مَـ

« غروٍ هدب عينه سيوفٍ مراهيف »

[مَـ @me7mu]

« الزين ما يصلح بليّا ملح يا الزّين المليح❣️»

[مَـ @me7mu]

وأنت ياللي منزلك ما ورا حدب الضلوع
تدري إنك من وراها، وغيرك ما درا

تمتلكني يا أطرق العود من عادك فروع
قبل تغريك المدينه ويطغيك الثرا

ضيدان بن قضعان

[مَـ @me7mu]

من اللي ما يحبّك يا مزيج النور والنوّير
ملامحك النديَّة فيضة الحالم ومرباعه❤️

[مَـ @me7mu]

أنتي من يومك أعجوبه ونسلك نسل حور
ما تعدّوك العذارى .. مشي ولا حبي💐

[مَـ @me7mu]

أنتي .. سوات اللي معنّقها دقيق
« فنجالها الأول ، لراعي الأوّله »

[مَـ @me7mu]

وش عاد لو كل حرفٍ تنطقينه يذوب
ما بين زفرة حنين و شوق ما يِنحصر

سلهامة عْيونك النجلا .. تأسر القلوب
برموشٍ ظْلالها أطول من ظلال العصر

لك الله حتى الشجاع اللي يخوض الحروب
إن كان ما فاز بك ما ذاق طعم النصر !

[مَـ @me7mu]

' أعوذ بك ربِّي من الخوف ومن الوسواس
ومن حاجةٍ مالي بها قوّه ولا .. حيله

فيك الرِّجى ما خاب يارب الفلق والنَّاس
ومنك الأمل ما مات لا لحظه .. ولا ليله

أنت اليقين اللي قطع حبل الجزع واليأس
وأنت الأمان اللي بخوفي دايم أشكي له '

[مَـ @me7mu]

« وصال ربات المحاسن نص ديّن
وإنتي وصالك — نص دين ومرجله »

[مَـ @me7mu]

« متسيّده وسـط القلوب النظيفات
شـيخه و بنت شيوخ عفّه حشيمه

ماني مـن إللي يلتفت للتفـاهات
أنـا على روس العـذارى عـظيمه »

[مَـ @me7mu]

العذاب اللي نموّه فـ النفوس المستريحه
سبّته سحر الرموش السود و عيون الجوازي

كل غيداً ما تباهى في حضورك يا مليحه
ومن غرورك مستحيل ينولك بعيد المغازي

من تعلّق في هواك الله من ذنوبه يبيحه
لا غرابه لو يصير من الهوى شخص إنتهازي❣️

[مَـ @me7mu]

« عاد وشلون فنجالٍ . . تمدّه يمينكِ »

[مَـ @me7mu]

" كل مزيونه " لا جات ابجنبها تصبح قبيحه
ما ينافس زينها ، إلا زينها إللي فـ المرايه "

[مَـ @me7mu]

تسامي على كل البني من عجم وأقحاح
وتغني على شعرٍ .. . ما يستاهل الا انتي

على وجهك النير اشوف الكدر ينزاح
تلين الليالي القاسيه بس ما لنتي

مخارج حروفك عافيه ومبسمك ذباح
وقلبي معك يا غايته وين ما كنتي

على كل نجلا سحرها غالب وفضاح
ما مكنهم الله.. وانتي اللي تمكنتي❤️

[مَـ @me7mu]

« في كفها خاتم وفي خدها خال
وفي عينها غيم وعمارات وبيوت

الخال شفته واضحٍ من ورى الشال
والخاتم الماس مرصع بياقوت

والعمر في العشرين كني مانيب زال
والجسم كنه من جبل ثلج منحوت

جبل ولكن لا طرقه الهوى مال
وخطواتها ماهي بالأمتار بالفوت »

[مَـ @me7mu]

« يا شبه وضحاً جرّت الشول بالممشى الدحوم
مرتحلها الحال و الزين فيها بـ رهوه

عند عودٍ من غلاها ما يقبل بأي سوم
تتبعه سوامة الوضح ممشى و عدوه

قلّطيني في عيونك مقاليط النجوم
لا تخلّين المقاليط مقلاط قهوه »

[مَـ @me7mu]

من كثر تقديري لـ طلّتك : يا بنت أبوك
أشعر إني واصل آخر .. محطّات الغلو

أزعلي مره .. و مره أبي وجهك ضحوك
أنتي وجهك فـ الزعل و الرضا دايم حلو
🪄💐💌

[مَـ @me7mu]

« جعله يعود الصوم عامٍ ورى عام
و انتم وحنَّـا في نعيم وفضايـل » 🌙

[مَـ @me7mu]

« مري على بال القصايد وأغنيك
بيتٍ على فارق قصيدي يبدا

أنتي سحابة شعر محدٍ يجاريك
ما أنتي بشطرٍ في خيالي وعدا

إذا أنكشفت فالسما عز واليك
و الأرض تفرح بك وتطرب وتندّى

ما اللّٰه جعل لك فالبشر من يحاليك
وما غير حسنك ب المنايا يقدّى »

[مَـ @me7mu]

من محطات الليالي و دورات الفصول
أنتي أصلاً في حياتي محطه .. فاخره

مابقى للحب عقبك على صدري ميول
كل عرقٍ ينبض الحب لجلك .. ذاخره

لو يرد العمر والله يالظبي الجفول
لـ أعشقك من أول العمر حتى آخره💐💫

[مَـ @me7mu]

« تمر السنين و تجتوّل و القلوب تهاب
و تبقين فالعمر المحدد مثل ما أنتي

تمرين و يصير السماء خيرها صبّاب
و تزين الأراضي كل ما أنتي تزينتي

فداك الشعر و الناس و الحلم و الأحباب
و أنا و السنين المقبله وين ما كنتي »

[مَـ @me7mu]

"زينك المستور فضّاح لو منتي بـ فروع
تكرمين مْن التبرّاج والزين الخليع "