ممدوح البدراني

الحساب الرسمي . اخوكم الشاعر / #ممدوح_البدراني

[مبارك بن رادعه @MBnradah]

علم من يحاول ، يحاول يجاريه
في كل علم وكل موقف وقمه

العز ، في وجهه تشعشع مواريه
واللي يهم الشعب كله ، يهمه

من حب شعبه له، يفاخر بـ طاريه
و من حبه لـ شعبه تبرع بـ دمه

#حملة_ولي_العهد_للتبرع_بالدم

[شبّاب القصّاص @shbabalsobei]

قصيدتي " شمس الصباح "
في موضوع "السماحة" ..

[ممدوح البدراني @mamdouhbadrani]

@shbabalsobei الف مبروك يابو نجد والله اللي تستااااااااهل

[مبارك بن رادعه @MBnradah]

يازعيم الشرق الاوسط ، خليفة الآمتين
قمت في وجه المعارك وخضت المعترك

واحد ووحدت ، كلمة وصف المسلمين
والدفاع المشترك ، والمصير المشترك

#اتفاقيه_مكه_للدفاع_المشترك

[إمارة المنطقة الشرقية @emara_sharqia]

قصيدة الشاعر فلاح القرقاح التي القاها في احتفال #إمارة_المنطقة_الشرقية بمناسبة #يوم_التأسيس

[مبارك بن رادعه @MBnradah]

يـ وطنا قبلة الامجاد ، تاريخ ومكانه
كل يوم و بيرقك خفاق ، وحصونك منيعه

علم اللي ، مالهم في صفحة التارريخ خانه
وعلم اللي يلبسون الود في ثوب الخديعه

مانشوف الهينين الا بعين الاستهانه
من ثلاث ميه سنه واليوم والصبح وتبيعه

ان رضينا طيبنا واضح ولافينا خيانه
ون زعلنا حربنا يوجع وضربتنا شنيعه

دارنا من هاز هيبتها كسرنا عنفوانه
قوة تشهد لها حرب الرغامه والوديعه

#المملكة_العربية_السعودية

[عبدالكريم البدراني @Kreem80]

ياسيف لو إنك تعرف المعاني

[هادي بن زابن @H_alwad3ani]

ياعقلي الشايب وياقلبي الشاب
المتزن مابي يضيع اتزانه !

لاتفضحوني عند تلعات الارقاب
والناس تعرفني رزين وتكانه

انا هواوي والهوى سلم الاحباب
ولا خير في سلم المحبين كانه

يلحقني بمنقود عكفان الاشناب
ولّا يورّدني دروب المهاااانه

كم جادل جتني وقضّبتها الباب
حتى لو ان البنت هذي .. فلانه !

يارجل سجي واعتلي راس مرقاب
مافيه شي يستاهل اقعد عشانه

انا اشوف ان فالجمادات ترحاب
اكثر من اللي ضاحكات ثمانه

يازين سجّات النفَس والتغرّاب
ولا رفقة اللي مالرفقته خانه

عندي صديق فيه واجد من الداب
على الكلام الزين مالله عانه

ان جا تجي معه المشاكل والاتعاب
وان راح ماني سالم من لسانه

فالمعذره يامن بقى لي من اصحاب
لازم اقلّل من حدود الميانه

عشان يبقى الود من بين الاحباب
وعشان يبقى للمكانة .. ( مكانه )

هادي بن زابن

[محيا السلات @_ALslat_]

حنا بآمان وخير في حكم سلمان
ومحمد اللي مملكتنا نهضها

وإن ضربت إسرائيل وإن ضربت إيران
جعل الحيايا الرقط تاكل بعضها

[عبدالكريم البدراني @Kreem80]

قصيدة مهداه لمالك الابل :
حمد بن عبيد الحيسوني

كلمات : عبدالكريم البدراني

اداء : العذب “ خالد المري

https://t.co/LFeNwAgI6d

[ممدوح البدراني @mamdouhbadrani]

@Kreem80 صح لسانك يابو بجاد . صمخ نخبوي في من يستحق لله درك ياعلم 👍👍👍

[ممدوح البدراني @mamdouhbadrani]

@ben_dhim الحمد الله على السلامه يابو دحيم
وجعلك ماتشوف شر

[حزمي بن سعد @hazme20154]

⚡️ عواصيف الحياة ⚡️

كلمات : حزمي بن سعد
اداء : خالد آل بريك

https://t.co/aZhgsQcB59

⚡️قصيدة نخوة ⚡️
موجهه للشيخ: قبلان بن حصيّن وأخوانه.
وأبناء الشيخ : راجح بن حصيّن رحمه الله

[ممدوح البدراني @mamdouhbadrani]

@hazme20154 صح لسانك يابو سعد وبيض الله وجهك على ماسعيت فيه ، وال حصين يستاهلون المدح وهم اهل للعلم الغانم والجيره الطيبة

[محيا السلات @_ALslat_]

💥جديدي :
إهداء للشيخ عبدالله بن عمر بن ربيعان
شيخ شمل قبيلة عتيبه
أمد الله بعمره
https://t.co/9iEHo8pW61

[ممدوح البدراني @mamdouhbadrani]

@_ALslat_ عملاق مرجله وعملاق جزاله صح لسانك يابو عبدالعزيز

[مبارك بن رادعه @MBnradah]

الحضور اللي يجمل يجي حسب الاصول
والحضور اللي يخجل / ماحنا له بـ اهل

.
.

[فهد بجاد الحربي @fahaaaa12]

قصيدة وطنية بعنوان عاصفة الحزم القيتها أمام الشيخ فهد بن حثلين رئيس نادي الأبل
@F_BinHithleen

[ممدوح البدراني @mamdouhbadrani]

@MBnradah مبروك يابو سعيد وتستاهل مبدع وطيب راس . والله يرحم والدك ويسكنه الجنه

[نادي الإبل @CamelClub]

📋 | النتائج

قائمة الفائزين الخمسة من فئة شلفا ولي العهد "شقح"

⁧#مهرجان_الملك_عبدالعزيز_للإبل8⁩
#عز_لاهلها