مسير العازمي

لا يهمك جور الأيام يا الصدر الرحوب خلها تمضي مثل ماعلى غيرك مضت

[كيف @kiiiif_]

الرخا غيمٍ يمرك و الشقا ، ، لابدّه
والليالي ما هي بدايم ربيع وقمرا

[‏᷂عسر٨٨ @Qhta10ni]

تعيش النشاما عيشة الغبن والحرمان
تمششي بها عوجا وسمحاا ومقلوبه

تصبر على الزايد وتصبر على النقصان
وتسولف وهي من داخل القلب مغصوبة

[خلوها @VB__q8]

ماتموت عزومنا دون غايات المراد
المحازم راهيه ،،، والدروب ندلها

[‏᷂عسر٨٨ @Qhta10ni]

ليت رد الجمايل مثل رد السلام
لكن الله جعلها مثل دين و قضاء

كنها في يمين اللاش برد و سلام
وكنها في يمين الحر جمرة غضاء

[موطن القصيد @_mw6n]

عزّ النفوس أكبر من المال والجاه
والحر ما يرضـى المهانة ولو جاع

[كيف @kiiiif_]

ان نستك الصدور اللي تبيع الموده
ما نستك الصدور اللي تحفظ الجمايل

[موطن القصيد @_mw6n]

مبطي عن نومة الليل يا نوم النهار
سامح الله راحة البال في تقصيرها

[قروب اشعار @aShi3ar]

من لا يعيش العمر سامي ومتغاضي
ماهيب دايم ظروف الوقت خادمته

كنز القناعه غناة النفس لـ الراضي
" يعيش دنياه فاهمها وفاهمته " .

[عواد بن طواله @AwadBinTwalah]

مجالسٍ تنصى لحاجات الاجواد
ومجالسٍ ماغير قــهـوه وشاهي
ولـــو القضيه بـــس دلــه وبــراد
تكفي عن بيوت الرجال المقاهي

الشاعر سعود الحافي

[قروب شعر @Group_she3er]

لا تشوف الناس ضعفك وانكسارك
لو عظامك تنكسر ما جبـروهـا

انتصب كنك طلعت من المعارك
ماخذاً ثار القبيله . . كلبوهـا

[معكاز | شعر @M3kkaz]

مالي ذرى لا هبت ، رياح الايام
الا انت ي رب السموات والارض .

[الشاعر مرشد البذال العجرمي الرشيدي @Morshedalbathal]

اخضع لحكم الله وزين نواياك
لاتظلم الغافل لو انه معاديك
"
امش الصحيح ويسمع الرب لنداك
وان خنت مافادك على الله تمنيك
"
ان دبرك للخير جيته وهو جاك
امنين ماتمشي نصيبك يباريك
"
وان كان ربك ناويٍ لك ب الاهلاك
ان دبرك للشر محدٍ منجيك

مرشد البذال

[قروب اشعار @aShi3ar]

انا خريج التجارب وتلميذ السنين
والله ما عيّنتها " باردة ومزيّنه " .

[معكاز | شعر @M3kkaz]

جعل صكات الليالي ماتجيني فيهم
الكفو ، وعيال عمي ، والرفيق الطيّب .

[‏᷂عسر٨٨ @Qhta10ni]

لا تحسب أنـ الليالي كلبوها ربيـع
لازم تلوفك هبوب القيض وسمومها

[قروب اشعار @aShi3ar]

ما احب افتش بالكلام ومعانيه
امر زلات البشر … واتعدى

ماني زعول ولا مدوّر مشاريه
من طاب طاب ومن تردى تردى .

[‏᷂عسر٨٨ @Qhta10ni]

ماشفت منه غير تم وتبسّام
ماكشّر بوجهي ولا قد تردى

[قروب اشعار @aShi3ar]

مصير الأيام تكشف لك كنين الصدور
كانك تشوف الوجيه وتجهل قلوبها

قلبك دليلك ليا اشتبهت عليك الأمور
لا تقرب اللي يجيك الشك من صوبها .

[دمــث @v80r_1]

ماعاد يالنجلا على الكون فرسان
الا السيوف إللي بعينك مقيمه

[قروب اشعار @aShi3ar]

يا صاحبي دنياك حظوظ ومقادير
تضحك معك والله يعينك عليها

ناسٍ بقوّه " حظها يطرح الطير "
وناسٍ تطير طيورها من يديها .