𝑀𝑜ℎ𝑎𝑚𝑚𝑒𝑑

[𝑀𝑜ℎ𝑎𝑚𝑚𝑒𝑑 @mbins224]

وإن ضمني قبري يالله سخر لي من يقف بين
يديك ويرجوك رحمة ومغفره لذنوبي

[𝑀𝑜ℎ𝑎𝑚𝑚𝑒𝑑 @mbins224]

نعتذر بـالصمت من كبر الجروح
ونبتسم للحزن لو متنا ألم

وش يفيد البوح لو نبغى نبوح
دام بعض البوح يوصل للندم .

[𝑀𝑜ℎ𝑎𝑚𝑚𝑒𝑑 @mbins224]

جاي بعد غيبة يسأل عن الحال
كنه يقول طاب جرحك ولا ازيده؟

[𝑀𝑜ℎ𝑎𝑚𝑚𝑒𝑑 @mbins224]

عزَّت علي نفسي ولاني بملزوم
أقربك من بعد ما رحت عني

إلى متى في دربك أطيح وأقوم
وأجيك متعني وأرد متعني

ليه أتأمل وأنتظر وصل معدوم
وليه أتمنى وش يفيد التمني

لو إني أدري وش ورا الغيم مقسوم
ما كان حبيتك ولا خاب ظني .

[𝑀𝑜ℎ𝑎𝑚𝑚𝑒𝑑 @mbins224]

يا عذاب اللي هقاويه و احلامه كبار
يحسب الدنيا تراعي شعور الطيبين

مايبي العالم يشوفون فيه الإنكسار
مبستم والأبتسامات من طبع الحزين

[𝑀𝑜ℎ𝑎𝑚𝑚𝑒𝑑 @mbins224]

طويّت صفحة غرامك وانتهى المشوار
وصحيت من حلمٍ أعمى كِنت أداريه

غديت مثل الذي طال الرّجاء ب أسوار
لين أستوعب إن السَراب ما يرويه

ما عاد لي في رجا وَصلك ولا تكرار
قلبٍ عطيته وفاء ما تستحق تشريّه

رح بأمان الكريم ولا تسوق أعذار
الطيب فيك ضاع والوقت يمحيّه .

[𝑀𝑜ℎ𝑎𝑚𝑚𝑒𝑑 @mbins224]

طحت من العين وانطفى نور ذكراك
حتى السلام ان جيت ماعاد يعنيك

مالك في خافقي موطن يبغاك
قلبي طوى صفحة غلاك وماضيك

[𝑀𝑜ℎ𝑎𝑚𝑚𝑒𝑑 @mbins224]

اصعب سؤال يمرني في غيابك
وشو مصيرك يا غلاي ومصيري

اراقب اللي تكتبه في حسابك
مدري انا المقصود او شخص غيري ..

[𝑀𝑜ℎ𝑎𝑚𝑚𝑒𝑑 @mbins224]

بين صدفه جابها العمر و وداعٍ بـ اختياري
ما عرف قلبي يطيع الواقع أو يرضي ضميره

كنت أظن إن مرّت الأيام بـ يْجف انتظاري
ما هقيت إن الأمل يستمطر اليا جف بيره

كيف صارت وحشة الغربه تغنّي في دياري
"ذبلت أنوار الشوارع" وانطفت شبه الجزيره

ودي أقسى ودي أنسى ودي أرسى في مساري
وامسك يدين اليقين اللي تخافه كل حيره

وش على يمناي تتحمّل شقى ، خطوة يساري
وش على القلب يتحمّل صدمة الوهم الكبيره

لـ الليال الذكريات ولـ الصباحات الطواري
وللعبور التضحيات ولـ السنين "البعد خيره"

العمر ما هو مشاورني — ولا رهن لـ قراري
العمر يمضي وسيف الوقت ما يحضن جفيره

[𝑀𝑜ℎ𝑎𝑚𝑚𝑒𝑑 @mbins224]

معاد احب الليل وكره طاري الانتظار
سبحان من يعطي الإنسان شخصيته

ما بين عقلي و قلبي و إتخاذ القرار
انا هذاك البسيط اللي على نيته

كنت احسب العمر ياقف وحنا صغار
واثر العمر فات وانا احتري جيته.؟

لو لا الصبر ماعرفنا لذت الانتصار
لو لا الامل كان باع الشخص حريته

حرارة الشوق و الغربه وبعد الديار
تأثر على الشخص وعصابه ونفسيتة

[𝑀𝑜ℎ𝑎𝑚𝑚𝑒𝑑 @mbins224]

نٰـطوي سنه مـر فيها ضيق وافراح
ونبدا سنه فيها الـعلوم الـسعيده

يالله تـجعل مامضى الـعام يـنزاح؟
ونلقى السعاده في السنه الجديده

[𝑀𝑜ℎ𝑎𝑚𝑚𝑒𝑑 @mbins224]

ليلةٍ جددت ذكرى طوتها الليال
مخلصٍ نية النسيان و ما اللّٰه أمر

أمتنعت الوصل حتى بـ نسج الخيال
و أعتزلت السهر بعدك نديم السهر

ليه أعاتب عيوني حين ما الدمع سال؟
لا شعوري بليد و لا بـ سمعي وقر

ليه من بيننا صرّمت كل الحبال
كان ما هو دلالك لا تجيب الخبر

للجهل لذه .. إن زادت تعوّد هبال
خايف إن الحقيقه تطلع ادهى و امر

ليتك تجود مره باللقا و الوصال
مثل ما ترهي بـ جرحك و طول الهجر

جامعٍ لك كلام و لا لقيت المجال
من ضمَيري لـ سمعك غيرها للقبر

أنت فرصه تجلّت و أقتفاها الزوال
ما أنت فرصه سعيده أنت فرصة عمر

ما يفيد إنتظار و لا يفيد السؤال
اه يا حر كبدي يوم ما لي عذر

ما عشقت المظاهر كثر عشق الخصال
يوم شفت الصباح بـ وسط روحك يقرّ

كل ما أجيك كلي زدت كبر و دلال
سيدي آن وقت ذنوبي إن تغتفر

دربك اللي مشيته لو يكود الرجال
ما يكود الحبيب اللي سعى لك دهر

أعرف العمر دونك يستحق النضال
جعل دمي تحت ماطاك يسفك هدر

[𝑀𝑜ℎ𝑎𝑚𝑚𝑒𝑑 @mbins224]

فمان الله يا عام ودعت فيه أجمل ايامي
فمان الذكرى واحلى ليالي العمر وسنينه
ودعت عام تبعثرت فيه حروفي واقلامي
ودعت عام مات قلبي فيه من كثر حنينه

[𝑀𝑜ℎ𝑎𝑚𝑚𝑒𝑑 @mbins224]

تبي دليل إن غيبتك جابت الخير
شفها بعد فرقاك تمطر علينا

[𝑀𝑜ℎ𝑎𝑚𝑚𝑒𝑑 @mbins224]

عسى سحاب المطر ماتعداك
يمطر على قبرك صبح وعشيّه

[𝑀𝑜ℎ𝑎𝑚𝑚𝑒𝑑 @mbins224]

ماني مخالف على حكم الأقدار
هذا نصيبي بالدنيا وأنا قبلته

ما باليد حيله ولا على كيفي اختار
لكن حظي والقدر ما توقعته

يا اللّٰه لا تحملني فوق ظروفي اضرار
ما بقى هم في حياتي الا حملته

[𝑀𝑜ℎ𝑎𝑚𝑚𝑒𝑑 @mbins224]

من بغى دربك سأل عنه ودلّه

[𝑀𝑜ℎ𝑎𝑚𝑚𝑒𝑑 @mbins224]

ما همني زعلك ولا همني رضاك
أنت بعيوني تعتبر شخص عادي
الذنب ذنبك والخطايا خطاياك
ياما نصحتك وأنت مخطي وغادي
القلب لو حبك بيكره سواياك
حتى وانا افارقك رايق وهادي
يا اللي تنادي قد محى القلب ذكراك
وانا ليا صديت لا تنادي

[𝑀𝑜ℎ𝑎𝑚𝑚𝑒𝑑 @mbins224]

خذ راحتك لا شفت فرقاي راحه
شف وش كثر ودي اخليك ترتاح.

[𝑀𝑜ℎ𝑎𝑚𝑚𝑒𝑑 @mbins224]

إن كان غيري يحن بك . . ويروف
عسى القلـوب تدوم والله يقربّها

ماني بقايل تعال وأمدّلك الكفوف
هذا غلط روحي و لازم أحاسبها

ولا ينشغل بالك ولا يلحقك خوف
وأشواقي إليّا جات والله لا اكذبها

صحيح قلوبنا عميّا ما تشوف
" لكن تحس بخاينة حبايبها ".

[𝑀𝑜ℎ𝑎𝑚𝑚𝑒𝑑 @mbins224]

وداعًا و الوداع آخر قرارٍ ياخذه راعيه
وينهّي قصة أحلامه من أولها لتاليها

عن كبار الحسايف و جروح ليه و ليه
على الدنيا السلام بكل منها وما فيها