محمد أبوعاصي

@massipress

صحفي مصري، متخصص في الشأن الاقتصادي، والدبلوماسي والسياسي..رئيس التحرير ومذيع برنامج خمسينة اقتصاد

القاهرة- مصر

Joined October 2024

55 Following

541 Followers

212 Posts

محمد أبوعاصي

@massipress

5 days ago

السؤال فين مصر؟! صفقة تاريخية ترفضها القاهرة ورد عـنـيف من الرئيس المصري السيسي!! 🔴 رسميًا.. السعودية وتركيا وباكستان يوقعون اتفاق دفاع مشترك.. 🔴 الخبر ده قالب الدنيا في الصحافة العالمية والإقليمية.. بس مش وعشان مضمون الخبر، وماهية وسبب التحالف.. خالص حضرتك، وعشان سؤال واحد بس بتسأله كل الصحف العالمية.. أين مصر؟! 🔴 اللي هو برغم غيابي عن الخبر، إلا إني أصبحت أنا الخبر، والجزء الأهم في الخبر المُعلن.. 🔴 أنا في الأول عايز اوضح إن مصر دولة محترمة، وجيشها محترم، ليها تاريخ مادد في العمق، لا بنحارب وعشان فلوس ولا بنستغل أزمات اللي حولينا مقابل الفلوس، إحنا مش مرتزقة، وفي أضيق الظروف،وأسوأها بنتعامل بمبادئ.. 🔴 لكن بعيدًا عن كل ده، هو فعلًا فين مصر؟ هواة تضييع فرص إحنا مش كده؟! ولا فيه خلاف بين مصر والسعودية وبدأ يظهر للعلن؟! 🔴 إحنا موقعين اتفاقيات دفاعية مع تركيا، ومع السعودية، ومع باكستان، لأ وموقعين اتفاق دفاعي معاهم كلهم.. ليه التحالف ده بالتحديد مش موقعينه ومش منضمين ليه؟! 🔴 رئيس مصر، السيسي، يرفض كل عروض السعودية، لأ، والإمارات، وصفقاتهم للانضمام لهذا الحلف ودي معلومة، لكن قطعًا فيه سر ورا الغياب المصري.. 🔴 أولًا: من أول حرب إيران، وأعلنها نتنياهو، أول من أعلن أننا قدام حلف سني جديد بين مصر والسعودية وتركيا وباكستان، وإن دول يبقوا الجيوش الباقية في المنطقة وهيكون بينهم معاهدة عشان المعركة الكبرى، ودا هدف غربي صـ.ـهيـ.وني، إنه يبقى فيه حلف سني وحلف شيـ.عـي، وحلف إبراهيمي.. ونتقسم في السياسة، والحرب على أساس مذهبي وطائفي..فقصة نلعبها مذهبية دي لأ وألف لأ..المنطقة فيها حلف سني بعد الحلف الشيعي.. دمـ.رنا الحلف الشيـ.عي، نـدمـر الحلف السني.. ده كلام نتنياهو..وبالتالي بعد مصر عن الحلف ده، بضيع الفرصة عليه يتحجج قدام الغرب.. 🔴 ثانيًا: مصر علاقتها مع الدول الـ 3 في أحسن حال، بس الإنضمام للحلف دا خسايره، أكبر بكتير من مكاسبه، لسبب إن أصلًا فيه تضارب بين رؤية السعودية والامارات للمنظومة الأمنية الجديدة للخليج، انا مينفعش انضم لـ رؤية الرياض بدل أبو ظبي، مع أبو ظبي وبرا رؤية الرياض.. 🔴 مصر مش تابع مصر ليها رؤية مساوية للمعسكرين، ومصر بتتوسط بينهم لتقريب وجهات النظر، وحل الخلاف في الرؤية بينهم.. ونجحت أنها تقعدهم مع بعض.. 🔴 ثالثًا، وجودك في تحالف عسكري وسط الحـ.رب، بيفقدك دور المبادرة والوساطة، أصل أجبلك من الاخر مفيش حروب بتتحسم بالسلاح في العصر الحديث إطلاقًاااااا.. لازم فيه طرف سياسي تقيل ومحنك بيدخل بعد ما كل المعسكرات جابت أخرها وإدمرت، وخسرت، ويطرح الحل السياسي اللى ينهي الحرب وينهي الأزمة ويترجم مكاسب وخساير الحرب، لـ معاهدة سياسية.. 🔴 ده بقى دور مصر التاريخي، ولكن لو مصر دخلت حلف مع أي دولة، كدا مصر خسرت رصيدها، ودورها، والأخطر أنه الطرف العاقل الوحيد في المنطقة اللي بينهي الحروب بقى هو نفسه متورط، فكده شكرًا بقى وقتها المنطقة هتغرق في فوضى، وده لمصلحة أمريكا وإسرائيل اللي بيتغذوا على اقتصاد الكـ.وارث وفوضى الدول.. 🔴 رابعًا، الوساطة اللى بتقوم بها باكستان فشلت، ورجعت الوساطة العُمانية، تاني تبقى هي الأصل، مصر مش جزء من الوساطة العُمانية، ولكن وساطة باكستان وقطر وعمان وجنيف، كلها مبنية أصلًا على المبادرة المصرية المطروحة من أول الحرب.. ـــــــــــــــــــــــــــــــــــــــــــــــــــــــــــــــ 🔴 بمعنى إيه؟ بمعني إنه فيه رؤية مصرية لإنهاء الحرب، وكل الوساطات اللي شغالة بتدور في الرؤية المصرية.. فـ مينفعش مصر تبقى هي الأساس في الوساطات اللي شغالة، حتى لو غابت عن الصف الأول في الوساطة عشان بعض الحكومات الشـقيــقـة، أعصابها بتتعب لما القاهرة تقود الوساطة أو تستضيف الوساطة وإحنا أعقل من شغل الصبية ده، وقبلنا الوساطة تبقى مرة باكستانية ومرة سويسرية، المهم الحرب تنتهي أنا مش عايز أطبع كروت وأكتب عليها أنا اللي نهيت الحرب.. أنا عايز الحرب تخلص حتى لو اللى هياخد اللقطة ترامب نفسه.. 🔴 خامسًا، من 2011 وفيه قوى إقليمية ودولية عايز تورط الجيش المصري في حرب استنزاف، وهنا لازم نشرح الجملة دي عشان بتتفهم غلط، ولما بعض صناااااااااع المحتوي بيخدوها مننا في خمسينة اقتصاد برضو بيشرحوها غلط.. 🔴 مصر مش خايفة ولا عندها فوبيا، من نـكـسـة جديدة ولا حرب اليمن رقم اتنين، إحنا تجاوزنا الكلام دا في حرب أكتوبر 1973 من 53 سنة، ولكن فواتير الحرب هي اللى استنزاف.. 🔴 تحويل الاقتصاد من اقتصاد دولة بتبني وتأسس لـ اقتصاد حرب، كل فلوس وموارد الدولة هتروح للمجهود الحربي، مفيش استثمار أجنبي أو سياحة هتيجي لدولة في حالة حـرب، هتقعد تفضى في خزاينك، خد بالك دى فواتير الانتصار مش الهزيمة، فواتير الانتصار اقتصاديا ساعات بتبقى أكبر من فواتير الهزيمة، لأنك عشان تنتصر لازم تصرف أكتر.. ـــــــــــــــــــــــــــــــــــــــــــــــــــــــــــــــ 🔴 أنا مستعد أبقى اقتصاد حرب وناكل عيش حاف، بس دفاعًا عن مصر في حرب مباشرة، ولكن صيانة دوائر الأمن القومي المصري خارج الحدود المصرية مش هتبقى بالحرب، حتى لو بعت قوات دفاعية لبعض الدول زي ما حصل مع الخليج العربي في الحرب اللى شغالة دلوقتي، أنا باعت قوات دفاعية هنااااااااااك، وليه قواعد عسكرية، بس بقوم بدور دفاعي مش هجومي، تحالف السعودية هجومي، خد بالك .. 🔴 الرئيس المصري، عبد الفتاح السيسي قالها بالنص: " الحرب هتأخر مصر شهور وسنين" المقصود هنا الاقتصاد. 🔴 فـ أنا مش خايف من حرب، أنا قدها،. وبعرف أخلصها كويس، حرب حقيقية، مش ألو أنا جاي أضربك، أو ألو أنا رايح أضربه.. 🔴 أنا مش هتورط في أي حـ.ـرب، وبنصح الخليج بكده، ونفذت ده لما اتضربت بالمُسيرة، اللي اللي ضربها خاف يعلن، وإداني قوة وانتصار فوق قوتي، هو أنا يعني مش عارفه.. بس عارف السبب أكتر عايزين أي انهاك للجيش المصري واستنزافه برا الحدود عشان ننسى المعركة الأصلية مع اللي محتل فلسطين ونغيب عنها وفجاة المعركة الأصلية دي تولع وأنا جيشي في الخليج ولا أفريقيا أو حتى خارج منتصر في حرب إقليمية وبدفع فواتير الانتصار ومش وقته أدخل حرب تانية، مع أنها وقتها هتبقى أهم من الحرب الأولانية. لا القريب ولا الأخ ولا الصديق ولا العدو هيورطوني في حـ.رب، تحت أي مُسمى.. وخلينا نكون صرحه، مصر بتتحرك بعقل ولا ثقة في النوايا أبدًاااااااا.. ـــــــــــــــــــــــــــــــــــــــــــــــــــــــــــــــ 🔴 تعرف بقى بعد كل اللي قولناه ده، مصر مش غايبة عن حلف جدة، كان ممكن تنضم وتقبض وأطلب تُجاب.. جيش مصر مش مرتزقة، وفيه وفد عسكري إماراتي وأخر سعودي هنا بقالهم يومين.. دي معلومة حصري لـ خمسينة اقتصاد بيحاولوا يقنعوك وأنت لأ.. 🔴 مصر حاضرة إزاي في تحالف جدة؟! تعالى وأنا أدربك، مناورات عسكرية، هصنع وأبعت كل صفقات السـ.ـلاح ليك عيني، عايز مستشارين عسكريين، اتفضل، ولا حتى تكنولوجيا عسكرية مصرية متاح، أشارك في حمايتك من عنينا، لكن حلف رسمي هجومي، أو يشـتـبك أو أتصنف معسكر س ولا ص.. لأ 🔴 السعودية بتُعلن رسميًا، أنها هتشتبك رسمي مع إيران، المرة دي، لو إيران نفذت هتديدها، اللي أطلقته من ساعات وبلغت بيه رسمي دول الخليج.. لو ترامب ضرب البنية التحتية في إيران، هنضرب كل محطات الطاقة والمية والنفط والغاز في الخليج.. 🔴 يعني إيه؟! يعني التحالف اللى اتمضى ورقه النهاردة، أول ما إيران تضرب السعودية، هيقوم ضارب في ايران.. وتبقى حـ.رب رسمي.. 🔴 ده تحالف بيتجرجر في مشاكل، لا قادر ولا خينهي حرب، والصراحة ده ضد السياسية المصرية.. ـــــــــــــــــــــــــــــــــــــــــــــــــــــــــــــــ 🔴 مصر مش بتدخل أحلاف عسكرية، مصر لا تحتسب على الشرق ولا الغرب ولكن مصر قوة إقليمية بحد ذاتها، قطب إقليمي في حد ذاته له علاقات ومصالح مع الجميع.. 🔴 بعدين أنا ضامن الاستقرار السياسي في السعودية، ولكن مش مضمون في تركيا أو باكستان، النهاردة أنت عارف مين الرئيس ومين الوزير بس البلدين عندهم تاريخ في التقلبات السياسية المفاجئة، وبالتالي النهاردة أنا بمضى مع صديق، بس محدش يعرف بكرا في إسلام أباد ولا أنقرة اللي بيحكم هيبقى حليف ولا حاجة تانية، وينط من المركب ويسيبني.. 🔴 لكن هناك تحرك عنيف لـ الرئيس السيسي هيُترجم لخطوة ثقيلة خلال ساعات.. تقدر تسميه الرد المصري وإعلان العصيان في وجه الجميع.. إيه هو؟! ده هتلاقيه في حلقة عيار تقيل، كواليس تُنشر لأول مرة، اليوم الساعة 10 مساءًا بتوقيت القاهرة، على خمسينة اقتصاد الفريق الدبلوماسي خمسينة اقتصاد .. #خمسينة_اقتصاد #مصر #السيسي #السعودية #تركيا #الإمارات #إيران #ايران

124

56K

محمد أبوعاصي

@massipress

12 days ago

"بيان عاجل من الجيش المصري يكشف كل تفاصيل حادث مُسيرة دمياط والاختراق الذي حدث".. الجملة دي، قالبه "السوشيال ميديا" حرفيًا.. الجميع محليًا وعالميًا، في انتظار بيان من جيش مصر للتوضيح وكشف الحقايق.. السؤال هنا أنت مُستعد أنك تعرف الإجابة ومين المُتسبب في الحادث وأي دولة أطلقت المُسيرة؟! 📷 طيب ما طالما الحكومة المصرية، أعلنت، أنه مش حـ.ـريق وأنه مُسيرة، ما تيجي نكشف مجموعة حقايق.. 📷 لأمانة المعلومة، ولأنك كـ قارئ بقيت واعي كفاية أنك تعرف المعلومة دي، وتشارك فيها وتلتزم بيها، أول حاجة أكتر من 90% من رؤساء تحرير الصحف المصرية، والإعلاميين المتخصصين في الشأن الدبلوماسي والعسكري، والصحفيين، واللي دعبس ودور من من المؤثرين، عارفين أنها مُسيرة من البارح.. على فكرة لمعلوماتك، محدش ""خـدعك" خالص، دي إسمها أخبار أمن قومي، "أخبار حالة الـحـرب" والدستور المصري، قبل القانون ومواد الصحافة والنشر، بتقفل الباب ده، بضرورة الإلتزام بما أعلنته الدولة، حتى لو نفته بعد كده، ده بيلزم الدولة تأمرك تشيل خبر من عندك.. أخبار الأمن القومي، مينفعش فيها تكهنات، وخاصة في حالات الحـ.ـرب، زي اللي إحنا فيها، بتلتزم فقط بما يُعلن، والنظام ده معمول بيه في العالم كله📷 ولو اتفتح الباب ده، هندفع تمنه غالي وهيضرب استقرار الدولة، والقصة هنا مش حجب معلومة، القصة أمن قومي، وهنعلن إمتى وإزاي، لأن الإلان يستلزم رد.. 📷 تعالى بقى للكلام المهم ونعرف لـ دلوقتي ليه فيه تعتيم على المُسيرة ليه مفيش إعلان رسمي، المسيرة اللي بعدها بنص ساعة كان ترامب بيجيب سيرتها في البيت الأبيض: 📷 لما مصر تُعلن عن إن فيه مُسيرة، لازم تُعلن عن جنسية أو الدولة اللي خرجت منها المُسيرة؟ والسؤال التالت 📷 هل المسيرة اللي ضربت مصر إيرانية؟! 📷الإجابة مش إنها إيرانية ولا لأ، لأنها حتى وقتنا هذا مفيش بيان رسمي، لكن فرضًا أنها إيرانية، والجيش المصري أعلن أنها إيرانية فـ إيه اللي هيحصل؟! 📷 هنا أنت كـ جيش مصر، مطالب ترد على إيران.. طيب هل الرد في مصلحتي ولا ؟! أه حضرتك زي ما سمعت بالضبط .. 📷 مبدأيًا لازم تعرف أن قدرات إيران العسكرية بقت مشكوك فيها، فبالتالي معدش عندها تحكم في مُعـظم سلاحـ.ها، هي بتضرب وخلاص، وقد تكون مستهدفة قبرص، وفجأة دخلت المياه المصرية، فمش تقصدك أصلًا.. 📷 لأااااااا ماليش دعوة أرد برده، المرة دي من غير قصد المرة الجاية بقصد.. مفيش مانع، بس أنت عارف أنك بكده هتتجر في حرب عايزينك تدخلها من يوم ما بدأت الهوجة دي، وعشان يستنزفوك، ويدمروا اقتصادك وتبقى جاهز ليهم بيضة مقشرة بعد كده، أنت الوحيد اللي كامل العتاد في المنطقة حتى الأن.. 📷 وأنت رايح ترد على إيران، إعرف إن إسـ.ـرائيل اللي دخلت الحرب مع أمريكا، مبقتش ساحة حرب، وإيران إستبدلتها بالخليج، تخيل!! ده كمان بتدمر قدرات جيش الأردن.. ولما تدمر قدرات جيش الأردن والخليج يبقى ده لصالح مين؟! رد أنت بقى؟! الأزرق طبعًاااا واللي وراه.. 📷 إيران لا تحب مصر، ومنافس وحاقد لـ مصر، وكلنا عارفين، بس بينا مصالح ومن مصلحتي هي متقعش وعشان ما يبقاش الدور عليه.. 📷 مش هقولك إيران أضعف وأجبن أنها تعمل ده بشكل مباشر معاك، لأنك حيادي فعلًا، ولأنك لا عندك قواعد أمريكية، ولا بيطلع من عندك غارات أمريكية.. وهنا بقى تيجي الناس اللي كانت بتدافع عن إيران باستماتة في ضربها للخليج، طيب أنا لاعندي قواعد أمريكية ولا غيره.. 📷 إيران مش من مصلحتها توسع رقعة الحرب، لأنها هتتضرب بقوة من مصر.. إحنا عارفين عنها اللي هي متعرفهوش عن نفسها، ومصر قادرة تخنق إيران بجد.. 📷 ولو رديت على إيران هضرب في ميت؟!..وبرده لو رديت أرد علني وأتورط، ولا أعمل زي الإمارات والسعودية والكويت وأرد بشكل مخفي.. 📷 إيران بنظامها السئ، تعلم أنك الوسيط الوحيد النزيه مع سلطنة عُمان اللي بيعمل بإخلاص لإنهاء هذه الحـ.ـرب، فمش من مصلحتها تضرب عليك مُسيرة.. أنك شغال ضغط على أمريكا بقوتك الدبلوماسية لإيقاف هذه الحرب، وطبعًا ده في مصلحة شعب إيران.. 📷 مصر مش من مصلحتها إن محور إيران يسقط، لأن ده عقبة، قدام أمريكا وإسرائيل، وبعده محور السني، محور مصر وتركيا.. 📷 نظام إيران، مدعوم من مصر، ((إزاي)) مصر بترى أنه لو فيه تغيير في النظام، يبقى من الداخل الإيراني وبأيد شعب إيران، مش اسقاطه وتبقى فوضى، تجتاح الخليج وتصدر ليه كـ مصر إ.ر.هـ.اب.. وبالتالي نظام إيران بيقدر النقطة دي لـ مصر، غير الخليج اللي عايز يزيل إيران ونظامها من الصبح، فاكرها هتبقى وردي بعد إيران.. 📷 فمن مصلحة مين المسيرة تبقى إيرانية، وتدخل مصر الحرب، وتضرب اليمن، ذراع إيران، وتقفل القناة في وجه سفن إيران، وتسقط إيران بأقل كلفة، دون مجهود؟! أمريكا طبعًا، اللي متخوفة أن إيران تبقى فيتنام 2، خاصة بعد تسريب رسمي بإرسال الصين سـ.ـلاح لـ إيران البارح.. ـــــــــــــــــــــــــــــــــــــــــــــــــــــــــــــــــــــــــــــ 📷 طيب الـ مُسيرة اللي ضربت مصر إسـ.ـرائيلية؟!!! 📷هنا بقى الكلام يختلف، إسرائيل من يومين عايزة تعمل شراكة مع البحرية المصرية، ومصر رافضة؟! 📷 إسرائيل بقالها أسبوع بتنتقد القوة المشتركة اللي أسستها مصر وتركيا، في البحر المتوسط.. أه تحالف عسكري وقوات مشتركة حضرتك.. 📷 مصر وتركيا بيدربوا في جيش سوريا، وبيأهلوه وموانئ سوريا كلها جيش تركي دلوقتي، وده مضايق إسرائيل من مصر وتركيا، وشايفة تحالف ضدها.. 📷 إسرائيل بقالها 3 أسابيع بتزعق في الصحف وتبعت شكاوى لأمريكا، إن جيش مصر مُنتشر في البحر الأحمر وباب المندب، وأنه بقت منطقة نفوذ خالصة.. وده مضايقها.. 📷 إسرائيل بلعت تهديد مصر بضرب قاعدة عسكرية إسرائيلية كانت هتتعمل في غرب ليبيا.. 📷 مصر عملت قاعدة عسكرية في ولاية جنوب غرب الصومال، تراقب القاعدة الإسرائيلية اللي هتتعمل في أرض الصومال.. 📷 مصر وتركيا بيطردوا النفوذ الإسرائيلي من أفريقيا، واللي متابعني عارف كويس الأخبار دي بنجيبها على مدار شهرين.. 📷 إسرائيل من مصلحتها تهز الثقة والسمعة في جيش مصر وسلاحه ((رايحين جايين نقول الجيش الأكبر والأقوى والسلاح الأشد)) طيب أهو مقدرش يصد مسيرة، مثلًاااااا 📷 خلال أسبوعين، مصر هتعلن عن منظومة "أنتي درون" لضرب الدورونات، بعد ما أعلن الخبر بيوم إسرائيل كشفت عن منظومتها، فأنت بتضرب سمعة سـ.ـلاح قبل ما ينزل السوق.. 📷 إسرائيل عايزة تورطك وتستنزفك وتعطل اتفاق غـ.ـزة وتختبر حدودك، وتخليك تلتزم باتفاق كامب ديفيد وتنسحب من سيناء.. بس لو دي مسيرة اسرائيلية، هيكون فيه رد بينا وبينهم، بدون إعلان.. ـــــــــــــــــــــــــــــــــــــــــــــــــــــــــــــــــــــــــــــ 📷 لأ، دي مسيرة بريطانية، نعم.. أيوه حضرتك؟! 📷 بريطانيا في حالة عداء مع مصر، ومش عاجبها تعطيل مصر لمصالحها في كل الملفات، وهي عندها أزمة اقتصادية، وعايزة تعمل كـ عادتها شوبنج في ثروات الدول!! ورئيس الوزراء الجديد بتاعهم، مش سالك خالص، وأول ما جه زود المسيرات اللي بيبعتها لـ أوكرانيا، وقوم الثورة في تونس وغرب ليبيا، وشمال السودان، ماهو يعتبر المُرشد الأعلى للإخـ.ـوان، وبقالهم كام يوم بيطالبوا المصريين بالنزول في ثورات ربيع العربي 2.. 📷 بريطانيا مضايقة أن مصر بتقفل ملف السودان، وبتضرب في الدعم السريع.. 📷 وممكن تكون مُسيرة من الداخل، مُسيرة إخـ.وانية ضعيفة تعمل بلبلة مثلًا.. كله وارد.. الإخـ.ـوان عندهم كـ.ـره عظيم، لرئيس مصر السيسي ونظامة، وأكيد عارفين ليه.. 📷 فيه 2 مليون إخواني وسطنا دلوقتي سعداء، وكان المُسيرة ضرب إسرائيل مش مصر.. 📷 مش دي مصر اللي قفلت حدودها الجنوبية في وجه مافيا الدهب، الدهابة، اللي مشغلاهم بريطانيا.. هنا مصر هترد بس بطريقتها.. ـــــــــــــــــــــــــــــــــــــــــــــــــــــــــــــــــــــــــــــ 📷 لأ لأ هي مسيرة أمريكية؟! 📷 والله فرضية قوية ومهمة.. ليه لأ؟! أمريكا مش بريئة، ترامب قال تصريح عن المُسيرة بعدها بدقائق، وكأنه كان مستني اللقطة، اللي فجأة أوروبا أعلنت وأمريكا أن الشواطئ غير آمنة.. طيب ليه؟! 📷 مصر لأمريكا في القرن الأفريقي، واقفة في القرن الأفريقي لأمريكا، وواقفة في التهجير، وواقفة في سقوط إيران، وواقفة في سقوط الخليج، وبتقاوم دخوله الحرب ضد إيران، ومش عاجب الخليج اللي عايز يتورط في الحرب.. طيب ندي اختبار لـ مصر الحكيمة كده، ونشوف الرد؟! لو ردت بقوة، يبقى كانت عايزة تغرقك يا خليج، ومصلحتك تدخل الحرب ضد إيران معايا كـ أمريكا.. وهيكتشف الكارثة متأخر.. 📷 كمان فيه أكتر من 7000 شركة جت من الخليج لـ مصر "دي معلومتي".. فنضرب سمعة مصر في الاستثمار، مصر اللي واخدة 20% من الاستثمارات الأجنبية السنة دي في أفريقيا، وبتحسب من الخليج الغير آمن استثمارات، وغيره، لأ اضربها بقى، وعشان دي سايبه الحرب وبتبني وتعمر وسبقت.. 📷 وبعدين ترامب قاربت مدته على الانتهاء، والراجل جاي بأجندة لأصحاب المصالح وشبكات المصالح، اللي بيديورا العالم، فلازم ينجز.. 📷 أه نسيت أقولك، مش أمريكا بتتحكم في قناة بنما، وهرمز، وعاملة أزمات في باب المندب، ومضيق جبل طارق تحت سيطرة بريطانيا حلفيتها، يبقى تعالى بقى على قناة السويس.. 📷 استنى هنا، ده مصر الوحيدة اللي فاتحة الباب لـ الصين واستثمارات الصين، الله يبقى الدور عليها بقى، نقل خطوط انتاج واستثمارات وقصص، وفي انتظار زيارة رسمية لـ رئيس الصين.. لا نقفلها.. 📷 مش مصر اللي رفضت تقفل مجالها الجوي في وجه روسيا، بطلب من أمريكا، لأ اضربها.. 📷 مش دي مصر، اللي بتقولك أكون وسط كل المعسكرات، لأ حضرتك يامعايا ياضدي، طيب إضربها وهز مكانتها.. 📷 مش دي مصر اللي بتتغني بقدراتها العسكرية..طيب هز ثقة الشعب في جيشه، ما الجيش المصري، اللي سانده مش سلاحه، لأ اللي سانده هو الشعب، وعشان كده متلاقيش مليشـ.يا تظهر بين يوم وليله هنا.. ـــــــــــــــــــــــــــــــــــــــــــــــــــــــــــــــــــــــــــــ 📷 طيب سؤال خبيث البعض بيسأله.. هو مش وارد أن المسيرة تكون خليجية؟! معلش فرضية لازم نتكلم فيها برضه، مع كامل التقدير للخليج الأشقاء..والله حالا خلايجه هتكتب ده، إسمع مني بس.. 📷 هو مش قطر اعترفت أنها مولت ثورات الربيع العربي وأسقطت النظام في مصر؟! حمد بن جاسم أعلن ده رسمي، وقال أنه اشرف على ده بنفسه!! 📷 هو مش مصر بتغادر ليها الاستثمارات الخليجية، ده فيه 7000 شركة جت مصر؟! طيب لو بقت غير آمنة ؟! 📷 هو مصر مش راضية تدعم دخول الخليج الحرب، طيب ما نختبرها كده لو الضرب على أراضيها.. 📷 مصر سهمها في الطالع بتبني وتعمر في وسط الكل في حرب، وإحنا كـ خليج معرفناش نبني مدينة.. طيب لما تضرب وتهرب الاستثمارات.. 📷 الجيش المصري رجع الخليج، وسيطر في أفريقيا، ومش قادرين نعطل البلد دي لا باستثمارات ولا حصار اقتصادي، طيب مطلوب مصر تبقى موجودة، وواقفة، لا قوية ولا ضعيفة.. دي فلسفة خليجية من زمان، لأن مصر قوية= مصر اللي بتدخل في كل كبيرة وصغيرة جوه الخليج، يعني دول الخليج صف تاني، يعني لازم مصر تتورط، وعشان قدراتها تتراجع، زي 67، 73، ويناير 2011، و2013، ما كل ده عطلك تسابقك وترجع..لكن دلوقتي أنت رجعت قوي.. 📷 إعلام الخليج من البارح بيحلل ويوضح ويفصص، ومقدرش يعمل كده على أرضه وهو بيضرب ليل نهار.. ـــــــــــــــــــــــــــــــــــــــــــــــــــــــــــــــــــــــــــــ وارد تكون المسيرة جاية من سوريا، لبنان، دعم سريع، مرتزقة في أي حتة في العالم، جايين قدام حدودك، ناس هتلعب بيها لاجئين ولا غيره..كله وراد.. ورد فعلك هو الرد اللي الكل مستنيه، العالم كله في انتظاره، لأن لقطة المسيرة كان العالم كله في انتظاااااااااارها.. المسيرة المجهولة بالنسبة لينا، اللي دخلت مصر، متهمة بكل اللي قلناها...هي مُسيرة معلومةُ الغرض، ولعلمك هي مش اختبار لقدرات الدفاع الجوي المصري، ولا الجيش المصري، بقدر ما هي اختبار رد فعل مصر، هتبقى حكيم زي ما أنت، ولا هتنزل وتشمر.. مصر بتدفع تمن موقفها النبيل، وتمن تعاملها بشرف📷📷 المهم بعد كل ده، شايف أنك لسه عايز تعرف جنسية المُسيرة وجت منين، وياترى ردك كـ مواطن هيكون إيه؟ أنت الرد، أنت الفيصل أنت الأساس، المسيرة دي ليك أنت كـ مواطن مصري 📷📷 #خمسينة_اقتصاد #مصر #إيران #ايران #الخليج #ترامب #الكويت #قطر #السعودية #السودان

محمد أبوعاصي

@massipress

26 days ago

معلومة مهمة✋ 🔴مصر لا تشتري القمح المُنتج محليًا "على أرضها" بالدولار الأمريكي، ولا بأي عملة تانية، فقط بتشتري القمح بـ الجنيه المصري..دي معلومة✋ 🔴 بيُقَوم العقد بالدولار ماشي، إنما البيع والشرا بيتم بالعملة المحلية، الجنيه المصري..الدولة مش هتضرب نفسها وتشتغل دولرة، في مشتريتها المحلية في السلع الاستهلاكية وغيره.. 🔴 أما مشتريات مصر من القمح من الخارج، بين قوسين القمح المستورد، بيتم بعملة الدولار الأمريكي، أو بأي عملة أجنبية يتفق عليها الدولتين، حتى لو كان الاتفاق التبادل بيع وشراء بالعملات المحلية.. 🔴 للأمانة المهنية، أي شركة أجنبية عاملة على أرض مصر، بتبيع ليك قمح ولا تراب حتى، ولا اي منتج، ولا بتبني، لها الحق في تحويل أرباحها أو فوائضها، فصليًا وسنويًا، أو جزء من أرصدتها في بنوك مصر، اللي بالجنيه المصري، من جنيه إلى دولار، وقت ما تريد تحويل الأموال دي خارج الدولة، وده وفق قواعد بيقرها البنك المركزي.. وده يخص كل الشركات الأجنبية العاملة على أرض مصر، وده واضح ومعروف، وبيستري على شركات مصر اللي شغاله بره.. دي قاعدة دولية..وده حقهم ماخم بيدخلوا ليك دولار برده، وبكميات.. إنما التعامل الداخلي بالعُملة المحلية.. 🔴 قصة إن مدخلات الإنتاج متوفرة على أرض مصر، فليه أجيب مستثمر أجنبي؟! ده سؤال مهم جدًا، أنا كدولة بجهز البنية التحتية زراعية أو صناعية، برفق وبوصل ميه، وبوصل طاقة، وبجهز طرق سريعة، وبجهز إطار قانوني، وبعمل ترويج للاستثمار على أرضي، وطرح للفرص، وهنا بينتهي دوري مع مجئ المستثمر، أجنبي أو محلي، وبدء ضخ الاستثمارات في السوق المحلية، وباخد منه تمن كل ده، وفيه حاجات بينفذها على حسابه.. 🔴 بـ أستفيد إيه من المستثمر ده؟! - لو خدنا مستثمر اللي بيزرع قمح كـ نموذج، فأنت هتحصل على مقابل لحق انتفاعه بالأرض لمدة تصل لـ 25 لـ 30 أو أي كان المدة المتفق عليها.. بتاخد تمن الأرض، اللي هينتفع بيها 20 سنة، بالدولار، يعني ضخ عُملة أجنبية، ده مش بيع نهائي.. غرض الانتفاع زراعة، وبالتالي ضمنت أنه مش هيبنيها، فقط هينميها ويكبرها وإبا تتسحب منه.. وينتج قمح.. وبعد المُدة ما تخلص الأرض ترجع للدولة تاني، تُعيد تسعير وتطرح على المستثمرين أو تمدد بعد إعادة التسعير.. 🔴 أنا هاخد منتج الشركة دي من القمح أشتريه، وفق السعر العالمي بالجنيه المصري، وكده أنا وفرت دولار، أه هحوله لدولار بعدين لما يجي يحول أرباحه بره مصر، بس دي نقرة ودي نقرة، وطول ما السوق مستقر، هو هيدخل الفلوس دورة رأس المال.. وده معمول بيه في الكوكب كله مش جديد.. ماهو بيدخل ليه دولار من الخارج على فكرة.. - لما أخد المنتج، هجنب نفسي تمن النقل البحري، وسفينة تضرب، ولا يتم اعتراضها في المياة الدولية، "هنقل على تريلات داخلي" هجنب نفسي توتر سلاسل الإمدادت العالمية، وتوافر المنتج من أساسه، هقلل السمسرة والعُمولات والمصالح والبيزنس اللي بيتعمل عليه، وشغل السماسرة ده.. - باخد ضرايب ماهو بيشتغل وبيعمل مكاسب على أرضي.. - بوفر فرص عمل.. - بتوسع في رقعة زراعية (( وعندنا في مصر تجربة سيئة في قصة أراضي الخريجين، اللي باعوها قبل ما يزرعوا حتى جرجير، وأراضي الشركات والتجار اللي حولت الزراعي لسكني وعندك الصحراوي كله مخالفات بالمليارات، ولو قلت ترليونات مش هكون ببالغ، ده غير تفتيت الثروة الزراعية والبناء عليه للمزارع العادي، بنقتـ.ـل الأرض الزراعية اللي بناكل منها)) فالأفضل تاخدها شركات محلية أو أجنبية حق انتفاع، اللي يقدر يدفع قيمة حق الانتفاع ياله شيل.. - بحقق اكتفاء ذاتي، وكمان ممكن أصدر.. - بستفيد من قوة ونفوذ الشركات الأجنبية اللي ليها أذرع طولى في السوق الدولي، ماهو مش أي حد يدخل السوق ويبيع، ده الواقع.. 🔴طيب ما الدولة تزرع طالما المية موجودة والأرض والبنية التحتية جاهزة وموجودة والعمالة موجودة؟! ده أسلوب مش عملي، لسبب أن الدولة قادرة تعمل ده، بس هينهار في المستقبل، لو قبضتك قوية، لو لم ينهار من أول خطوة، عندنا تصور سئ في الشارع إن المال العام مُستباح، وإن محدش بيتفصل إلا بقرار جمهوري، والرئيس مش فاضي يمضي على قرارات فصل، وعشان عامل كسلان وبيجري ورا الوظيفة الميري، وأول ما يمسكها يلعن في راتبها.. - كمان عندنا تجربة أسوأ مع إدارة الدولة، ومصانع الدولة وتجارتها، اللي بتستخدمها بعض الأنظمة للدعاية السياسية، وتلاقي المشروع في النهاية خسران وبيصرف أرباح.. وعندك مثال الـ 5000 مصنع اللي أنشأهم الرئيس عبد الناصر.. 🔴 الدولة في أي مكان في العالم صانع سئ وتاجر أسوأ وغير جديرة بالمنافسة.. دورها تراقب، وياريت تقدر تقوم بيه على أتم وجه، مش شغلتها تصنع وتزرع وتتاجر، مش فاضية، دورها الرقابة وليست المنافسة الصريحة.. تستثمر وعشان تزود دخلها وإيراداتها ماشي، تصنع لأ.. تمتلك أدوات تأدب السوق وتلاعبه، أه، مفيش مشكلة وبدون مغااااااااالاة برده.. يكون ليها برامج تدعم فيها القطاع الخاص وعشان يحقق التنيمة، على عيني وعلى راسي، بس برده تحمي المواطن من شطحات القطاع الخاص، وشراسة الرأسمالية... 🔴هي شعرة معاوية حضرتك، والدولة مسكاها.. 🔴السوق ماشي على عجلتين..مستثمر وعميل، بين قوسين مواطن، لازم تراعيهم الأتنين، وتبقى عامل حسابك كدولة، إن كل عجلة من دول هتطمع أكتر وأكتر في ما تقدمه من دعم وحوافز وحماية.. لما بنتكلم عن إن شركة أجنبية بتعمل هنا في السوق المصري، فده مش محتاج توضيح أو تفصيل لأهميتها، دي بتيجي بعملة صعبة وبتنمية وبنفوذ دولي وبمنافع، وزي ما عليها واجبات، فليها إلتزامات.. #خمسينة_اقتصاد #مصر #الدولار #القمح

محمد أبوعاصي

@massipress

2 months ago

لك أن تتخيل، إن بعد ساعتين بالضبط، من إعلان إقليم "أرض الصومال" رسميًا إن لـ "إثيوبيا" الحق في إمتلاك منفذ بحري عبر البحر الأحمر، وإنها هتناقش الأمر بشكل جدي مع إثيوبيا، وعشان الصحافة الإثيوبية تهلل لهذا الانتصار العظيم، اللي هو مجرد كلام في تصريح صحفي، لوزير خارجية أرض الصومال، وعشان يجي الرد أسرع من التصريح المُفرغ من محتواه ده.. الرد كان إيه؟! زيارة الرئيس أسياس أفورقي رئيس دولة إريتريا لـ مصر.. ودي مش مجرد زيارة، أومال إيه؟! 🔴 أنا هقولك.. ومش تحليل، ده معلومات.. أخطر تواجد لـ مصر في أفريقيا، هو في دولة إريتريا.. مصر ليها قواعد عسكرية في إريتريا، بشكل مكسف، وكمان ليها تمركزات، ودي معلومة.. مصر أسست مجمع عسكري لـ الجيش الإريتري، كليات عسكرية، وميادين تدريب.. 🔴 القوات الجوية المصرية، تقدر تقول كانت من سنة ونص، بتشرف على تأسيس جديد لسلاح الجو الإريتري، من أول الكليات لصفقات التسليح.... وشبه إنتهت من ده.. 🔴 مصر كسرت حظر التسليح على إريتريا، أمدت إريتريا، بأضخم صفقات عسكرية في تاريخها على مدار 3 سنوات، أعادت بناء الجيش في إريتريا، ما أنت قاري السيناريو من بدري.. أصلنا بلد عمرها أكتر من 14 ألف سنة، فالسيناريو ده بيتلعب علينا من بدري، وبيتكرر كل 100 سنة، شفناه كتير.. 🔴 مصر لديها قاعدة عسكرية بحرية في إريتريا.. وليها قاعدة عسكرية برية، القاعدة دي، كانت سبب رئيسي في مغادرة إسرائيل لـ إريتريا..أصلنا جنب قاعدة إسرائيل بـ 700 متر بالضبط تخيل؟! 🔴 مصر، ودي معلومة صحفية كنا أول من إنفرد بيها في خمسينة اقتصاد وتأكدت رسميًا بعد ذلك، بتدير موانئ إريتريا، ميناء عصب، اللي إثيوبيا عينها عليه.. وكمان تسلمت باقي الموانئ، مصوع بالشراكة، وميناء حرقيقو، اللي شغالين دلوقتي عليه بالشراكة بيتوسع ويكبر، وتديره شركة مصرية من شهرتها محدش عارف إسمها فعلًا، شركة شغالة في الكواليس.. 🔴 مصر بتنفذ أكبر بنية تحتية، طرق وكباري وأنفاق ومطارات منها طرق بتوصل لحدود إثيوبيا، وسكك حديد ومحطات كهربا، في إريتريا، وربط كهربائي مع السودان وإريتريا.. البحرية المصرية عاملة دوريات بتبدأ من الإسكندرية وبتعسكر في المياة الإريترية.. 🔴 الصحافة الإثيوبية دلوقتي، مقلوبة على الرد المصري، اللي جت أسرع من صاروخ بسرعة 2 ماخ، اللي هو في نفس اليوم، بعد ساعتين من تصريح طايش، وعيار طايش، من إقليم أرض الصومال، يكون رد القاهرة، مجرد زيارة أفورقي لوحدها قلبت إثيوبيا.. 🔴 على الناحية التانية، إثيوبيا بتتهم بشكل مباشر، جيش مصر، بأنه بيدعم الحركات الإنفصالية جوه إثيوبيا.. دي ناشره تقرير بأن الجيش المصري داخل أراضي إثيوبيا نفسها.. 🔴 حسب رواية إثيوبيا، فإن جيش مصر، بيدعم اوغادين، التيجري، وفانو، والحركات التانية.. "دي مجرد اتهامات هم مصدرها، إحنا في مصر لا أكدنا ولا نفينا ولا كأن الكلام لينا".. بس إحنا في خمسينة اقتصاد كنا انفردنا من 3 أيام بمعلومة في اللايف أول كومنت 👇👇 قولنا فيه كواليس تُنشر لأول مرة وبجرآة تخص النقطة دي.. 🔴 اللي عايز أقوله، إن المعركة الحقيقية مش إيران وما يحدث فيها، وشغل المسلسلات الهابط ده، المعركة الحقيقية تحدث في القرن الإفريقي، وفي مدخل باب المندب، وفي البحر الأحمر.. اللعبة دي هتنفجر بين يوم وليلة مرة واحدة.. هناك من يُجيش، ومن يريد اشعال حرب، وحروب الأفارقة سيئة.. 🔴 ساعتين كانوا كافيين عشان القاهرة تبعت رسالة وصلت لكل من يراقب البحر الأحمر والقرن الإفريقي.. ماهو موازين القوة مش بتترسم بتصريحات في مؤتمرات صحفية.. 🔴 إثيوبيا، بتدور على دور كبير ليها، وبتتحدى القاهرة علنًا، يعني أخبط في الكبير، وعشان ده أقصر طريق إني أكون كبير.. لكن الصراحة القاهرة، برغم أنها شايفه وبتتحرك، بس مش وخداها ند، يعني على مر التاريخ يكون أعدائي كانوا عظام وكبار وجبابره، هتعيل على آخر الزمن..منا كـ مصر لازم أختار أعدائي برده.. 🔴 إثيوبيا، بتبحث عن منفذ على البحر، مش تجاري، ده عسكري، عايزة تعمل لبش... بعيدًا عن أنه مش من حقها، بس تجاوزًا هنقول حقها تحلم.. بس لما نشوف هتحقق الحلم ده إزاي!!! وقديمًا قالوا: "عندما تختلط الجغرافيا بالقوة.. عليك أن تخشى دول التاريخ"وفي حالة مصر ومش عنترية، إحنا التاريخ والجغرافيا.. #خمسينة_اقتصاد #مصر #إثيوبيا #السودان #اريتريا

محمد أبوعاصي

@massipress

3 months ago

ولما الخليج مقلوب وبيضرب.. ليه مصر تخاطر وتبعت طياراتنا ومقاتلاتنا هناك وممكن تشتبك مع إيران.. إحنا مالنا؟! 🔴 ده سؤال مهم جدًا، ولا تستهين بيه.. بس إجابته أهم؟! مش هكلمك وأقولك، أشقاء وجيران، وبس.. خلينا نتكلم مصالح.. 🔴 مصر دلوقتي، بتتبع إستراتيجية في منتهى الخطورة اسمها "دبلوماسية الدفاع المتقدم" أخدت بالك من كلمة "دبلوماسية" ومن كلمة "الدفاع المتقدم" يعني المصطلح دبلوماسي في عسكري.. 🔴 الإستراتيجية دي، بتقوم على أنك تطلع تقابل الخطر بره "دفاع متقدم" مينفعش أستنى لما ييجي لحد حدودي، لأن وقتها هيكون الإيقاع بيك أسهل.. ومش معنى إنك تواجه بره، إن يكون المواجهة عسكرية.. خالص، ده دبلوماسية، وبيتخدم عليها عسكري.. 🔴 الجيش المصري تخلى، عن أنه بيرفض أن يكون ليه قواعد عسكرية بره أرضه.. دلوقتي بقى ليه، بس بيرفض يكون فيه قواعد عسكرية أجنبية على أرض مصر... 🔴 بس خد بالك.. العقيدة العسكرية المصرية قائمة تاريخيًا وعمليًا على أن أمن مصر يبدأ من خارج حدودها، زي مثلًا.. تأمين باب المندب، والعمق السوداني، والاتجاه الاستراتيجي الغربي في ليبيا.. التواجد المصري في الدوائر دي، مش بياخد شكل "قواعد عسكرية دائمة ومستقلة" بس هنسميها تجاوزًاااااااا قاعدة عسكرية، تجاوزًااااا.. (لأن ده يتناقض مع السياسات السيادية للدول المضيفة ومعلنات السياسة الخارجية المصرية)، لكن بيتم عبر "بروتوكولات تعاون عسكري وتسهيلات لوجستية ومراكز تدريب مشتركة" زي ما في في الصومال مؤخرًا أو التدريبات المشتركة في السودان والخليج). التواجد ده بيمنح مصر مرونة "الدفاع المتقدم" دون الدخول في كلفة "الاحتلال العسكري" أو التوسع الاستعماري.. أو تمن القاعدة، يعني القاعدة مش بفلوس، إنما مقابل استثمارات، تعاون ترفيع علاقات، تدريب، صفقات عسكرية، تعاون أمني، حاجات من الاتجاه ده.. 🔴 وعشان كده جيش مصر ليه قواعد عسكرية وتمركزات في الدول اللي هقولهالك دي، ودي معلومات.. تاني معلومات، ومش هتلاقي معلومة منشورة عنها، إلا بالصدفة وبعضها وليست كلها.. 🌍 خارطة القواعد والتمركزات المصرية: قواعد في دول الخليج: (السعودية قاعدتين + 3 تمركزات + تمركزات في كل جزر السعودية في البحر الأحمر). الإمارات: قاعدة عسكرية + تمركزين. الكويت: 2 قاعدة عسكرية. البحرين: قاعدة عسكرية. سلطنة عُمان: قاعدة عسكرية + تمركز. اليمن: 2 قاعدة عسكرية جدد منهم واحدة قرب باب المندب والتانية على حدود سلطنة عُمان + تمركز. الصومال: 2 قاعدة عسكرية + تمركزات. جيبوتي: قاعدة عسكرية. أريتريا: 2 قاعدة عسكرية + كلية حربية مشاركين فيها. السودان: 3 قواعد عسكرية + تمركزات. جنوب السودان: 2 تمركز. أوغندا: 2 قاعدة عسكرية، منهم قاعدة هتتبني. تنزانيا: 2 قاعدة عسكرية. كينيا: قاعدة عسكرية. ليبيا: قاعدة عسكرية + تمركزات. تشاد: قاعدة عسكرية. قبرص: تمركز. باكستان: تمركز. تركيا: تمركز. العراق: تمركز. لبنان: تمركز. سوريا: هيكون فيه تمركز أو قاعدة الفترة الجاية. أوروبا: بنحيد جيوشها بمصالح مشتركة، وصفقات عسكرية، بتخلي ليهم مصالح معانا، فلو موقفش معايا في حرب، على الأقل ميبقاش ضدي، يبقى حيدته تحت بند المصلحة.. 🔴 هي دي دواير حضرتك السياسية، ومينفعش أنكمش جوه حدودي، أستنى المصيبة تجيني ✋ 📌 ملاحظة: التمركز بيكون قاعدة عسكرية لكن مش بالمعنى الحرفي، يعني تواجد للقوات على الأرض الأجنبية، بهدف التدريب المشترك، ومشاركة قواتها في مهام معينة.. 🔴 طلع الخريطة بقى دلوقتي، وإرسم دايرة على كل الدول دي.. هي دي حدود الأمن القومي المصري، يعني خريطة حدود حضرتك الجيوسياسية.. وخريطة النفوذ بتاعتك.. وعشان لو حصل وقامت حرب، مع العدو الأزلي لينا على الحدود الشرقية "إسرائيل"، القواعد دي تشتبك مع أي طيران أمريكي أو غربي داعم لـ إسرائيل، من قواعد أمريكا أو غيرها، كمان أضرب أي طيارة تزود وقود تفكر تنزل في أي دولة حولية.. وجيشي يشتبك هنا براحته.. وبرده القواعد العسكرية دي تبقى قواعد دفاع متقدم.. هي دي القصة.. 🔴 في يونيو 67، مصر هُزمت لأسباب كتير، كان من أهمها أن الطيران الأمريكي، قدر يضرب مصر من أكتر من اتجاه، كان أخطرهم الاتجاه القادم من ليبيا، من القاعدة الأمريكية هناك.. مصر مش ناسية الكلام ده.. وعشان كده، قادة الجيش المصري، كل شهر بيجيلهم خطاب من "البنتاجون" ينتقد التوسع في التسليح، والإنتشار القوي للقواعد العسكرية المصرية في الدول المجاورة.. وتوسيع الانتشار في سيناء، والرد بيكون في منتهى الحسم من جيش مصر، وبيختتم الرد المصري، بأن مصر هتدافع عن أمنها القومي، وأنها مش دولة تحت الوصاية، ولا تقبل هذا الخطاب من الأساس، مصر دولة كاملة السيادة.. 🔴 التحالفات العسكرية المصرية مصممة لـ "ردع الأخطار وحماية خطوط الملاحة والتجارة الدولية"، وليس بالضرورة للدخول في مواجهات مفتوحة أو استباقية مع قوى إقليمية زي إيران أو قوى عظمى، بل لحماية المصالح الحيوية ومبدأ "الأمن العربي المشترك" اللي بتعتبره مصر خط أحمر. ❓ سؤال لحضراتكم.. ((إحنا مالنا؟)) تفتكروا الجملة دي صحيحة في لغة المصالح الدولية، ولا الانكماش جوه الحدود هو بداية الخطر؟ شاركوني رأيكم، وتابعونا على خمسينة اقتصاد #خمسينة_اقتصاد #مصر #إيران #ايران #السعودية #الإمارات #الكويت #قطر

253

محمد أبوعاصي

@massipress

3 months ago

تحرك مصري مهم، إن لم يكن الأهم والأخـ.طـ.ـر، في اليمن!! كواليس وتفاصيل خلال ساعات حصري على خمسينة اقتصاد #خمسينة_اقتصاد #مصر #اليمن #إيران #ايران #السعودية

303

محمد أبوعاصي

@massipress

3 months ago

تصريحات ترامب، اللي خارجة حالًا من الصين، واللي قالبه الدنيا في العالم، وبتعكس أن فيه صفقة كبيرة تمت على الأرض، بين أمربكا والصين، سياسية واقتصادية، زي موافقة الصين شراء 200 طائرة "بوينغ" كبيرة.. بس هناك تفاؤل حذر وإن خلاص تتر نهاية الصراع هينزل، والكلام الوردي ده.. بس عايز أقولك حاجة، الإتنين دلوقتي حالًا، بيفكروا إزاي يوقعوا بعض، والصفقة دي عمرها، ما هتخلص، إلا على مراحل.. أصلًا هم بيسلموا بأيد والخنجر ورا ضهرهم، في الإيد التانية.. الصين لا تثق، ولن تثق، بـ أمريكا..اللي المتغطي بيها عريان.. نوازن علاقات بيها أه، من باب أنك بتلعب بيها كـ كارت منافس، لكن تثق فيها لأ.. الأمريكان، إتعودوا إن مفيش حد غيرهم على رأس العالم، مفيش قضب غيرهم، لكن الورق دلوقتي على ترابيزة اللعبة، بيخدم الصين، خلافات روسيا، في صالح الصين، محتاجة حليف، العودة الأوروبية في صالح الصين، محتاجين حليف موثوق، الإستندال الأمريكي مع العالم، وعدم الوثوق في الوعود الأمريكية، والحركة الأمريكاني بتاعت البلطجة على الدول وضرب استقراراها تحت مسمى وبند المصالح، بتصب في صالح الصين، اللي لو زارها غفير يقابلوه بأعراف دبلوماسية وتقدير وإحترام.. أكيد في القعدة دي تم وهيتم التضحية بدول، ومصالح هتتوازن.. بس لو فيه اتفاق صح، هتلاقي الصين صناعيًا بتتسيد المشهد.. عمومًا هنشوف الساعات والأيام الجاية.. إحنا وضعنا فين ومركزنا إيه في اللعبة، كـ شرق أوسط، ومين هيدفع التمن، ومين هيتسيد.. أه نسيت أقولك، مصر بتحتضن أكبر تجمع لـ استثمار صيني، خارج الصين، في العالم.. فمع بزوغ نجم الصين، نجم مصر بيلمع، بالبلدي، راهنت على الناصح.. خلينا منستعجلش، ونلعبها مصالح، ونشوف من تحركاتهم، اتفقوا على إيه؟! تابعونا على خمسينة اقتصاد تفاصيل مهمة خلال ساعات.. وتابعوني على الأكونت بتاعي على تويتر (إكس) ..عاملين شغل حلو هناك👇👇 #خمسينة_اقتصاد #مصر #الصين

396

محمد أبوعاصي

@massipress

3 months ago

اعتراف لابد منه✋ أنا أبقى حفيد الأمير مصطفي عبد المنان.. يااااااااه ياجدي، سنين وأنا مخبي الحقيقة دي😁😁 🛑 أه بالمناسبة ياحكومة، أنا ليه ورث عن جدي 420 ألف فدان، ملكه، كنا عاملينهم وقف من 440 سنة.. أنا بقى هفك الوقف ده وعايز فلوسي.. وعشان منتهش فـ الأرض متوزعة بين 3 محافظات دمياط بمساحة أرض 89831 فدانا، وفي محافظة الدقهلية بمساحة أرض 73965 فدانا، وفي محافظة كفر الشيخ بمساحة أرض 256830 فدانا... أنا راضي بـ 20 فدان، أبعتوا أي حاجة😅😅 نتكلم جد شوية! 🛑 عايز أقولك الموضوع ده قلب مصر حرفيًا، مصلحة الشهر العقاري والتوثيق، نفسها، أصدرت من غير ماتوضح، منشور فني برقم 8 لسنة 2026، بيقول إيقاف أي معاملات أو تصرفات تتعلق بالأراضي الخاص بوقف الأمير مصطفي عبد المنان المقسمة على 3 محافظات هى الدقهلية وكفر الشيخ ودمياط، وفى حالة إجراء توكيل رسمي عام بالتصرف أو الإدارة ضرورة إضافة عبارة "ولا يسرى هذا التوكيل في أي إجراء يتعلق بالأراضي محل حجة وقف الأمير عبد المنان. 🛑 من هنا بقى بدأ كلام الشارع، طالما وقف وطالما أرض أوقاف، يبقى علطول هندفع تمن بيوتنا أو أرضنا؟! ده اللي الناس بتقوله، ومفيش أي معلومة حتى وقتنا هذا..ده استنتاج الشارع!! وإحنا اتفقنا بيان الشهر العقاري مش موضح حاجة.. فـ إيه القصة؟! 🛑 عايز أقولك إن ممكن، بقول ممكن، ودي مش معلومة، يتم سحبها من الأهالي، أو يدفعوا تمنها بقى، وبسعر اليوم.. أومال الناس كانت بتبيع وتشتري إزاي؟! دي عايزه تحقيق فــ.سـ.اد، الناس دي اتصرفت في الأرض بيع وشرا إزاي؟! وإيه تفاصيل الوقف؟! هي الأوقاف باعت ولا لأ؟! الموضوع عايز مشوار للأوقاف والشهر العقاري.. وعشان ألم الخيوط.. إحنا قدام واقعة فـ.ـسـ.ـاد مكتملة الأركان حضرتك، لو الأوقاف مبعتش الأرض دي، والمفروض إن الأوقاف مش سهل تبيع الوقف الخيري.. هي بتديره فقط.. فلو صحة الحجة اللي بيتم تداولها، يبقى مين اللي باع أرض الأوقاف دي، وإزاي الناس بتتعامل فيها؟! 🛑 وقصة بقى ثورة يوليو والقضاء على الاقطاع وسيطرة رأس المال، متمشيش على أراضي الوقف الخيري والأوقاف.. 🛑 الأمير مصطفى عبد المنان هو شخصية تاريخية وأمير اللواء السلطاني وهي رتبة عسكرية رفيعة، عُرف بثرائه وامتلاكه لمساحات شاسعة من الأراضي الزراعية، وارتبط اسمها بواحد من أكبر وأقدم الأوقاف الخيرية في مصر.. اتخصصت ليه بمرسوم سلطاني، يعني ملك رسمي ليه، والراجل وقفها للعمل الخيري.. الناس تزرع وتاكل منها، يعني حق انتفاع.. يستخدم ريعها في الإنفاق على المصالح العامة والفقراء 🛑 كل ده تكهنات.. الموضوع ده مينفعش فيه تسريبات، إحنا كلنا في انتظار بيان رسمي، والصراحة هي محتاجة بيان رسمي من الدولة، ده أمن دولة، لإن المتداول في الشارع يقلق✋✋ الأوقاف دي أغنى وزارة في مصر.. ومش عارفة تدير شغلها.. طبعًا لازم تبيع أو تطرد الناس✋✋ #خمسينة_اقتصاد #مصر

624

محمد أبوعاصي

@massipress

3 months ago

خبر مهم جدًا✋ جنوب السودان يُغلق قاعدة عسكرية مصرية إستراتيجية قرب الحدود الإثيوبية ((صحافة إثيوبيا تدعي)) 🔴 تقارير صحفية، جاية من جنوب السودان، وإثيوبيا، بتكشف إن "سيلفا كير" رئيس جنوب السودان، بنفسه، أمر بإغلاق قاعدة عسكرية مصرية في منطقة جوت بولاية أعالي النيل، منهيًا بذلك الوجود العسكري المصري قرب الحدود الإثيوبية، في خطوة قد تُعيد تشكيل ديناميكيات الأمن الإقليمي في شرق أفريقيا. 🔴 الخبر متداول على نطاق واسع هناك، ولا فيه تأكيد ولا نفي، من الجهات الرسمية هنا ولا هناك.. لأ، ده حتى مفيش تأكيد، إن كان مصر ليها قاعدة هناك، ولا مجرد تمركز.. 🔴 الخبر ده بيجي في وقت، العلاقات بتسوء، أو بيُسوق لها إنها بـ تسوء بين مصر وجنوب السودان.. وبرده بيجي في وقت فيه اقالات جماعية، من سيلفا كير، رئيس جنوب السودان، لقادة في الجيش ومسؤولين في الدولة هناك،ده شال قائد الجيش الأسبوع اللي فات.. ومعظمهم رافض لـ سياسات سيلفا كير تجاه مصر، اللي هي إبتزاز وعداء تحت بند المصالح، من أول وعد مصر ببناء 2 سد على فرع النيل في جنوب السودان، ده اتفاق من 3 سنين.. وده مشروع قطعت بيه مصر الطريق على إسـ.ـرائـيل وأمريكا، اللي وعدوا برده جنوب السودان بسد..خاصة مع سوء الأوضاع السياسية والاقتصادية هناك.. وده يفسر تحركات جنوب السودان، ضد مصر في الأمم المتحدة وأمام مفوضية اللاجئين.. 🔴 عارف برغم كل التحركات والكلام ده، جنوب السودان، لازمه مصر، ومهمة لـ مصر.. ولازم تعود العلاقات قوية معاه.. السياسة مينفعش فيها تجاهل، ومفيهاش حب ولا كره.. فقط مصاااااااالح، وبالتالي لازم نوجد ليهم حل.. برغم إن مصر، ليها تواجد قوي في كل الدول المحيطة بـ إثيوبيا.. 🔴 أه نسيت أقولك، جنوب السودان، فيها من أول السنة 7 محاولات انقلاب فاشلة.. 🔴 خبر إنهاء الوجود العسكري المصري في جنوب السودان، جاي عاجل من جنوب السودان، منشور في الصحف المحلية، لجنوب السودان، وناقلاه صحف إثيوبيا، ونقلاً عن مصادر صحفية من جنوب السودان، يدعو الأمر إلى الإنهاء الكامل لجميع الأنشطة العسكرية المصرية في المنطقة. 🔴 لم تُصدر مصر أو جنوب السودان أي تعليق رسمي على هذا التطور أو توضيح للأسباب الكامنة وراء هذه الخطوة.. ولا تأكيد ولانفي.. 🔴 منطقة جوت، الواقعة في ولاية أعالي النيل قرب الحدود الإثيوبية، ذات أهمية استراتيجية لمصر في السنوات الأخيرة نظرًا لقربها الجغرافي من إثيوبيا والنزاع الأوسع نطاقًا حول مشروع سد النهضة على نهر النيل. 🔴 يرى المحللون أن هذا القرار قد يُشير إلى ترتيبات سياسية أو عسكرية جديدة داخل جنوب السودان، أو يعكس تحولات في التفاهمات الإقليمية بين دول حوض النيل. كما يُثير هذا القرار حالة من عدم اليقين بشأن مستقبل التعاون العسكري والأمني بين القاهرة وجوبا، في ظل تصاعد التنافس الدولي والإقليمي في القرن الأفريقي. #خمسينة_اقتصاد #مصر #السودان #إثيوبيا #جنوب_السودان

massipress's tweet photo. خبر مهم جدًا✋
جنوب السودان يُغلق قاعدة عسكرية مصرية إستراتيجية قرب الحدود الإثيوبية
((صحافة إثيوبيا تدعي))

🔴 تقارير صحفية، جاية من جنوب السودان، وإثيوبيا، بتكشف إن "سيلفا كير" رئيس جنوب السودان، بنفسه، أمر بإغلاق قاعدة عسكرية مصرية في منطقة جوت بولاية أعالي النيل، منهيًا بذلك الوجود العسكري المصري قرب الحدود الإثيوبية، في خطوة قد تُعيد تشكيل ديناميكيات الأمن الإقليمي في شرق أفريقيا.

🔴 الخبر متداول على نطاق واسع هناك، ولا فيه تأكيد ولا نفي، من الجهات الرسمية هنا ولا هناك.. لأ، ده حتى مفيش تأكيد، إن كان مصر ليها قاعدة هناك، ولا مجرد تمركز..

🔴 الخبر ده بيجي في وقت، العلاقات بتسوء، أو بيُسوق لها إنها بـ تسوء بين مصر وجنوب السودان.. وبرده بيجي في وقت فيه اقالات جماعية، من سيلفا كير، رئيس جنوب السودان، لقادة في الجيش ومسؤولين في الدولة هناك،ده شال قائد الجيش الأسبوع اللي فات.. ومعظمهم رافض لـ سياسات سيلفا كير تجاه مصر، اللي هي إبتزاز وعداء تحت بند المصالح، من أول وعد مصر ببناء 2 سد على فرع النيل في جنوب السودان، ده اتفاق من 3 سنين.. وده مشروع قطعت بيه مصر الطريق على إسـ.ـرائـيل وأمريكا، اللي وعدوا برده جنوب السودان بسد..خاصة مع سوء الأوضاع السياسية والاقتصادية هناك.. وده يفسر تحركات جنوب السودان، ضد مصر في الأمم المتحدة وأمام مفوضية اللاجئين..

🔴 عارف برغم كل التحركات والكلام ده، جنوب السودان، لازمه مصر، ومهمة لـ مصر.. ولازم تعود العلاقات قوية معاه.. السياسة مينفعش فيها تجاهل، ومفيهاش حب ولا كره.. فقط مصاااااااالح، وبالتالي لازم نوجد ليهم حل.. برغم إن مصر، ليها تواجد قوي في كل الدول المحيطة بـ إثيوبيا..

🔴 أه نسيت أقولك، جنوب السودان، فيها من أول السنة 7 محاولات انقلاب فاشلة..

🔴 خبر إنهاء الوجود العسكري المصري في جنوب السودان، جاي عاجل من جنوب السودان، منشور في الصحف المحلية، لجنوب السودان، وناقلاه صحف إثيوبيا، ونقلاً عن مصادر صحفية من جنوب السودان، يدعو الأمر إلى الإنهاء الكامل لجميع الأنشطة العسكرية المصرية في المنطقة.

🔴 لم تُصدر مصر أو جنوب السودان أي تعليق رسمي على هذا التطور أو توضيح للأسباب الكامنة وراء هذه الخطوة.. ولا تأكيد ولانفي..

🔴 منطقة جوت، الواقعة في ولاية أعالي النيل قرب الحدود الإثيوبية، ذات أهمية استراتيجية لمصر في السنوات الأخيرة نظرًا لقربها الجغرافي من إثيوبيا والنزاع الأوسع نطاقًا حول مشروع سد النهضة على نهر النيل.

🔴 يرى المحللون أن هذا القرار قد يُشير إلى ترتيبات سياسية أو عسكرية جديدة داخل جنوب السودان، أو يعكس تحولات في التفاهمات الإقليمية بين دول حوض النيل. كما يُثير هذا القرار حالة من عدم اليقين بشأن مستقبل التعاون العسكري والأمني بين القاهرة وجوبا، في ظل تصاعد التنافس الدولي والإقليمي في القرن الأفريقي.

#خمسينة_اقتصاد
#مصر #السودان
#إثيوبيا #جنوب_السودان

291

محمد أبوعاصي

@massipress

3 months ago

المهنة العظيمة✋ 🛑 من أهم المهن اللي بتعكس شخصية الدولة، ومستوى وعي وفكر شعبها، ونضخ إدارتها، وجهازها الإداري، وقوة حكومتها، ورؤية نظامها السياسي، ومدى رقي وجمال فنها، وكمان مدى وطموح المهن الإبداعية التانية.. 🛑 هو مهنة الجمال، بين قوسين "عامل النظافة"🛑 🛑 لو بـ أيدي كنت خليت مرتب عامل النظافة، هو الأعلى، بين الوظائف الحكومية.. وكنت حطيت عليه 100 رقيب ورقيب.. ويتكرم سنويًا من رئيس الدولة..ويكون ليه أقوى معاش، وأقوى أجهزة وإمكانيات، وأقوى تأمين صحي.. ده انا أديله سلطة الضبطية القضائي، للي يرمي ورقة في الشارع.. 🛑 الراجل ده هو واجهة البلد، وبيطبخ واجهة البلد.. هو الشارع لما يبقى نضيف ومرشوش، ومتشجر، شجر وورد، وريحته حلوة، ومُرتب، هيجي مـ.ـرض، ولا هنُتهم بأننا شعب مش نضيف، ولا هتلاقي دكتور بيروح شغله وهو معكنن، ولا رسام ولا فنان، يبقى متنرفز وهو بيشتغل.. كنت هتلاقي البلد كلها بلكونة ورد.. وبيوت متجدد دهانها، وشوارع مرتبة، ومنظمة.. والله ده هيفرق في نفسيتنا، وفي انتاجيتنا وشغلنا، الشغل بمزاج أحسن من الشغل المسلوق.. 🛑 براميل وصناديق الـ.زبـالة في الشارع، ده معناه دولة مرتبة منظمة منضبطة، مش تحطها الصبح، تتسرق بعض الضهر.. 🛑 ده غير بقى إن ولامؤخذة "الزبالة" دي كنز.. كنز مهم جدًا، لو نعرف قيمتها هنـ.ـتقـاتـ..ل أننا نشتغل فيها ((( السيدة يسرية لوزة ساويرس))) والدة رجل الأعمال نجيب ساويرس من أكبر المستثمرين في مصر في القطاع ده، وشغالة في دول بره مصر، فيها دول بتستوردها.. ويُعاد تدويرها، دي بيزنس بمليارات الدولارات.. 🛑 مهنة عامل النضافة، ده دليل على قوة وسيطرة الدولة، وكمان نجاح هي وصلت بإدارتها، وإحترام نظامها لأنهو مستوى، في العمل الحكومي. 🛑 مهنة عامل النضافة، هي مهنة قادرة تدمر كل اللي أنت شايفه من جمال، وتداريه، وقادرة في نفس الوقت تكون الريشة اللي تلمس القبح وتحوله لجمال.. وتبقى بلدنا لوحة، نشوفها أعصابنا ترتاح.. 🛑 إحنا بقى في مصر، عندنا مشكلة نضافة، ولازم الأحياء تسلك وتنضف، وتبدأ تحلها، وياريت السادة المحافظين، يهزوا طولهم وينزلوا كل شارع رئيسي وجانبي، وكل حارة، ويشتغلوا بحزم.. رئيس الدولة 24 ساعة في الشارع، وكذلك رئيس الحكومة.. أما المحافظ، فقاعد في المكتب، عضمه سوس من التكييف، وكذلك رؤساء المدن والأحياء، وأغرب حاجة تلاقي الموظفين بيألهوه..وينادوه معالي السيد الوزير الحاكم العام المحافظ!!!!! وفي الأخر يتمسك بــر.ـشـ.وة.. 🛑 إحنا اللي بنعمل الأ..صـ.نــا..م.. لأ ونعبدها.. 🛑 ياريت من النهاردة، نراعي المهنة دي، وناخد بالنا من مستوى نضافة شوارعنا.. وبيوتنا.. النضافة حلوة، وبتريح البال والأعصاب، وبتوفر فلوس هدر، وبتزود إيرادات..وبتدي الصورة الصحيحة عننا.. إحنا بلد سياحي في المقام الأول، بترولنا هو السياحة.. فلازم نتاجر في الجمال، ميكونش ده مستوى شوارعنا.. #خمسينة_اقتصاد #مصر

354

محمد أبوعاصي

@massipress

3 months ago

ناس كتيرة، مستغربة ومشيها مستغربة، بحضور رئيس حكومة مصر الدكتور مدبولي، حفل تنصيب رئيس جيبوتي إسماعيل عمر جيله.. 🛑 الخبر ده مهم، والحضور المصري لجيبوتي، أهم فوق ما تتخيل.. جيبوتي اللي مصر أخدت مينائها الرئيسي حق انتفاع، وطريق الواصل لـ إثيوبيا حق انتفاع برده بعد تطويرة.. عن طريق جيبوتي، مصر أمسكت برئة إثيوبيا عن طريق جيبوتي✋ 🛑 أهم حاجة بتحصل في المرحلة الحالية فعلًا، هي عودت مصر لأفريقيا بقوة.. سنين طويلة كان فيه نوع من البُعد أو ضعف التواصل، وده خلى دول كتير تدخل تتمدد في القارة وتبني نفوذ اقتصادي وسياسي كبير.. 🛑 مصر بدأت تتحرك بعقلية مختلفة تمامًا.. 🛑 النهاردة مصر مش بس بتتكلم عن أفريقيا في المؤتمرات، لأ، دي بقت موجودة على الأرض: ⭕️ طرق ومشروعات وبنية تحتية ⭕️ تعاون اقتصادي وتجاري ⭕️ ربط كهرباء وطاقة ⭕️ تدريب وتعليم ومنح للطلاب الأفارقة ⭕️ تعاون أمني وعسكري لمواجهة الإرهاب ⭕️ وحضور سياسي قوي في كل الملفات المهمة 🛑 الأهم من ده كله إن مصر بدأت ترجع فكرة “الشريك” مش “الضيف”. ودي نقطة فارقة جدًا، لأن أفريقيا بالنسبة لمصر مش مجرد عمق جغرافي، دي عمق استراتيجي وتاريخ ومستقبل كمان.. وفرصة اقتصادية، ونجاة لـ اقتصادها.. 🛑 كفاية تبص على التحركات المصرية في دول حوض النيل، والاهتمام بالموانئ والربط البري، وحجم الزيارات والاتفاقيات اللي حصلت آخر كام سنة… هتفهم إن فيه رؤية حقيقية لبناء نفوذ مصري محترم داخل القارة. 🛑 أفريقيا دلوقتي بقت واحدة من أهم مناطق النمو في العالم، واللي هيكون موجود ومؤثر هناك النهارده… هو اللي هيكسب بكرة اقتصاديًا وسياسيًا. ومصر عندها كل المقومات إنها تكون لاعب رئيسي: ⭕️ موقع جغرافي قوي ⭕️ جيش قوي ⭕️ خبرة سياسية ⭕️ شركات قادرة تنفذ مشروعات ضخمة ⭕️ وثقل تاريخي محدش يقدر ينكره عودة مصر لأفريقيا مش رفاهية… دي ضرورة، وتأخرنا فيها كتير، ولما اتأخرنا خسرنا. #خمسينة_اقتصاد #مصر #جيبوتي #اثيوبيا #إثيوبيا #السودان

211

محمد أبوعاصي

@massipress

3 months ago

الخليج يشتعل!! ماذا فعلت مصر؟! 🔴 الدنيا مقلوبة في الخليج، على زيارة الرئيس المصري، السيسي لـ الإمارات، ولقاء الشيخ محمد بن زايد، والكشف عن تواجد الجيش المصري، في الإمارات، بـ الذراع الطولى، القوات الجوية المصرية، اللي مهامتها أه دفاعية عن الإمارات، لكن لازم تعرف إن سلاح الجو في المقام الأول هو سـ.ـلاح مهمتها الأساسية، الهجـ.ـوم..ودي فيها رسالة، إن إحنا أه موجودين للدفاع، وبرده الهجوم لو الأمور ساءت.. وعلى فكرة ده مش كلام، بدليل إن كتير كان فاكر "مسافة السكة" مجرد كلام ووعد للإستهلاك.. لكن ما علينا من كل ده.. 🔴 بس خد بالك، مصر اللي رفضت إنها تدخل في حرب عبثية في ليبيا ولا السودان، ولا تستنزف في غزة.. أكيد مش هتتورط في حرب مع إيران..لكن مصر عندها مصطلح إسمه دبلوماسية الجيش، يعني دبلوماسية القوة..يعني مجرد وجودي ده مبرر كافي إن دي منطقة نفوذي، مينفعش تقرب منها.. 🔴 ردود فعل الشارع المصري والشارع الخليجي، وبالتحديد الإمارات، اللي صحافتها والسوشيال ميديا فيها، ومؤثريها رافعين شعار "مش هتشوفونا إلا مع بعض ومصر فوق الرأس".. الردود دي بتستلزم وقفة، لأن الزيارة البارح، كلها رسايل.. أهم رسالة إن مصر لديها مسؤولية، وإنها قادرة على موازنة أمن الخليج، وإن مصر لديها مسؤولية تاريخية في الخليج.. وبالتالي مينفعش تشوفونا إلا مع بعض، ومينفعش نكون إلا مع بعض.. 🔴 "إعلان مصر الدعم العسكري لـ الإمارات" جه في وقت، هناك من يسعى تخريب العلاقات بين البلدين، مصر بتدعم كل الأشقاء في الخليج..اللي كان بيشكك في قدرة مصر على حماية عمقها العربي، محتاج يراجع حساباته! 🔴 السؤال المهم.. فوق رسالة الدعم والردع، ليه زار الرئيس السيسي الإمارات؟! زيارة الرئيس السيسي لـ الإمارات مش بس أخوية، لكنها زيارة مصيرية في الكواليس!! 🔴 الحرب رايحة إنها تبقى حرب بين الإمارات وإيران..النسخة التالتة من اللعبة: 🔴 أصل النسخة الأولى، كانت حرب سنية شيعية، بين الفرس والعرب، يوم ما إيران ضربت 6 دول خليجية، ومعاها سوريا والعراق والأردن ولكن اللعبة فشلت.. ومصر فرملتها.. 🔴 النسخة التانية، كانت حرب سنية شيعية، برضو على وقع حرب إيران ودي عن طريق سنة سوريا، وشيعة لبنان، يوم ما هيئة تحرير الشام في سوريا تشتبك مع حزب الله في لبنان بس اللعبة فشلت..ومصر فرملتها.. فشلت في المرة الأولى بسبب النصيحة المصرية، لـ دول الخليج العربي، في المرة الأولى، بعدم المشاركة في الهجوم على إيران وممارسة الحق الشرعي في الدفاع عن النفس فقط.. 🔴 وفشلت في المرة التانية، بسبب النصيحة المصرية لـ الرئيس السوري أحمد الشرع، بأن أمريكا وإسرائيل هيشجعوك على الاشتباك مع حزب. ا.لله في لبنان وبعدها هيبيعوك ويسيبوا سوريا تتغربل بـ صواريخ ومسيرات إيران، زي ما بيحصل دلوقتي في 6 دول خليجية.. 🔴 النسخة التالتة هي الأصعب.. لإنها بتركز على دولة واحدة، والدولة دي .. الامارات العربية المتحدة، اللي في الأساس بتاخد النصيب الأكبر من الضربات الإيرانية من أول يوم في الحرب في 28 فبراير 2026 .. 🔴 إيران باسم القضية الفلسطينية، ضربت الإمارات أكتر ما ضربت إسرائيل أو أمريكا في خليج عمان وبحر العرب.. الأزمة في ضربات إيران على الامارات إنها بتجبر الامارات على الرد، لكن العدوان له هندسة اقتصادية الغرض منه خنق اقتصاد الامارات وهدم تجربة الامارات.. 🔴 وقف اطلاق النار شغال من 9 أبريل، ولكن حصل عدوان إيراني على الإمارات يومي 4 و 5 مايو، العدوان مكنش عشوائي ولكن كان على ميناء الفجيرة وميناء خورفكان والمناطق اللى بتخدم عليهم... الإمارات معدتش قادرة على الاستيراد والتصدير، عبر سواحلها في الخليج العربي، ولكن قادرة على كدا عبر سواحلها اللى برا مضيق هرمز واللى غلق المضيق مش هيأثر عليها وهى السواحل المطلة على خليج عمان .. بنتكلم عن إمارة الفجيرة وخورفكان التابعة لـ إمارة الشارقة.. 🔴 يعني ميناء الفجيرة وميناء خور فكان، هما الرئة اللى بتتنفس منها الامارات السبعة دلوقتي بعد الغلق الإيراني الأمريكي، لمضيق هرمز.. 🔴 الرسالة إن مصر بتعود لدورها التاريخي، والجيش المصري بيعود لدوره التاريخي، حماية الجزيرة العربية، اللي هي جزء من الأمن القومي المصري.. مصر دولة لا تعبث بالسـ.لاح، ورشيدة.. وتعلم كيف تدير أمورها.. تابعونا على خمسينة اقتصاد #خمسينة_اقتصاد #مصر #الإمارات #إيران #ايران

محمد أبوعاصي

@massipress

3 months ago

واحد من أخطر الأخبار اللي ممكن تقرها النهاردة..ماهو مش كل ما يعرف يُقال✋✋ إعلان رسمي.. رسميًا.. الإمارات تُعلن الشيخ محمد بن زايد و الرئيس السيسي زارا مفرزة المقاتلات المصرية المتمركزة بـ الإمارات للاطلاع على الجاهزية.. من أول يوم في حـ.رب إيران وكل صحفيين مصر عندهم المعلومة دي، والموضوع أكبر من الطيران.. القصة كبيرة حضرتك.. كده الخليج بيكشف أول بنود الدعم المصري.. #خمسينة_اقتصاد #مصر #الإمارات #إيران #ايران

محمد أبوعاصي

@massipress

3 months ago

صفقة مصر والجزائر..إيه اللي بيحصل في الكواليس؟! 🔴 الخبر ده بدأ ينتشر، من ساعات، تزامنًا مع زيارة وزير البترول المصري، لـ الجزائر لتوقيع اتفاق من شأنه تعويض مصر امداداتها من الغاز.. بين قوسين بنأمن امدادات الغاز الطبيعي لمصر، مع توتر سلاسل الإمدادت، المصرية، لـ الغاز القادم من الخليج، من الكويت وقطر على وجه التحديد..اللي اتأثرت بسبب حرب إيران.. 🔴 الخبر، نشرناه في خمسينة اقتصاد فيأكتر من فيديو صفقة مصر والجزائر الكبرى، من حوالي، سنة وأخرها فيديو من 5 أشهر، وإن الجزائر بالفعل بتمد مصر طوال السنة ومن قبلها، بـ احتياجاتها العاجلة (شحنات عاجلة وفق الطلب، مش بعقود دايمة) من الغاز وفق "اتفاق استراتيجي" اللي بيوقع النوعية دي من الاتفافات مش الحكومات، أكيد عرفت مين، وكمان النوعية دي من الاتفاقات بتفضل دايمًا، مجرد تسريبات، مش بيكون من مصلحة الدول إعلانها، إلا لو وقعت في إيد صحفي زي حالاتي كده، مش بيكتم على أي حاجة😁 🔴 النهاردة، فعلًا مصر بتسعى إن الاتفاق ده، يُوقع رسمي، يكون تعاون حكومات، ودفعات دائمة لـ مصر، وللعلم الجزائر مرحبة جدًا، ومأمنة حصة لـ مصر.. 🔴 على فكرة الصفقة أكبر مما تتخيل.. اللينك أول كومنت👇👇 🔴مفيش بقى برافووو لـ خمسينة اقتصاد وفرق الاقتصاد والشأن الدبلوماسي فيها، اللي جابوا الخبر ده من سنة..ومين سمعه مننا؟! كواليس أكتر جديدة..بنجبها دلوقتي من الجزائر،انتظرونا خلال ساعات✋✋ وشوف الحلقة دي https://t.co/2Lfd9xwnK1 #خمسينة_اقتصاد #مصر #الجزائر

337

محمد أبوعاصي

@massipress

3 months ago

اعتذار سوريا لـ مصر.. لكن بشكل يعني إعتبره شيك😁 لتعزيز العلاقات مع مصر..سوريا تُعلن إطلاق اسم "الفريق عبد المنعم رياض" على شارع بحمص.. مفيش حاجة في السياسة، صدفة، حتى اللعب بورقة تغيير أسماء الشوارع👌 وزير الخارجية السوري، كان في زيارة لمصر، ونقل لـ وزير خارجية مصر، قرار مجلس مدينة حمص السورية، عن إجراء تعديلات جديدة على تسميات عدد من الشوارع الرئيسية فى المدينة، وتضمنت القرارات إطلاق اسم "الفريق عبد المنعم رياض" على الشارع الموازي لشارع القاهرة، والمتقاطع مع شارع قاسم أمين.. 3 شوارع مرة واحدة، لـ مصر؟! كل ده وعشان نغير موقفنا، ونمجد في النظام إياااااااه.. للدرجة دي اعتراف القاهرة معاكم يفرق✋✋ #خمسينة_اقتصاد #مصر #سوريا #إيران

136

محمد أبوعاصي

@massipress

3 months ago

عااااجل✋ إيران تُعلن ضرب فرقاطة أمريكية خلال دخولها مضيق هرمز..والحرس الثوري يُعلن إطلاق صواريخ على المضيق. الحـ.ـرب بتعود مرة تانية✋ #خمسينة_اقتصاد #مصر #إيران #ايران

183

محمد أبوعاصي

@massipress

3 months ago

خناقة بدأت… وكنا ناقصينها فعلًا! اتنين قلبوها شغل استقطاب رخيص..واحد بيهلل للشيعة، والتاني بيطبطب للسنة، وكأننا في فيلم عربي مكرر ومحفوظ! واضح جدًا إن فيه محاولة لجر الناس لفتنة طائفية. اللعبة القديمة اللي حاولت تلعبها إسرائيل وأمريكا قبل كده، وما نجحتش. فاكر لما بنيامين نتنياهو كان بيتكلم عن “الهلال الشيعي” ومواجهة المحاور السنية، قبل حرب إيران علطول؟ الفكرة عمرها ما كانت دينية بحتة، الفكرة دايمًا مصالح ونفوذ.. السيناريو واضح: يشعلوا صراع سني-شيعي، بعد ما فشلوا يعملوه عرب ضد فرس، أو خليج ضد إيران.. والنتيجة؟ الكل يخرج خسران، مُنهك، وضعيف، وسهل السيطرة عليه. الغريب بقى… إن لسه فيه ناس بتقع في نفس الفخ! مع إن اللي بيصدروا المشهد أصلًا، مش أهل ثقة من البداية. #خمسينة_اقتصاد #مصر #إيران #ايران

محمد أبوعاصي

@massipress

3 months ago

@Khalil93616607 منورة بالحلوين تسلم أوووي ومنورني دايمًا

محمد أبوعاصي

@massipress

3 months ago

الصحافة الإسـ.ـرائيلية بتغلي حرفياً، والسبب؟ المناورات المصرية اللي بقت بتتعمل من "المسافة صفر" على الحدود. إحنا دلوقتي بنسمعهم صوت ضرب النار في غرف نومهم.. الموضوع مش شوية عساكر وتدريب وخلاص، ده استعراض قوة، وفرض سيطرة، وتغيير أمر واقع بالمللي. ✋ 🔴 إسـ.ـرائـيل مش مستوعبة: ميزان القوى اتقلب حرفياً حضرتك. هما دلوقتي في أضعف حالاتهم بسبب تورطهم في مغامرات أمريكا، وأدوار وظيفية استنزفت جيشهم وأرهقت ميزانيتهم. هما محتاجين مش أقل من 10 سنين عشان يرمموا ترسانتهم العسكرية، ده غير آلاف الجنود اللي بقوا نزلاء في المصحات النفسية. النهاردة، الكفة بتميل بوضوح لـ "القاهرة". 🔴 "كامب ديفيد" بقت في صالحنا: تل أبيب أدركت إن المعاهدة بقت "حبر على ورق" وأنها كانت مجرد "هدنة طويلة الأجل" مصر استغلتها صح جداً. هما دلوقتي مضطرين يحترموا الاتفاقية، لأنهم عارفين يقينًا إن اللي حاميهم دلوقتي هو "أخلاق مصر" والتزامها بالسلام.. مش قوتهم هما. 🔴 مصر قطب إقليمي: مصر دولة ناضجة، والقدر خدمها إنها تستعيد نفوذها كقطب إقليمي حقيقي. بالصبر وضبط النفس، مصر فلتت من "فخ التوريط" اللي كان منصوب ليها من الغريب والقريب. كل اللي كان بيكيد لمصر نزل درجة واتنين، وإحنا عوضنا كل اللي فاتنا وبقينا دولة "تخوف" عسكرياً وسياسياً.. وعقبال اقتصادياً يا رب. 🔴 خلي بالك من "خيانة الداخل": طالما بقيت دولة تخوف، يبقى المواجهة المباشرة معاك انتـ.ـحار. عشان كده، اللعب الجاي كله هيبقى "مؤامرات وخونة" من الداخل.. هيلاعبوك بالفتن والفرق والقصص عشان يهدوا اللي اتبنى. وطبعاً، أي مغامرة أو تحرك غير محسوب في الوقت ده ممكن يوقع الماتش كله. 🔴 وهنا يجي السؤال الأهم..ليه "المناورة من المسافة صفر" هي أخطر رسالة؟ 1. كسر حاجز "المنطقة ج": لما تعمل مناورات بالذخيرة الحية ودبابات الأبرامز على بُعد أمتار من السلك الحدودي، إنت بتقول لـ "إسـ.ـرائيل" إن القيود الفنية لاتفاقية السلام بقت خلف ضهرنا.، إنت بتفرض "واقع عسكري" جديد بيخلي عمقهم الاستراتيجي مكشوف تماماً لمدفعيتك. 2. رسالة لـ "الداخل الإسـ.ـرائيلي": التقارير العبرية اللي بتوصف المناورات بأنها "استفزازية" هي في الحقيقة رسائل رعب للمستوطنين في الغلاف. مصر بتبعت رسالة إن "جيش المصانع" و"السـ.ـلاح" مش للزينة، دي قوة ردع جاهزة وساعة الصفر فيها في إيد القاهرة لوحدها. 3. "دبلوماسية الخناجر": مصر بتلعب دلوقتي "دبلوماسية خشنة". بتفاوض في غرف أوروبا وبتلعب مصالح مع الصين وبتوازن مع أمريكا، وبتجذب روسيا، وبتهدي اللعب مع إيران، وبترود الخليج، وفي نفس الوقت بتوري "العين الحمراء" على الحدود. ده بيخلي أي حد يفكر يضغط على مصر اقتصادياً يراجع نفسه ألف مرة، لأن تكلفة خسارة "الاستقرار المصري" هي حريق هيأكل المنطقة كلها. 4. فخ "الاستدراج": أخطر حاجة دلوقتي هي "النشوة بالكلمة". إحنا أقوياء فعلاً، بس قوتنا في "عقلنا".. إسرائيل وأطراف تانية هيحاولوا يستدرجوك لمواجهة "دفاعية" تستنزف مواردك الاقتصادية اللي بدأت تشم نفسها، نسبيًا.. 🔴 🔴 رسالة لـ مواطن إسـ.ـرائـيل: كيانك المزعوم بيستغلك، ويدمرك، وميهمهوش مصلحتك، وبيسرق عمرك وعمر ولادك، بسبب أطماع فردية، لرئيس حكومة سارقك وسارق بلدك المزعوم، ودخلك في مغامرات، هتكون حياتك وحياة أسرتك فيها التمن، وعمرك وكمان دخلك.. آن الآوان أنك تعمل ثورة، نسميها "ربيع إسـ.ـرائيل" على حاكم "نتنياهو" في الحكم بقاله حوالي 26 سنة.. وفي النهاية "تحيا مصر" اللي بتتعامل بشرف، في زمن عز فيه الشرف.. 🔴 أه نسيت تعالوا نتفاعل مع بعض هناك على موقع إكس، تويتر، عملنا أكونت ووثقناه كمان.. اللينك أول كومنت👇👇.. وأهو بالمرة نتكلم مع شعب إسـ.ـرائيل المضحوك عليه ونوصل رسايل ليه، وكمان نتكلم مع أشقائنا في الخليج..منظر تفاعلكم هناك .. #خمسينة_اقتصاد #مصر #السيادة_المصرية #جيش_مصر

686

محمد أبوعاصي

@massipress

Last Seen Users on Sotwe

Trends for you

Most Popular Users