َ

[َ @marryyyam____]

سلامي سلام اللي سمح والأمل مفقود
على اللي ما صان الود من كثرة أعذاره

رفعت العتب وأقفيت عن غایبٍ موجود
يوم أن الغلا شفته بدا يرخي ستاره

سعيت لرضا عينه ولا شاف لي مجهود
وأنا أجفى العرب لأجله وأناديه وأختاره

يا ليل الفراق اللي عليه الحروف شهود
قرار الجفا عقب الغلا وشهي أخطاره

[َ @marryyyam____]

الفقد يترك فـ القلوب وفـ العقول
تأثير . . ما "يمحاه" يوم ، ولا سنة

زودٍ على كثر المشاكل .. والحلول
كلام واجد !. ما قدرت أفصِح عنه

تملّكتني !.. ( عبرةٍ ) عيّت ، تزول
على الفقيد !.. اللي تكفّن بـ كفنه

مرّت: عليّ أيّام بعده . . وأنا أقول
إن كان هذا حلم . . صحّوني منه

[َ @marryyyam____]

ماني على تبرير الأحداث مجبور
و ماعاد عندي للتخاطب وسيله

برحل و دنياك الدنيّه تبي تدور
وتقول ليت الأرض تنبت مثيله

بـ تفقد اللي يفقدك بين الحضور
وتبحث عن شعوره بـ قصه بديله

فقد الأحبّه ما تعيشه على الفور
باكر تفوق و تجني أردى حصيله

[َ @marryyyam____]

مابقى لك في مشاويري مسافه
اعتقد حنا .. وصلنا لـ الأخير

الندم والعذر ودموع الحسافه
مالها قيمه بعد موت الضمير

البحر هادي و تغرينا ضفافه
بس لا هاج البحر موجه غزير

خايف من البُعد ؟ لا لا تخافه
لا تخاف البُعد و أحبابك كثير

اشكر احساسك على قل الكلافه
يا كبيرٍ طحت من عيني صغير

[َ @marryyyam____]

كثر ما كنت أخاف المفارق صرت أشوفه خير
مثل ما كنت أخاف من البحر قبل اطلق شراعي

غديت أودّع المقفي ولا أحب أسمع التبرير
أشوف إن التفاصيل الكثيرة ما لها داعي

فـ أنا يا اللي تظن إني بدونك ما أحسن التدبير
هجرتك وأشتعل نور الحياة و زانت اوضاعي

[َ @marryyyam____]

أن رضيت بشي .. ما أرضى مخافه
ما أقبل أنصاف الرضا في كل أموري

و أن رفض قلبي وعاف الدرب عافه
ما أجيه بنص خطوةٍ من عبوري

الوداعه .. والسماحه .. واللطافه
هذي أصدق ما زرعته خلف سوري

والسكوت إن حمّل ضلوعي كلافه
بيض الله وجهه بغيبة حــــضوري

[َ @marryyyam____]

العمر تمضي سنينه والفرص فوّاته
ومن تفوته فرصةٍ بيعيش في حسرتها

مابه أحدٍ جاته الدنيا .. على مشهاته
لو يصعّر خده ويمشي على جرتها

دام ربي باسطٍ لك فضله وخيراته
وش تبي بالحاجه اللي منت في حاجتها !

[َ @marryyyam____]

اقطف ثمر دنياك وابعد عن الياس
اضحك وعيش وتالي العمر بايد

مهما تسوي طيب ما ترضي الناس
من خلقة الدنيا رضى الناس كايد

[َ @marryyyam____]

ماعاد يغريني وجودك وفرقاك
ان جيت وان ماجيت يامرحبا بك

صرت اضحك اني كيف كنت اتحرّاك
كيف المطر عندي وادور سحابك

اوعدك ان رحت ماني قايل وش جاك
وان جيت ماني قايلٍ وش جابك

وأوعدك ان ماجبت بالزين طرياك
بالشين ما اسولف ب حضرة جنابك…

[َ @marryyyam____]

راس مالي في الحياه الطيبّين
اللي على وضح النقا دستورها

النهج واضح لا يسار و لا يمين
و الوجه واحد لو تشين أمورها

[َ @marryyyam____]

بيض الله وجه من عاتب ضميره
لا بدا منه الخطا صحح مساره

يدري ان الوقت والدنيا قصيره
ماتدوم لشخـص لو زاد اعتباره

والسعيد اللي يناظر وش مصيره
قبل ماتقفي ركابه عن دياره

ياخذ العبره من اللّي راح غيره
والصحيح الدين ماغيره تجاره .

[َ @marryyyam____]

ما تعودت أحني الراس بين الصفوف
و لا تعودت أتذرى .. و أدور لي ذرى

إن وردت آرد على العدّ .. والعالم تشوف
وإن وقفت آقف على العز والعالم ترى

وإن طغت سُود الليالي على وجه الظروف
عاد لي شيّمه .. ومبدأ على وجه الثرى .

[َ @marryyyam____]

ما عذربّ اللولو مدى الأعـماق
لا صرت عارف يا غالي الأثمان بحرك

[َ @marryyyam____]

"بابٍ يساوي عزة النفس مردود
محدٍ على نفسي العزيزه مبدّا "

[َ @marryyyam____]

زودٍ على زين الطبيعة والقوام
العقل راجح والسوالف نادرة 🤍

[َ @marryyyam____]

معك أحس كل الرضا محتويني

[َ @marryyyam____]

من بين كل الناس ي سيد الناس
أنت اللي ترضيني وترضي غروري

[َ @marryyyam____]

البشر يظهر مداها بعد مده
لا تغرك في الرخا روح التفاني

ماتخفيه الصدور سنين عده
تكشفه بعض المواقف في ثواني

[َ @marryyyam____]

الوقت ساومني على راحتي .. لين
قررت أثمّن ( راحتي ) و أشتريها

أثر الدقايق بعضها .. تاخذ سنين
لين نتجاوز .. كل ما صار فيها

أقسى شعور يراود القلب و العين
يوم .. إنتذكّر ( حاجةٍ ) ما نبيها

المستريح إللي جمع بين ثنتين :
صدرً وسيع .. و ذآكره لك عليها

[َ @marryyyam____]

نوفي مع الوافي بكل المطاليب
ونشّد ظهر الكفو لا ضاق حاله

نعيش بالعليا على منهج الطيب
والحر مايخضع ليا ضاق باله