مانع بن ناصر

يقولون شاعر

[مانع بن ناصر @man3naseer]

قد قـالوا الـدنـيـا تـوافـيق و ارزاق
وانـا بـعد بـقـولها .. صـدقوووني

يـ اصحابي الغاليين من باب الاخلاق
اذا غلطة بحقكم .. ( سامحووني )

#مانع_بن_ناصر

[مانع بن ناصر @man3naseer]

@albyan_qh ونعم جعله فالجنة الله يغفرله ويرحمه

[ناصر الحمادين @nalhmadeen]

لو من ثلاث اشياء ظهر فيك ثنتين
يمدي عليك رقاب مدحي تثنن

ابيك الاول في صفوف المصلين
وض .. وتجهز للصلاة .. وتسنن
..
ونصف من الدنيا ونصف من الدين
واعزف على اوتار الحياة وتفنن
..
العقل مايفتك حق المساكين
لاقامت ضعوف الروابع تمنن
..
وقبيلة ٍ مافي طرفها مجانين
تطمع بها العقال قبل المجنن

[شامان بن وقيان @shaman1q]

اليوم ما يحتاج بندق ولا سيف
أمن و مزارق طيب ليه متهيّب

جنّب عن اللي تشبهه مطرة الصيف
و إقلط على اللي وبل يمناه صيّب

تلقى الجناب الدمث و العود و الكيف
و ترحيبةٍ يفرح بها كل طيّب

في مجلسه ما ياقف الضيف لـ الضيف
خلّا عهدهم في بعضهم قريّب

[مانع بن ناصر @man3naseer]

@shaman1q الله الله عليك

[منيف الجراش @JrashM]

الشايب اللي نقبّل هامته مرتين
اللي لـ ربعه ظلال و للمدايح مرب

اذا دخل مجلسه تسابقوه اجمعين
اللي يوالي قحص واللي مطرّف قرب

ولا انت حتى لو تكبرّك طول السنين
ما انت بتفك النشب ولا تحل الكرب

مقاول المنشدين ومشغل المسلمين
وكل اربع ايام وانته في ضيافة عرب

[مانع بن ناصر @man3naseer]

#يوم_بدينا_1727

[مانع بن ناصر @man3naseer]

@shaman1q الله الله عليك

[شامان بن وقيان @shaman1q]

لا عاد تشكي من أعداء النجاح الفضيع
ما ودي يكون هذا اليوم تالي العهد

بحاول أداري شعورك قدر ما أستطيع
أدري بك تشوف نفسك شاعر و مضطهد

صدّقني القمّه إنها تتسع لـ الجميع
غير إجتهد لـ أجل تلحق من سبق و إجتهد

حياتك إختار وجهتها قبل لا تضيع
أمّا حياة الفهد ولّا حياة الفهد

[مانع بن ناصر @man3naseer]

@albyan_qh جعله في الجنه ابو حمد

[البيان في تاريخ قحطان @albyan_qh]

حنا ترانا نستحي ونتحمل
و اخذ الكلام اللي علينا مبدا

اقرب من اللي كل يوم يتجمل
وابعد من اللي كل يوم يتردا

الشاعر/ مانع بن ناصر السنحاني 🚨

[مانع بن ناصر @man3naseer]

@ralbehair الف مبروك ابا عبدالله 🙏🏻

[البيان في تاريخ قحطان @albyan_qh]

قصيدة للشاعر و العارف/ سعيد بن محمد آل هران سنحان #قحطان الملقب بـ "السديري" رحمه الله ممتدحاً قبيلته سنحان 🚨

انا احمد الله يوم انا من لابه
يا سعد منهم لابته سنحاني

انا احمد الله يوم انا من لابه
حنا فروع و ساسنا قحطاني

خوينا يامن و يامن جارنا
و تومن حقوق الخال هو و العاني

ربعي صماد الحف ضد العايل
اليا جاء نهار و عنكب الدخاني

قد صبحونا ... في حل السحر
قبل الصلاة و مذن الاذاني

ثم وقفوا ربعي عيال الشايب
ثم انتخوا في جدهم هراني

حطوا جنايزهم صريعِ كنها
حمام ريد داسها شيهاني

لا خير في من قال قول كاذب
ولا خير في هرج بلا برهاني

واليوم في حكم الفهد و اخوانه
اخوان نوره ممنت لوطاني

والله لولا حكمهم و سيوفهم
ما يمشي الحصني مع سرحاني

يارب تحفظ حكمهم و تديمه
و يارب تنصرهم على العدواني 🚨

[مانع بن ناصر @man3naseer]

@albyan_qh جعله في جنات النعيم 💔

[مانع بن ناصر @man3naseer]

@ggrrttyy8 اسأل الله ان يرحمه ويرحم موتانا وموتى المسلمين

[مانع بن ناصر @man3naseer]

@Fahad_Qatnan عز الله قصيدة

[مانع بن ناصر @man3naseer]

مدري وش آسميك يا حظي السي
عيّت زين ظروف الأيام عيّت

من بعد فرقاء عمي اروح و آجي
والحزن في جوف المعاليق بيّت

انا افتخر في صيت عمي و هو حي
وشلون ما فخر فيه لو كان ميّت

[مانع بن ناصر @man3naseer]

@shaman1q رحمة الله عليه وعلى موتى المسلمين ، والله يصح لسانك يا مبدع

[مانع بن ناصر @man3naseer]

حافظ على خمس الصلاوات لنها
تخلّي ظروفك و همك على جنب

حتى الصلاه اذا تأخرت عنها
يروح يومي كله احس بالذنب

#العشر_الاواخر_من_رمضان

[خالد عون @khalid_oun]

يا سلام عليك ورحم الله والديك..
قصيدة لتصفية الذائقة من الشوائب العالقة

[مانع بن ناصر @man3naseer]

رحمك الله ..