مطٌيّريّۂ

‏‏‏‏‏‏‏‏‏ليست مشكلتي ان لم يفهم البعض ماآعنيه وليس بالضروره ما اكتبه يعكس حياتي الشخصيه ..
الخاص 🛇

[مطٌيّريّۂ @mash3r52]

ليلة البارح حزنها وسط صدري طال
وقساها مثل قسوة دمعي الجارح وغصاتي

بقت بالذاكره ليله حزينه من سنين طوال
تجي في بالي السارح ترجعني لعثراتي

فقدت احلام عمري لين غصني للهبايب مال
وانا ماني مشتاق لأحد مشتاقة لذاتي

#بوح_آخر_الليل

[مطٌيّريّۂ @mash3r52]

اغيب بلا سبب وبلا سبب يربكني الترحال
واعود للمكان اللي يضم اربع اتجاهاتي

مع اني هادي وجه وحكي لو ضاقت الاحوال
يجي هذا الحزن صخب ويلازم فكرة أبياتي

ورغم اني لزمت الصمت من رهبة ليال ثقال
يبان البوح في رجفة يدي ويبعثر سكاتي

#بوح_آخر_الليل

[مطٌيّريّۂ @mash3r52]

واستبسل الحزن المقيم اللي ورا العوج النحاف
بالذكريات اللي من النسيان جاك يقودها

اببتسم عاد الجروح اللي بصدري ما تشاف
دام اكثر العالم تبسّم و البلا فـ كبودها

الوقت قسّانا لكنّ قلوبنا دايم صخاف
بدوٍ رهاف قلوب لو بان القسا بجلودها

#بوح_آخر_الليل

[مطٌيّريّۂ @mash3r52]

يارب عطني أكثر من اللي رجيت
وأنت الكريم اللي عطاءه سرمدي

أنا أمنياتي أكبر من اللي سعيت
ياربّ تشرق لي مثل صبحٍ ندي

دخيلك من الدرب لا مال وبكيت
وأعوذ بك يارب من حظٍ ردي

طلبتك تحقِّق دعاي اللي دعيت
تعبت أشيل أحلامي براحة يدي
#بوح_آخر_الليل

[مطٌيّريّۂ @mash3r52]

للبال صوتٍ ورا جفن المساء سِرَّه
ما شح لو ضاع حقي وأنتهى خيري

أداري أحساس قلبه .. وأتقي شِره
وأمسك له الرِيح لا طالت مشاويري !

ياكَّل الأيَام مالك فالهوى جرَّة
كيف أستقريت في قلبي وتفكيري؟

والله لو إن السنين تعَاود الكرَّة
"لايمكن يحّب قلبك واحدٍ غيري"

#بوح_آخر_الليل

[مطٌيّريّۂ @mash3r52]

تعبت ارسل مراسيل المحبه مع جناح الطير
وتعبت اطرد سرابك لين ما تاهت مسافاتي

لا طولت بغيابك ماتفيد "آسف على التأخير"
تأخرت وبديت أشتاق حتى لـ ابتساماتي

#بوح_آخر_الليل

[مطٌيّريّۂ @mash3r52]

مافيه إجابه شافيّه من بعد ليه ؟
يقوله اللي كل ما استاجع جحد

فيه اسئله تحتاج للعذر الوجيه
وفي اسئله تحتاج للواحد الاحد

ما عاد ابي واجد من اللي كنت ابيه
كفّنت رغباتي واهلها في اللـحد

[ حتى اللي الايام 'بتوقف عليه '
أثبت لي انها ماتوقف لاجل احد ]

#بوح_آخر_الليل

[مطٌيّريّۂ @mash3r52]

#بوح_آخر_الليل

ينام اليقين ويسهر الشك والتخمينّ
وأدور على نفسي بنفسي وأنا غادي .

ْ

[مطٌيّريّۂ @mash3r52]

رفعت العتب وأقفيت عن غايب موجود
يوم ان الغلا شفته بدا يرخي ستاره

سعيت لرضا عينه ولا شاف لي مجهود
وانا أجفى العرب لاجله واناديه واختاره

ياليل الفراق اللي عليه الحروف شهود
قرار الجفا عقب الغلا وش هي اخطاره

#بوح_آخر_الليل

[مطٌيّريّۂ @mash3r52]

بعد سلامك وتوديعك نسيت السلام
كل شيء موحش بعد عينك ولا له طعم
تمر الأيام بعدك ما تشدّ أهتمام
كل التواريخ من بعدك مجرد رقم
كبَّرتني بعد موتك كل يومٍ بعام
وأنا من أوَّل معاك بزحمة من النعم
والحين لو أتحدَّى في البكاء هالغمام
ما عاد تدري عن دموعي ولا لك عِلم
#بوح_آخر_الليل
#ابوي 💔

[مطٌيّريّۂ @mash3r52]

#بوح_آخر_الليل

💔

[مطٌيّريّۂ @mash3r52]

خذت مني الليالي كل شي عاد انت ماوصيك
خذ الباقي من امال الحياة وعطني الأوهام

خسرت أحلام عمري حلم حلم وماقدرت أرضيك
اثر بعض المناوي تتعب من مرادها الأجسام

#بوح_آخر_الليل

[مطٌيّريّۂ @mash3r52]

ولا أكبر من ضياع الهقوه وقدر الكبير ان طاح
سوى اللي ما هقيت آفارقه يا لين فارقته

على ذكرىً تزايفها الهبوب وسافية الارياح
سلام السامح اللي معتق جروحه ومعتقته

ما عاد يشوقني ضوح المزون وبرقها اللوّاح
لو انه باقيٍ في خاطري حلمٍ ما حققته

#بوح_آخر_الليل

[مطٌيّريّۂ @mash3r52]

فاقده فقد الأراضي للسحاب اللي مصبه
يحيي الجرد القواحل لين ما تجري المساقي

أدري إن الميّت المؤمن منعّم عند ربه
وأدري إن ما باقي غير الله المعبود باقي

أذكره وأشتاق وأبكي وأحتضن قبره وأحبه
والله إن ما أعظم منه ياكود فقده وإشتياقي

#بوح_آخر_الليل
#ابوي

[مطٌيّريّۂ @mash3r52]

#بوح_آخر_الليل

للحين ابرّه بالدعا واطلب رضاه
ما كن قلبي ذاب من كثر النعي

عندي يقين انه على قيد الحياه
لو كان وسط المقبره روحه معي..

[مطٌيّريّۂ @mash3r52]

مابكيتك لأني أعرف البكا عذر التخلي
يمكن يطيح الغلا مع دمعتي ذنب وخطيه

القصايد ماترد الغايبين ولاتسلي
ولا لها حيلة على رد الرضا والمقدريه

بس تبقى في ثنايا الذكريات وفي سجلي
مثل غصات الملوح فالديار العامريه

#بوح_آخر_الليل

[مطٌيّريّۂ @mash3r52]

بين لحظات التجلّي ولحظات الشتات
روحي أدنى ما يتل الشعور يتلّها
كلّ ما قامت تغنّي طرب لـ المقبلات
رجّعتها كل( ثورة حزن ) مَحلّها
يشتويها الخاطر اللي جروحه مرمسات
والعيون .. اللي تدور دموع تهلّها
صاحبي من باب ماجا على ألسنة الرواة
ماأطيب مْن الحاجة اللي تجي في حلها
#بوح_آخر_الليل

[مطٌيّريّۂ @mash3r52]

بين الحنين وبين نفسي القديمه
وقفت قدلي عشرة اعوام وشوي

أكنّ للماضـي .. مشاعر عظيمه
قليل من يدري من الناس وش هي !

كان الوجع له باول العمر قيمه
حتى الجفا والحب والشوق والغي

ماهيب مثل اليوم حاجه عقيمه
تعيشها من دون ماتشعر بشي

#بوح_آخر_الليل

[مطٌيّريّۂ @mash3r52]

« جنايز مشاعرنا تحلَّل بدون أكفان
تغسل بـ دمع العين و القلب مثواها »

#بوح_آخر_الليل

[مطٌيّريّۂ @mash3r52]

#بوح_آخر_الليل

عفى الله عن كلامٍ في حنايا الصدر ما ينقال
تركته لـ الزمن لو هو ثقيل و جمرته حيّه

وعفى اللّه عن هموم ما تخلي مستريح البال
يعيش أيام عمره في صفا ذهن وصفا نيّه

وعفى اللّه عن هواجيس توقف بي على الاطلال
تعيد الذكريات اللي مع الأيام . . منسّيه