العتاب غالي ولما الشخص يستخسره فيك اعرف انك وصلت لمرحلة اللاعودة، فـ لو احدّ قرر يتركك ويمشي بعد ماكان يعاتب ويحاول تذكّر انك أنت الليّ خليته يختار يشتري راحته ويقول "الف سلامة"
"كنت اظنّك مخلص و راعي مبادي
كنت اشوفك في مُحيط الحبّ آيه"
اكثر بارت يشرح حال البني آدم لما يتعلّق بشخص ويصبّ عليه الحب صبّ ويضحّي بكل شيء عشانه ، وفجأة يتغيّر كل شيء ويدخّلك بداومة تساؤلات صعب تخرج منها ، ليش طيب تغيّرت؟ ، ليش علّقتني فيك؟ وليش خليتني احبك واعطيك قلبي !، ليش تفلت يديني بوسط الطريق وليش تضيّع طريقي؟ ، ليه أصلًا الصادق بزمننا اللي يحبّ بصدق نهايته مؤلمة ! وهذي والله ضريبة انك تكون صادق بزمن كاذب..
والله ما يتغيّر على الوفي الصادق اللي يلقى البديل ..
-يضيّعك نفس اللي يضيّع القبلة وهو بوسط الحرم'
صباح الخير، وعقبها:
-كنصيحة من شخص رفع سقف العشم وطاح كلّه على صدره وهشّمه ، امسحوا جُملة "فلان مستحيل يسوي كذا.. لا فلان غير عنهم" احذفوا الاستثناء الزايد لأن والله محد راح يبقى على حطّت يدك ، محد ثابت بهالحياة .. لا ترفع سقف ما تدري وش أساسه من الداخل و لا تدري وش بيصير بالمستقبل ، باختصار في الدنيا ذي لا تستثني إلا نفسك .. و سمعني "حسافة ليتني ماجيت" يا مخرج!
"لا تغرس في قلب أحدٍ شعورًا لست أهلاً له، ثم لا تملك المقدرة على مواصلة الركض فيه.. لدى كل إنسان صراعات بينه وبين نفسه، لا توهم أحدًا بشيءٍ قد تجعله يخسرك، ويخسر الكثير من الوقت لاسترداد توازنه ومشاعره،."