باسل الكسار

طيّب لو الوقت ماسوّا معي طيّب

أنا أحب الشّعر لأنه قادر على أنه يكْتبك
#انت_انت

[باسل الكسار @mdryqh8]

لو تخْجل الأيام من راعي الطّيب
ماراح في نفس الكريم العطِيّه
و لو كل رجالً يعرْف المواجيب
ماصار بالدنيا علومًا رديّه !!

لوالدي #نواف_كسار_الجزاع

[باسل الكسار @mdryqh8]

اللي يتيه القايله من يقدّيه ..

[باسل الكسار @mdryqh8]

@mshl_77 دقّر مخي للأمانه لين شفت تعليق نوفمبر ، فعلاً طلعو بتاريخ ١٢/١ 😂❤️

[باسل الكسار @mdryqh8]

@WimShakespeare على هالسالفه طرا علي بيت شعر
يقول:

لو كل دقّه علمتني بدنياي
مافيه درس بدنيتي ماحفظته

[باسل الكسار @mdryqh8]

@WimShakespeare عن نفسي أنا احب امشي مع الشخص الين الآخر و أثق به ثقه عمياء اذا كان الشخص يستحق طبعاً
و اذا انخذلت اقول كل دقه ب تعليمه
و ما أتوب و ارجع اكرر نفس الغلط اللي هو (رفع سقف التوقعات والهقاوي الكبيره)

[باسل الكسار @mdryqh8]

@WimShakespeare أتجنّب مصادقة شخصً ما و اذا واجهته في الماضي الذي عدت اليه سوف أقطّع النّعل على راسه واقول له لابوك لابو الكلب

[باسل الكسار @mdryqh8]

وطن وطن .. وطن وطن وارتفع فوق
ايه ارتفع والجمل .. سان الحسودي

بحْقوقنا وافي .. و له عندنا حْقوق
و من ينكر أفضاله ؟ يهودي يهودي

سوا سوا نبني من .. أجسادنا طوق
نهوى الشهاده .. مانخون العْهودي

حنا حزامً له .. لعدواننا عوق
ماننكسر مطلاعنا .. به سْنودي

و لو أكتب ب حب الوطن .. ألف طاروق
ما أوفِّي حْقوقه .. حْقوقه تزودي

ياخي سعودي .. يعني انك كذا 👍🏻 فوق
يحق لك دامك .. مواطن سعودي ..!

أبيات كتبها الشاعر
#نايف_كسار_الجزاع أثناء مشاركته في برنامج قصيدة التحدي عام 2009

~

#الملك_سلمان
#السعوديه_العظمى
#السعوديه

[باسل الكسار @mdryqh8]

من القصائد القريبه إلى قلبي 🤍🤍

~

-

لازم تغامر لاجل .. يتغير الحال
و ان كان ماغامرت .. ياشين حالك

قم سوقها قدام .. ياطيّب الفال
والرزق عند الله .. والعزّ فالك

ياصاح قل المال .. ملعون ابو المال
ماينفعك هالوقت .. عمّك و خالك

لو كنت تملك لك .. عقارات و أموال
و لو كنت تملك .. كل سبْع المَمَالك

(و مالك مع أهل الطيب .. زينات الأفعال؟
غِناك فقرك .. لو يدوم الغِنى لك)

تعزف لي الدنيا .. وأنا اقول موّال
صابر لو اني من .. عنى الوقت هالك

و يالله يارحمن .. ياعالم الحال
يامستجيب لْ عبْد .. صلّى و دعى لك

تغفر لكل مسلم .. ليا جات الأهوال
ياربنا نرجيك .. جلّ جلالك

ومانملك إلا أحلام .. و آلام و آمال
و ان مال فيك .. الوقت ميّل عقالك

وقم سوقها قدام .. ياطيّب الفال
والرزق عند الله .. والعزْ فالك

ولاتشتكي لامن .. غدا الوقت ميّال
أبيات فيها .. و اكتب اللي جرى لك ..!

#باسل_الكسار
#قديم

[باسل الكسار @mdryqh8]

هذه كانت أوَّل قصيدة قُمت بكتابتها ، كتبتها أول أيام عيد الأضحى سنة 2017

..

عزي لرجلن .. دايم الدوم مقرود
ضامه زمانه .. ياقساوة زمانه

موجود بالدنيا .. ولاهو بموجود
قوي بشْعوره .. وسطوة كيانه

فقير لكن يعرف .. الجود ويجود
وبينه وبين العفن .. مابه ميانه

يطري عليّه بيت .. والعالم ارقود
ليه الرّدي اليوم .. عالي مكانه

وليه الأوادم بين .. حاسد و محسود
والذّيب ليه الوقت .. ماعزْ شانه !

والناس صار المال .. يْقودها قود
والكفو كفو .. ولاهو يرضى الإهانه

ياصاحبي بعض العرب .. مابها زود
وبعض العرب .. ماهي تصون الأمانه

#باسل_الكسار
#أكتُب_لِنفسي

[باسل الكسار @mdryqh8]

ماذا تقول لِأحدهم؟؟؟

عزتي لك كان حالك جايزاً لك. .

[باسل الكسار @mdryqh8]

أشعر اني في أفضل نسخه منّي

[باسل الكسار @mdryqh8]

اكتب #بيت_يمثّّلك

إن قصروا فيك .. سدينا ولا يهمك
وإن جو على هقوتك حنا انتعداها

~

أتحفونا ياجماعه ب أبيات تمثلكم او تحسون انها تشبهكم !

[باسل الكسار @mdryqh8]

فاقدٍ لي شخص مدري فاقدٍ نصف العزيمه
واحدٍ لو ترجع الدنيا ورى ماهوب راجع

لشاعرها

[باسل الكسار @mdryqh8]

فعلاً انبسط واستانس والدنيا بخير و عيش اللحظه.

[باسل الكسار @mdryqh8]

(عطاني جنبيّته عشاني قلّطته في مخيمي)

في أحد أيام رمضان المبارك عام ١٤٣٩ هـ
كنت في محافظة رماح التي تبعد عن الرياض 100 كيلو و بعد السحور و عندما أذّن المُؤذّن صلينا وبعدها كنت ذاهب إلى المنزل استوقفني 5 اشخاص على هايلكس غمارتين قالوا لي
(وين الاسطبلات نبي نركب خيل)
مع العلم ان الاسطبلات لايستقبلون الناس لركوب الخيل ، عموماً
قلت لهم الحقوني مخيمي قريب من هنا ، وبالفعل لحقوني و بغيت اغرّز فيهم ههههه لان الطريق للمخيم وعر بعض الشيء
المهم
وصلنا المخيم و استقبلتهم
وقلطوا
و ركبوا الخيل و انبسطوا وأخذو راحتهم عالآخر
زبدة الموضوع ان الشباب طلعو من نجران و قبل يمشون حلف علي السواق يمين و دين اني آخذ جنبيّه معه بالسياره و كانت الجنبيه كبيرة الحجم بعض الشيء و اول مره اشوف زيها صراحه مميزه للغايه
وطلعت باهضة الثّمن يعني بحدود 8 آلاف ريال أعتقد

و فيه واحد منهم ضيع اثباته بالمخيم
طاح منه لما ركب الفرس
و ضلينا ندوره للساعه ١٠ وللأسف مالقيناه

عموماً الحمدلله الذي جعلني أمثّل قبيلتي خير تمثيل في استقبالي لهُم ،،

ختاماً كان مافعلته بفضل الله تعالى وتوفيقه وتيسيره

وشكراً للقراءة دُمتم بخير 🤍.

[باسل الكسار @mdryqh8]

@Salmes96 ابو صلوح اسأل الله ان يرزقني أموالاً عدد حُبك لميسي
تقبل مروري 🌹

[باسل الكسار @mdryqh8]

صبباح الخير
صباح الورررد
صباح الأمل

حبّيت اصبّح عليكم بالخير و اقول لكم هالبيت اللي يعطي دفعه معنويه على الاستمرار بالحياة

يقول:
خل الأمل يرْسم لنا صوره جميله للحياة
رغم الألم رغم العنى والهم والحمل الثقيل

و قال الشاعر نفسه ايضاً:
ماضاقت الا به فرج يطرد الضِّيق
مابه فرج لو كان مافيه ضيقه !!

لذلك باسل الكسار و من خلال صفحته الرسميه يقول لكم ابتسموا و عيشوا اللحظه والأيام الحلوه جايه ، تطمنوا ..

[باسل الكسار @mdryqh8]

قم وانهض كْتوفك ترا عزّك يديك
لابُد ماينْهض .. جنابك جنابك

لوالدي #نواف_كسار_الجزاع