ِ

[ِ @masmutairii]

أنا تبت توبة مخلصٍ تايبٍ لله
أراضي بها الزعلان و أزعل بها الراضي

تحمّلت ذنب و كسر قلبٍ عشقت رضاه
عسى المقبلات تعوضه حسرة الماضي

هوى النفس ذلّ و رخص وجه و خسارة جاه
ذنوبٍ على الفاضي و أنا ماني بـ فاضي

[ِ @masmutairii]

الناس ماهي ضان وآدوّر لها رعي ورعاه
ولانيب ملزومٍ بمن يحتاج لرعاة ورعي

اللي ما ودّه يلتقي بي أنا ما ودي بلقاه
واللي يبي لقياي فـ أنا ما تغيّر موقعي

أطيب واليمنى البخيله كنها رسوم الفلاه
وأشح بلساني عن العوجا وأحشم مسمعي

[ِ @masmutairii]

ما عاد للدنيا طعم ولا الحياة ألها طراه
الواضح أن فقد الشغف يطغى مع فرط الوعي

أما أن ماني مثل خلق اللّٰه على وجه الحياه
ولا أن خلق اللّٰه ما عاد تميّز العلم وتعي

ليه أبدي الشرهه على اللي ما تعلّم من خطاه
اللي تقول أنه تحت تأثير بنجٍ موضعي

[ِ @masmutairii]

ظنّك إنّك يوم ضقتي رحت أدوّر لك بدايل !
أنتي الشيء الوحيد اللي ماراح ألقى بديله

وأنتي الشيء الوحيد اللي بقلبي ما تمايـل
كل فجر ، وكل صبح ، وكل عصر ، وكل ليله

وأنتي الشيء الكثير .. وكل من حولك قلايل
والكثير إليا حصل لي طاب نفسي من قليله

[ِ @masmutairii]

ارجي الله واراقب كل طالع شهر
يجلي الهم عني او عسى ما يزيد

[ِ @masmutairii]

يازمان العجايب وش بعد ما ظهر
كل ماقلت هانت جت علمٍ جديد

إن حكينا ندمنا وإن سكتنا قهر
بين قلبٍ عطيب وبين راس عنيد

لو تفيد المدامع كان أسيل نهر
مير كثر التوجد والدمع مايفيد

اصبر أيام وأشهر واتصبر دهر
وان حصل لي مناتي جيت لوني بعيد

[ِ @masmutairii]

القلب ما هز ثقله كل مزيونه
الا الجمال المثير المغري الفارق

كان الشهاده لـ غرقا الحب مضمونه
فـ أنا شهيد الوساع النعّس الغارق

ذهانة الوجه والحجّان مقرونه
وخدٍ شعاعه كما شمس الضحى الشارق

وليا أنثعى الخمري المسدول من دونه
ليلٍ تبدد ظلامه نجمة الطارق

[ِ @masmutairii]

ليا قالوا لك إنك فارقة قولي عليكم زود
عليكم زود و أزينكم وجه مشروب فنجاله

يا سبحان العظيم اللي فرق وجهك عن الموجود
يجي و الناس حوله جالسين و كنه لحاله

أنا ما ودي أشكر في حياتي غير أبوك العود
مسوي له جمايل بعد ما جاب أجمل سلاله

[ِ @masmutairii]

عليه يجرّني سلك الغلا ما جرّني له عرق
شمَخ فالقلب لو مابه نسب من بيني وبينه

[ِ @masmutairii]

الهنوف اللي نهار العيد جات مسيّرة
اعلنت صفارة الانذار عن قرب الخطر

[ِ @masmutairii]

يا أول غلا وآخر غلا يكبر مع الوقت ويزيد
جعلك بعد ناسٍ محبتهم تباع وتنشرى

يا عزوة اللي ما يليّنهم سوى رب العبيد
جمعٍ ليا رد البرا ما يكسر النظرة ورى

وأنا عزيز ومن هل المجد المخلّد والتليد
ياما تغنّوا في مواقفنا من القوم شعرا

[ِ @masmutairii]

ذيّرت عن وجهي مقابيل الوجيه وقلت جاك
مثل ما عن وجهك شغاميم العرب ذيّرتها

و غيّرت وجهات نظري في كل شي أمّا غلاك
وجهة نظر بعيش و بموت .. ما غيّرتها

[عبدالاله العنزي @Abdulelah_M0]

واضرب على نجمك فجوج الصحاري ❤️

[ِ @masmutairii]

@mzed_9 👏🏾👏🏾👏🏾👏🏾👏🏾👏🏾

[ِ @masmutairii]

عزيزة نسب وأطهر من الديّن التواب
رفيعة مقام هان عمري ولا هنتي

تمرّين و يصير السماء خيرها صبّاب
و تزين الأراضي كل ما أنتي تزيّنتي

فداك الشعر و الناس و الحلم و الأحباب
و أنا و السنين المقبله وين ما كنتي

[ِ @masmutairii]

لا انتهى العام جيت بطلتك تبداه
وكل عام يتجدد لك من فصوله

لك خريفه ولك حنية مناداه
للمطر لا تباطا حزة هْطوله

ولك ربيعه واراضيه وطفولة ماه
ولك تثنايته فالغصن ومْيوله

ولك مصيفه وبارد ظله ومبداه
لفحةٍ من نسيم البحْر مبلوله

ولك شتاه وعناقه واحتضان دْفاه
وليله اللي تقصّر ضحكتك طوله

[قصيد @Qaseed96]

في كل عام يزود حبه بعد زود 🤍

[ِ @masmutairii]

على كثر الوجيه العابرة
ما يشبهك أوصاف…
وكن الله من كثر الترف مختصّك لحالك

قضيت العمر غاوي في
محاسن وجهك الشفاف
أنا لو ما تجرّع كلّ ليلة شوفته؟
هالك

[ِ @masmutairii]

اللّي من أول كنت له سلوة لْيال
بدّل لياليك القدام .. بليالي

وهالحين لو رجعتك كلمة بجوال؟
أدفع عشان تغيب ، من حر مالي 🙆🏻‍♂️