عبدالعزيز الشباني

[عبدالعزيز الشباني @malkijaa]

@fawaz1379s كُثر الزعل يا صاح لالا مايصير
مثيل مقطع ما نويت اشيّره

[عبدالعزيز الشباني @malkijaa]

@fawaz1379s تدور السنين وزودها نقص فالاعمار
والايام تمشي بين زوده ونقصانه

[عبدالعزيز الشباني @malkijaa]

@fawaz1379s في سلمنا يابن صالح للمعرفة نزود
هذي خلقنا بها ونموت باسبابها

[عبدالعزيز الشباني @malkijaa]

@fawaz1379s ياصاحبي لاتلوم اللي عصته الجراح
جروح تبرى والاخرى ماعرف اسبابها

[فواز المالكي @fawaz1379s]

للمبدعين

النّاس تحيا على ذاك الامل جا وراح
عاد الامل لكن الاحلام ماجابها

#فواز_المالكي

[فواز المالكي @fawaz1379s]

للمبدعين

احذر هوى النّفس يابن ادم وريب المنون
والنّفس في وقتها تفصِح بمكنونها

#فواز_المالكي

[عبدالعزيز الشباني @malkijaa]

@fawaz1379s ما يتلف النفس فالغالب يكود الضنون
فتش عن النفس لامن كثرت ضنونها

[فواز المالكي @fawaz1379s]

للمبدعين

اقْنَع بِرِزقَك نصِيبَك فَقر ولاّ غِنا
الله يحاسِب جميع النّاس باعْمَالهَا

#فواز_المالكي

[عبدالعزيز الشباني @malkijaa]

@fawaz1379s الرزق مكتوب يا فواز يسر وعنا
لاقام حظك تجيك اجمال باحمالها

[فواز المالكي @fawaz1379s]

للمبدعين

رِزقك المكتُوب تلقاه والماء بالغُرُوب
تنضَح الماء بالسّواقي لِتَشرب ثانِيه
#فواز_المالكي

[عبدالعزيز الشباني @malkijaa]

@fawaz1379s ماعلينا خلاف والرزق مفتوح الدروب
اركز اعلام التوكل براس السارية

رزقك المكتوب تلقاه والماء بالغروب
تنضح الماء بالسواقي لتشرب ثانية

[عبدالعزيز الشباني @malkijaa]

@m_mha13 @knt56 لو ترجع الايام ما قلت لك روح
لكن ياهيهات ما عاد ترجع

[عبدالعزيز الشباني @malkijaa]

@fawaz1379s كان رودك عادها فانت عانقت السحاب
ديرة (ن) ياجعل وبل الغمام ايرودها

[فواز المالكي @fawaz1379s]

@malkijaa حيّالله ابو عبدالله
ياسلام ياسلام على جميل الابداع
والحضور المميّز
يالشاعر العذب و الجزل عبدالعزيز الشباني
صح السانك ولاعدمناك
لك البقى يابن الخال الغالي
وعليكم بالصبر
والحمد لله على كل حال

[عبدالعزيز الشباني @malkijaa]

@fawaz1379s آه من حزناً تربع على قاسي الضلوع
من هموماً داخل القلب والطاري طرى

والله اني شلت حملي وما مثلي جزوع
لكن الايام مالت وهذا اللي جرى

يابو عبدالله ربيع العمر ما هو بطوع
ادري انك خابراً مير غيرك ما درى

[فواز المالكي @fawaz1379s]

@s_hm2030 دام عِزّك ياوطن

[RiyadhToday | الرياض اليوم @RiyadhTodayApp]

#فواز_المالكي.. صوت شعري مميز
@fawaz1379s

#الرياض_اليوم

[عبدالعزيز الشباني @malkijaa]

@RiyadhTodayApp @fawaz1379s تستاهل يابو عبدالله الإشادة كيف لا وانت الشاعر الجميل مرهف الحس وصادق الشعور طوعت الحروف ونظمت القوافي شهادتي فيك مجروحة فقد عرفناك عن قرب وانت غير الابداع الشعري تمتلك خُلق رفيع وطيب معشر واصالة معدن دام بوحك وابداعك وسلمت لمحبيك ومتذوقي شعرك وجمهورك وانا واحد منهم لك تحياتي

[عبدالعزيز الشباني @malkijaa]

@fawaz1379s صح الله بدنك وصح لسانك من بعدكم في كل علم غانم