خليفة المنصوري

هنا أكتب ما يدور في خاطري، انقل الشعر و بعض ما يعجبني

[خليفة المنصوري @MansooriKhalefa]

قالوا عن الاعتراف بالهزيمة

أكابر كن ما بي شوق،
وأنا من كثر ما أشتاق
يمر طيفك على قلبي…

[خليفة المنصوري @MansooriKhalefa]

هيمن على أرقى الجمال ولمه
جمع ثقافات البشر في تاجه

قمه على قمه وذوقه قمه
ذوق و جمال وغرة وهاجه

وطرف كحيل وفي رموشه سمه
والعود يسبي داجه وديباجه

وخصر مثل كسرة وراها ضمه
وفتحة على حد السكون أتواجه

أهتم من همه وهمي همه
ومنهاج قلبي منهجه منهاجه .. ♥️"

[خليفة المنصوري @MansooriKhalefa]

و في خضم يوم الأحد تذكر

ليست المسافات ما تصنع القُرب؛ بل أن يجد قلبك مكانه الآمن في قلبٍ آخر

#صباح_الخيـر

[خليفة المنصوري @MansooriKhalefa]

@_iinside7 😒

[خليفة المنصوري @MansooriKhalefa]

وش تست��يد القلوب إللي ذبحها الحنان
وأنتي سلامك نظر .. وأنا سلامي نظر

عاد بيفهم 🥹

[خليفة المنصوري @MansooriKhalefa]

ما بين عطر الشال وهمس السلاسل قال الشاعر

كل زينٍ ماعطاه الله دلالك
لايدور له غلا .. لا من تغلّـى

لّمني ما بين سلسالك وشالك
واسقني من ريقك الشْهد المحّلى

[خليفة المنصوري @MansooriKhalefa]

للاطلاع و إبداء الرأي

خذني على قدّ الوله ، واشتياقي
ترى الكرم بالحب حاجه عظيمه.

[خليفة المنصوري @MansooriKhalefa]

أُغلقت النافذة،
وبقي الضوء مشتعلاً في غرفةٍ تحمل اسمي،
فلا أنا استطعتُ العودة… ولا العتمة أقنعتني بالرحيل.

#عميقة

[عيد الديحاني @Eid_alde7ane]

مالي معك حول .. ولا لي قوّه
يا " وجهك" اللي سعى في سلبي

انا اذكر انك دخلت .. القهوه
ما اذكر انك دخلت لـ ( قلبي ) ؟

[خليفة المنصوري @MansooriKhalefa]

في زحام المغريات وليلها المتمادي
من ترك لله شيٍ عاضه ابرك منّه

يالله اعصم من محابيل الحرام فوادي
عصمةٍ تاخذني بيمناي لين الجنّه

كل ظنٍ في سواك من الخلايق غادي
وانت عبدك عند ظنّه لاحسن بك ظنّه

[خليفة المنصوري @MansooriKhalefa]

لو سألوني: ما أجملُ ما عشت؟
لقلتُ: شيءٌ من اسمها…
مرّت بقلبـي، فأصبح العمر بعدها حياة،
وغدت الأيام قبلها مجرّد وقتٍ يمضي.
لا أذكر اسمها؛ خشية أن يدركوا
أنّ كلّ ما فيَّ قد عاش بها… وعاش معها.

[خليفة المنصوري @MansooriKhalefa]

@_iinside7 حط منبه في التقويم و فاجئها السنه الجاي��

[خليفة المنصوري @MansooriKhalefa]

مدغم أبو شيبة وأزمة القلق العاطفي
الذي يجدد هاجس السؤال قال /

« عيني تبي شيء يا عيني وش اللّي تبين؟
وقلبي يبي شيء يا قلبي وش اللّي تبا ؟ »

أتى خالد مبارك وقدّم له جوابٍ يحسم أمره /

« القلب يبغى شيٍء ماهوب موجود
والعين تبغى شيٍء ماهوب حاصل »

[خليفة المنصوري @MansooriKhalefa]

ودعتك الله ، و امانه لا ذكرتيني
استودعيني كريمٍ ما غفت عينه

اخخخ يا كسرة القلب

[فهد بن بجاد @ifhd4]

البارحه وش جرى مابيني وبيني ؟
يا مرني شي ، ما ودي تحسينه

طارت حمامة سلام ، وملّت يديني
وشلون من طار قلبه بين ضلعينه ؟

ذكرتك ، و قلت يمكن ما نسيتيني
ماهوب يمكن اكيد ،الحب ياشينه

اصد عن نسمةٍ من يمك تجيني
اخاف من جرح يرجع ما تداوينه

و ألد عن كل دربٍ لك يوديني
ماعاد امر المكان ، اللي تمرينه

شعورك اللي من اول تكشفه عيني
ياما سترته عشانك ما تقولينه

اكثر ما يذبحني اللي كان يحييني
كل ما ذكرته تخاطفني سكاكينه

على كثر ما عطيتيني ، خذيتيني
وعلى كثر ما خذيتي ، ��ستحقينه

خليني اموت ، وانتي عايشه فيني
ولا اتهنى بـ يومٍ ما تعيشينه

اتعبتك الله يسامحني و يعفيني
والطرف عني رغم ظلمي تغضينه

أحنك من الجروح وقسوة سنيني
مثل ما قلبي من الدنيا تحنينه

تركتك انصاف ،وانتي ما تركتيني
قصّرت واجد و تقصيري تشوفينه

شوفيني الاول ، اللي ما تحبيني
أقلّها صورتي في نظرتك زينه

انتي كتبتي قصيدي ، ما قريتيني
وانا قريت القصيد اللي تحبينه

ودعتك الله ، و امانه لا ذكرتيني
استودعيني كريمٍ ما غفت عينه

لو يرجع الوقت لا يمكن تعرفيني
انا ماعدت الحبيب اللي تعرفينه

[خليفة المنصوري @MansooriKhalefa]

علمي عينك ونظرتها العميقه
لا تموتني .. وانا مفتون و اعزل
انتي احلى حلم شفته بالحقيقه
كيف اشوفك مقبله ولا اتغزل؟
اجمل من الورد و اطيب من رحيقه
واعظم من الشعر والشعار واجزل
للفجر والصبح وانسامه صديقه
وللهدوء اللي يضم الليل منزل
ودي اخذك لسماء الدنيا دقيقه
واخذ القمرا من يديها وننزل

[خليفة المنصوري @MansooriKhalefa]

إذا جيت في بالك، طلبتك …
خـلّـنـي
يمكن أنا في هاللح��ة صدري ضـايـق…
و ما لقيت أوسع من قلبك أجيه.

[خليفة المنصوري @MansooriKhalefa]

محمد السكران يوم انه طغى شوقه قال:

ماجاب لي علم؟ ماسولف لكم عني؟
ما شفتوا الحزن في وجهه وناصيته

ثم إعتز بكبريا��ه قائلا:

لا يدري اني نشدت وجبت له طاري!
ولا يدري اني ذكرت اسمه وخصّيته

وفي الختام قال :

حتى لو أنه نساني !! ما علي منه
انا لو انسى اخواني .. ماتناسيته

[خليفة المنصوري @MansooriKhalefa]

مشتاق لك لكن ماقدر أسأل
محتاج لك لكن ما أقدر أجيك

لا عارف أوصلك ولا عارف أرحل
تاهت خطاويي بزحمة خطاويك

يجن عقلي فيك وأحاول أعقل
وأحاول أبعد عنك لكني أبيك

مشيت خطوة بس ما قدرت أكمل
أنا عجزت أنساك وأبعد وأخليك

[خليفة المنصوري @MansooriKhalefa]

َكَمَن أغلقَ كلَّ الأبوابِ ليرتاح،
فظلّت الريحُ تعصفُ به من ثقبٍ في قلبه…