حايل دياري

[حايل دياري @me45me44]

عن دبرة اللي دبّر الكون والخلق
مالك عن اللي قدّر الله وأراده
بأمره فلق نصف البحر بالعصى فلق
ماتعجزه نصرة تقي من عباده

[; @merhmrooh]

كانك معاديني على شان خالي
خالي على ربعه مثل حيد سنجار
مادورو بين الجماعه حثالي
اسأل وتلقى علمهم عند الاخيار

[حايل دياري @me45me44]

للنفس شف وشفها باعتدال الجو
وصار اعتداله حول ستين بالميه
وشوف السحاب ليا استخال وتراكم نو
وقت الضحى والّا على وقت عصريه
ترجع بي الذكرى على اللي معي كانو
واليوم لاكانو ولاهي بمنسيه

[حايل دياري @me45me44]

أعاملك بالوفاء والطيب
مانلحقه بالردا شيمه
واليوم جنبتها تجنيب
ندرا رداها و تاثيمه

[حايل دياري @me45me44]

مشيتها لاكنها مامشتلي
قامت وعجزة لايسيرن الأقدام
سايست عسفيله ولاسانعتلي
عجزت لاتمشيبي وراها وقدام

[حايل دياري @me45me44]

الله يديم أهل الوفاء والمناعير
ياسعد منهم له على الميل عونه
جتنا علوم الطيب من دون تاخير
وحقٍ علينا مثلكم يشكرونه
كفيت وأوفيتو ولامنك تقصير
عسى مثل شرواك مايفقدونه
واقبل تحياتي معزه وتقدير
والمعذره عن قدركم جيت دونه

[حايل دياري @me45me44]

ماكلفن ربي على كل منقود
من جاهلٍ عرفه عن الطيب غادي
الطيب ميزانه بالأفعال وجهود
تَكْرم به اللي يعرفون المبادي

[حايل دياري @me45me44]

من لاوطى جمر الغضاء تحت ملّه
غطاه ذاري من هبوب السوافي
يشوف انك على فرش زله
ماذاق حر جروح قلبٍ خوافي

[حايل دياري @me45me44]

ترا الصمت ماهو صمت للفاهمه تعبير
من ياصله وصل الحدود. النهائيه
هاذي نتايج ضغط ماهي نتايج خير
الخير ماضيَّق صدورٍ شماليه

[حايل دياري @me45me44]

انتم السابقون ونحن أنشاء الله بكم لاحقون

عندما يرفهه الواحد عن نفسه مع أولاده اوزملاؤه
باي وسيلة كانت كثر التعليق من فراغ على المتقاعدين
وهم أمضى جل حياته بخدمة وطنه ورعاية ابناؤه
فلهم منا كل التقدير والاحترام وليس التعليق

[حايل دياري @me45me44]

الوقت ماهو وقت ونسه وتغريد
وهمومنا تشبه مزون المخيله
منشاه منَّا وانتثر وبلها ٠٠٠ كيد
وحله على من حلحل المستحيله

[حايل دياري @me45me44]

ماهي قضية أنت خلك تحمَّل
وأنا على ماقيل. راع الجمايل
أنا البري وإلا أنت ذنبك مكمَل
عطيتك العلم الصحيح الصمايل

[حايل دياري @me45me44]

عام دخل والعام الآخر مودِع
وحنا على الأوضاع والوضع عادي
راسٍ على الراحه وراسٍ مصدِع
علم به اللي ماحدته الحوادي

[حايل دياري @me45me44]

من يكسر ذراعه بفعله وممشاه
ماني على من راد كسري جبيره
لاكن شيمنا عن شيمكم فرقناه
والفعل يشهد بالأمور الكبيره

[حايل دياري @me45me44]

تغانمه لايفوت الفوت
ماكل عله دواه الترك
ترا العمر من حيات لموت
مابين جنه وبأسفل درك

[حايل دياري @me45me44]

عدّت حدود الصبر والوقت والتاريخ
حسبته حساب اللي حريصٍ على الساعه
عنَّا الملامه جاوزت كوكب المريخ
وكلن يقدَّر قدْر الأجواد باطباعه

[حايل دياري @me45me44]

ليتك تطيب بشيمتك والكرامه
ولّا الفعل كلٍ ترا الله مغنيه
يطيب خطوى اللي عزيز مقامه
لو ماتخصه بالقرابه وتعنيه

[حايل دياري @me45me44]

على وعدنا والعهد والمواثيق
من يخلفه نخلف طريقه وممشاه
هاذي مبادينا من الله توافيق
ولاضاع من عين الله وكيله وترعاه

[حايل دياري @me45me44]

ليت الخواطر مالها شعور وإحساس
منين ماجانا الخطاء مانحسه
ان صرت وافي قالو الناس خناس
وان صرت جافي قالو الله يخسه
شفنا وشبنا وابعدن الأرماس
وحبالنا على جملنا نمسه
واللي رجانا يرجي البعد والياس
ويراجع الدكتور عند المحسه

[حايل دياري @me45me44]

عن شرهة الشاره نصد وتعدا
مالك علينا عقب عذرك ذريعه
ماندري اينا من تردا
وخلقه تشوف وله اذانن سميعه