعتبرنا من سكان بولاق العلا مثلاً من كتر الأرستقراطية اللي عايشة جزاه..ببقى عايز أقوله الروس تساوت احنا جيران علفكرة يا باشا 😄