مالك

مُلقي و ربما شاعر … ابن الشعر البار ، بعضاً من احساسي في المفضلة

[مالك @malik_mt3b]

مساء / صباح
الخييييير
للجميع
بعد هذا الغياب اعود إليكم بهذه الابيات

[عبدالعزيز الايداء @aida_901]

كلام العيون أجلّ من ذمّة التخمين
ياوجه ٍليا طالت مساريك .. سامرتك

على نفس توقيت الغلا بأول العشرين
تقول الليال لضحكة شفاي ناذرتك!

زجرك الولهْ ، واخذك بيدينك الثنتين
تلعثم خجل ، وتذوب أحبك بحنجرتك

لاترتاب من يمّي ، وأنا اللي تْعرفه زين
انا عاذرك وجروح الايام عاذرتك

حبيبي يزين الوقت والا عساه يشين
فدى كل لحظات اشتياقك .. مكابرتك

تفيّا تحت ظل المحبّه ليوم الدين
انا واحد ٍ خيّرني الحظّ .. واخترتك!

[علي الغانمي @lwj3l]

عبر صوتك مثل غيمه
__ بعد مر " الجفاف " سنين

معاك الصبح له قيمه
__ ويزهر " قلب " لو تدرين !

[سعيد الموسى @alskab1]

هيّا معي : نلمس النجمه
ونفرّق الغيم ونلمّه !
هيّا : نغيّر ملامحنا ..
ونطير
لـ آخر .. شقاوتنا
تغفين
وأنتِ على صدري
ويلحفِك .. بالورق " شعري "
تصحين والفكرة تضمّك
والقافيه تلعب :
بشعرك !

[علي الغانمي @lwj3l]

ياليت " كفي " تبدّل .. ريش ؟
مادام .. لون " السما " يغري !

محتاج " أحلّق " عشان أعيش
محتاج لي " يوم " من عمري !

فيه الفرح ضحكتين و طيش !
فيها الأمل ، مرهم ألـْ/ صبري

[علي الغانمي @lwj3l]

كل " المواعيد " منسيه و مقهوره !!
في " ليلةٍ " جيت واشواقي على يدي

من ينعش الورد يومه مات بحضوره
والليل والدمعه اللي في طرف خدي

من صار قلبك يشّح الدرب عن نوره
وطعونك اللي " مفصلها " على قدي

لا تطلبين العذر .. ما أنتي بمعذوره
ولا ترتجين الرضا وتخاطبي " ودي "

و اللي بقى لك عشان نكون بصوره
ذكرى و صوره ، معا الايام / وتعدي

معذور قلبي معك ما يأمن شعوره
لو كان سيِف البحر جزره معا مدي

لا مات غصن الحياه وطار عصفوره
ما يجذبه لـو تسيل ، الارض و تنْدّي

[مطلق الجبعاء @aljabaa50]

ما يعترض بنحور الأجواد شكة
أهل الشداد ومبعدين الهقاوي

كلٍ يبيّن معدنه في محكّه
ويطيح سوق مزخرفين الحكاوي

الوقت له دورة ولفة وصكّه
يبغى لها راس ٍ على الروس قاوي

يوم أن خيل الضيق صدري تدكّه
ومن فوقهن فرّيس ليل البلاوي

فتحت في شلفاي للصبر سكّة
ونطحت بالعزوة كبار العزاوي

بيني وبين مصافح الموت تكّة
أموت لكن موتة النجم ضاوي

صيد الضبا حرام بشعيب مكة
وحرام طيبي في عيال الشواوي

[مالك @malik_mt3b]

@MeshalAldhawi مشرف وشاعر القبيله الاول
شاعر وشاعر وشاعر
والله يديمك يابو الوليد

[مشعل الضوي @MeshalAldhawi]

تشرفت اليوم بإلقاء قصيدة أمام سمو الأمير فهد بن سعد آل سعود نائب أمير منطقة القصيم بالمناسبة المقامة على شرف سموّه بديوان رجل الأعمال الشيخ هزاع الروسان

#مشعل_الضوي

[سعيد الموسى @alskab1]

قالت وهي " ترجف " عسى الشوق يدفى ؟
_ قلت : الوطن دافي " و ناسه " كريمين !
قالت : بذوق الما .. ولا هنت " تكفى "
_ اطفال " ثغري " هاليتامى .. مساكين !

[نواف التركي @nawafalturky]

إتمايل بعودٍ لو يهبّ الهوى
يينع التين ويلذّ الثمر للقطاف

وتتقوّس تقوّاسٍ يثير الغوى
لا تقفّى الهوى غرّاتها من خلاف

ان ضحك ثغرها ذاق العليل الدوى
تبري اللي عليه من الليالي خلاف

فتنةٍ تستثير ولعنةٍ في ثوى
ولذّةٍ بأوّل المسعى ليا أخر طواف

[نواف التركي @nawafalturky]

يا جرّ قلبٍ صار شفّه خلافه
مـ الله على التوفيق عانه وقدّاه

يوم اينعت بقعاء وقرّب قطافه
راحت مقادير الليالي تبلّاه

كلت سمان السبع سبعٍ عجافه
ولا جا بعدها عام يورق محيّاه

كبرت حتى الفقد ما عدت اخافه
من راح منّي قبل ينساني انساه

البحر يزفر ضيقته في ضفافه
وتتشرب الملح الشواطي وتنساه

والشعر من قافه اليا حدّ قافه
بدوٍ يسوقون الضعون المجلّاه

والعمر رحلة والسنين المسافة
وقلوب خلق الله محطّات للـ آه

[سعيد الموسى @alskab1]

ماأذكر ولا مرّه أتوّجعت
إلا : ورى هالوجع " شيمة " !

[فيصل الدهمشي🇸🇦 @faisal_aldhmshy]

:

غريب وتضمّني حنّية أطواري !

[علي الغانمي @lwj3l]

وش بقى بـ أحساس قلبك يا نذير
____ اللي مثلك كم " ترمّد " و أحترق

كل ما طاحوا من أحبابك " كثير "
____ رحت تجمعهم بـ قلبً مـن ورق

[مالك @malik_mt3b]

@MeshalAldhawi مبدع يا شاعر عنزة الاول بلا منازع
قلتها من غير لا نقولها
وللمعلوميه كنا نقولها بدون ما تدري

أنا ماعاد يغري هاجسي ما يغري الشعار
خذيت الاوله و الناس لا زالت على اولها

يشهد الكل في ذلك

[مشعل الضوي @MeshalAldhawi]

الجديد

أنا ماعاد يغري هاجسي ما يغري الشعار
خذيت الاوله و الناس لا زالت على اولها

أشوف اللي ورى الفنجال الاول فوح مانٍ حار
فناجيلٍ تعاقب ماحسدت اللي تفنجلها

https://t.co/vBRQ0EcvpN

#مشعل_الضوي

أداء نادر الشراري

[عبدالعزيز الايداء @aida_901]

محتاج عن جو المدينة عبلة ٍ مسراح ريم
حتى ولو هي صحصح ٍ جردا وقاع ٍ مجدبه

اداء : خالد ال بريك

https://t.co/SUZT2Vr2JF

[عبدالعزيز الايداء @aida_901]

مخفي الحزن خلف الضحكه الصفرى
ومشرع الصدر للفرقا وخنجرها

معتبر دمعتي من عزّتي عذرا
وانعزل عن عيون الناس واسترها

[مطلق الجبعاء @aljabaa50]

يمرّك الخوف متطمن بليل الحروب
وصوت الصواريخ ما حرّك جريد نْخلك

ما غير خفاقك الأخضر حبيب الهبوب
وما غير ربّك وأمانه ظلة يظللك

من دونك الموت يضحك في وجيه الخطوب
ولا نغني عبث (يا دار حنا هلك)

يوم الحناجر تغص وتنحشر بالقلوب
حنا سلالة شجيعٍ في رحابك هلك

وحنا جلاميدك اللي بالصبابة نذوب
ويومك وماضيك والحينك ومستقبلك

في عينك ملوك الأرض اللي تروس الشعوب
ماهم مثلك أعز الناس شعب وملك

[مطلق الجبعاء @aljabaa50]

يا مل قلبٍ مللوه ومل
والنار تاكل جوفه وتصلاه

ماهو بزول اللي تشوفه ، ظل
لواحد ٍ ضيّع دواه بداه

عسى السنين المقفيات بـ حل
ويا عل ماهي المقبلات أشباه

حتى القصيد التالي أخذ وخل
ما عاد يسوى نسمع ونقراه

ما بين مستشعر ومرضى غل
وما بين يا ويلي ويا ويلاه

الشاعر الشاعر دقاقة جل
شعره من مزون السما نقّاه

اللي بجفافك لا كتب تبتل
ويخشركْ في ضيقة وفي نجواه

وعلى خطى راكان قل ودل
شيخ ٍ يوردها على المضماه

جعل السحاب اللي علينا هل
يغسل صدى قلبي مسايل ماه

كبرت راسي مامسحه الذل
وضحكت راهي داخل المأساه

وخذيت بالدنيا علوم الكل
فلاسفة وأهل الأدب ورواه

ولا عشير الا بشوش الدل
ولا لطيف الا لطيف الفاه

ولا كريم الا كريم القل
ولا بخيل الا بخيل الجاه

ولا ختول الا شبيه الصل
وزينك وشينك بكرة بتلقاه

اليا طووك الربع مثل الزل
وأعزهم صد و بكت عيناه

لكن لهذا اليوم صوم وصل
هذي هي الخيرة قسم بالله