محمد بن وبصان الغنامي
@ro8iii511
من كثر شدة اعجابي في شاعريته قلت اشاركم هذه الابيات الرائعه
عند الكلام اصواتهم بالعلالي
وعند الفعول اتصيبهم حالة اغماء
درب المحبين كيف اطوّقه بالشموع
ومع كل خطوه تهب اوجاعه اللي تسم
يوم ان ماني على وجه البسيطه جزوع
ليش المقادير تمحي حلمي المنرسم
ربيع الايــام لاشــّهـب تشين الطبوع
اللي نواويره الطف من ربيع الـــوسـم
من لاعه الهجر واركى خنجره فالضلوع
لايمكن ايحصل امن الراحه الا الاســم
راحت على فالها في عصر يوم الربوع
والوصل عقد حجاجه والفراق ابتسـم
ياغاية الروح ما للوصل لوحة رجوع ؟
الوقت ماهو موحّد قلبي المنقـسـم
اهيم في ذكرياتك والاوادم هجوع
ومع كل ذكرى تمر البال جرة نسم
ادورك في كنف ليلٍ ســدوله يـروع
من سامره حط فيه من المواجع وسم
دلاله الفقد والشوق العظيم القدوع
ونـهايتـه فكرة ٍ حـرّه ومطـلع دسِم
يعيش الانسان في دنيـاه ماهو قنـوع
اليا تردت حضوضه والنصيب انحسم
يالجادل اللي على ميصالك اضمى واجوع
من يفقدك عاش ف ايامه مجرد جسم
"اعطيتك الروح وعيوني وزرق الدموع
واملّت في حبك العذري ولا الله قسم"
ريان معيض