Marwa Othman

Founder and President @ArkanCultureArt
Theater Coach @etijah 🎭
Shadow Trainer @ Zad Arts 🎭
Singer @ Shamandora team
Actress @ Nawah Theatre Teams 🎭

[Marwa Othman @marwaothman2910]

#ابدأ_حلمك 🎭💙
#Like 👍🏼💙

[Tamer Abdo Amin @tamerabdoamin]

الحقيقة إن الرحلة فردية تماماً ومش معاك فيها إلا ربنا سبحانه وتعالى، ثم نفسك..

البشر أساتذة في الخذلان، وبيثبتولك كل يوم بدل المرة مليون إن المتعلق بيهم غرقان، والمتغطي بيهم عريان..

ربنا هو الوحيد الأدوم، الأقرب، الأسرع، الأعظم، والأحن..

فيه جملة لطيفة بتقول: (كل اتِّكاءٍ على جدارٍ بشري هو سقوط مؤجل لذلك خفف استنادك)..

ربنا يعين كل واحد على شيلته، ويقدره عليها، ويكرمنا بخيره، ولا يحوجنا لغيره، ولا يكسرنا بحد، ولا يكسر بينا حد.

[Tamer Abdo Amin @tamerabdoamin]

ماتطلبش مرتين، ماتنتظرش كتير، ماتلومش الظروف، ماتخافش من التجربة، ماتنساش اللي سندك، ماتسندش على مايل، ماتعشّمش بزيادة، ماتسبقش الأحداث، ماتوقفش سعي، وماتنساش فضل ربك.

[Tamer Abdo Amin @tamerabdoamin]

أصعب توهة ممكن تحصل لحد إنه ما يلاقيش نفسه.. مايبقاش عارف يروح فين، ولا ييجي منين.. أنهي طريق الصح، وفين اللي مفيش منه رجوع.. مين اللي هيسند، ومين اللي هيخذل.. مين الدهب، ومين الفالصو.. حرفياً محدش محتاج أكتر من إنه يستدل علي نفسه، وبعد كده كله بيبقي سهل..

من هنا تفهم عظمة دعوة زي "ربنا يعتّرك فى نفسك".. لما بتلاقي نفسك بتلاقي كل حاجة.. ربنا يعتّرنا في نفسنا، ويفرش طريقنا بقلوب شبهنا في النية، ويبعد عننا كل توهة تبعدنا عن الصح والناس الصح والقرارات الصح.

[Tamer Abdo Amin @tamerabdoamin]

وجعاً لم تجربه لا تخبر صاحبه بأنه لا يستحق الحزن.. لا فيه حد بيدور على الزعل، ولا فيه حد يعرف غيره عندهم إيه بالتالي مادام فلان اتضايق من الحاجة الفلانية تبقى بالنسباله فعلاً تستاهل الضيق.. في حضرة حزن الناس مش مطلوب منك غير التأدب، والتفهم، والتقدير.

[Tamer Abdo Amin @tamerabdoamin]

● الحياة بتبقى أبسط، ومرورنا فيها بيبقى أمتع لما بنكون مع ناس شبهنا في أماكن فيها من روحنا، وبعد تحقيق خطوات مهمة حلمنا بيها والقدر ساعدنا على تحقيقها.. عشان كده ربنا يبعدنا عن الاستمرار في أي وضع مش شبهنا، وأي مكان مش شبهنا، وأي ناس مش شبهنا.. محتاجين اللي يكمل حياتنا ويجملها مش اللي يكون عبء ويزودها فوق تُقلها تُقل ومشقة.

● تكملة المقال رقم 256: ("مكان لا يشبهني") على موقع القاهرة 24 في الرابط التالي.. مع التحية.

https://t.co/VogSqq8K2I

[Tamer Abdo Amin @tamerabdoamin]

بما إنك الوحيد اللي شوفت كل صراعاتك اللي خوضتها، وانكساراتك اللي قومت بعدها، وانتصاراتك اللي حققتها، وكنت شاهد على لحظات كانت هتهزمك بس هزمتها دي أسباب كافية إنها تخليك تآمن بقوتك وتشوف نفسك عظيم.. إحنا بفضل ربنا جبال ماشية على رجلين.. ده مش غرور، ولا تناكة.. ده عدل مع النفس.

[Tamer Abdo Amin @tamerabdoamin]

كل سعى وراه خير.. مهما الناس وقفت على راسها محدش هيزاحمك في خير مكتوب لك، ولا حد هيقدر يمنع رزقك، ولا يبعد نصيبك عن طريقك.. إن ما في يد الله لا يوزَّع بقوانين الناس.

[Tamer Abdo Amin @tamerabdoamin]

زى ما فيه همدان للجسم فيه همدان للروح.. اللي هو جسمانياً مفيش حاجة تعوقك تتحرك أو تتشقلب حتى بس نفسياً لأ.. حتى مش قادر تشيل جسمك من على الكرسي أو السرير.. زى ما يكون إيديك ورجليك مربوطين بسلاسل من حديد بس الحقيقة إن اللي مربوط هي نفسيتك.. ربنا يزيح الهم، والغم، والقلق عن القلوب.

[Tamer Abdo Amin @tamerabdoamin]

فرهدة السعى ممتعة وبتحسس الواحد بالرضا وإنه بيعمل اللي عليه للنهاية سواء في شغل أو علاقة أو خطوات وهو متيقن إن النتيجة خير.. ما كان مقدرًا لك سيأتيك ولو كان بين جبلين وما لم يكن مقدرًا لك لن يأتيك ولو كان بين شفتيك وما كان مقسوماً لك سيأتيك رغم ضعفك وما لم يكن لك لن تناله بقوتك.

[Mustafa Hosny @MustafaHosny]

ربي.. إني أسألك أن تريح قلبي وأن تصرف عني وساوس فكري

[Marwa Othman @marwaothman2910]

لسنا مستعدين ابدأ لما نتوقع حدوثه .. !!

[Marwa Othman @marwaothman2910]

أنا الوردة اللي دبلت قبل ماتفتح 🥀🍂

[Marwa Othman @marwaothman2910]

انغام قالت إيه ؟

[Tamer Abdo Amin @tamerabdoamin]

شوية استيعاب مننا لبعض من فضلكم خصوصاً إن كل واحد فيه اللي مكفيه وعنده معركته مع الدنيا اللي مفيش غيره يعرف عن تفاصيلها المحزنة حاجة.. الحكاية بس إن رحمة ربنا ولطفه بيستروا القلوب.. الكاتب "أحمد بهجت" قال: (كيف يتسع قلب في حجم قبضة اليد لأحزان في رحابة الأفق).. فبالهداوة علينا.

[Tamer Abdo Amin @tamerabdoamin]

مفيش حاجة هتيجي بالساهل بس وقت ما تفرج بتفرج من وسع.. ربنا يفتح لنا كل الأبواب المغلقة وييسرلنا أمورنا ويدينا على قد النية ومايحكمش فينا حد.

[Marwa Othman @marwaothman2910]

ولسه بعافر..

[Tamer Abdo Amin @tamerabdoamin]

لو لسه قادر تحاول إنك تتعافى، أو تكمل، أو تتجاوز، أو تحلم، أو تعافر رغم كل اللي بتشوفه من مطبات وبتمر بيه من ظروف ده لوحده سبب كفيل يخليك فخور بنفسك جداً.. مجرد المحاولة، وعدم الاستسلام حاجات تشرف صاحبها، وتتشرف بيه.. أنا فخور بيا إني بحاول دايماً.

[Marwa Othman @marwaothman2910]

ولما الأبناء يكبروا ويخلفوا ويبقوا هما الآباء بيطلعوا التراكمات دي على أبنائهم .. وتفضل الطاقات السلبية تتكاثر لحد ما بقت الأجيال كلها عبارة عن طاقات سلبية وكلاكيع ماشية على الأرض ..
وربنا يخرجنا منها على خير ..

[Marwa Othman @marwaothman2910]

الفجوة بين جيل الآباء والأبناء بيكون تأثيرها السلبي أكتر ع الأبناء لأنهم كأبناء مينفعش يعارضوا آباهم ويزعلوهم .. فيتراكم جواهم طاقات سلبية وكلاكيع ..

[Marwa Othman @marwaothman2910]

انتي مين ؟!

[Tamer Abdo Amin @tamerabdoamin]

لو ماشي وقابلت نفسك في الشارع هتقولها إيه؟.

If you were walking and met yourself on the street, what would you say?.

[Marwa Othman @marwaothman2910]

طول عمري بقول أهم شيء التفاهم..
الحب ده درجة عالية وسامية مش هيحصل غير بعد درجات كتير قبله .. أهمهم التفاهم ..

[Tamer Abdo Amin @tamerabdoamin]

إن يكون حواليك ناس "فاهمينك" أبرك وأهم من إنهم يكونوا "بيحبوك"..

الواحد محتاج دايماً لشخص يفهمه.. يفهم تخوّفك.. يفهم إن الفعل الفلاني هيضايقك بالتالي يتجنبه، أو هيعجبك بالتالي يعمله.. يفهم رغبتك إنك عايز تتكلم، ويكون عنده رغبة حقيقية إنه يسمعك بـ حب.. يفهم سكوتك في اللحظة اللي فيها الكلام بيعصى على لسانك..

إنك تتفهم أهم بكتير من إنك تتحب.