Frank

أصعب المعارك التي سـ تخوضها في حياتك ، هي مابين عقلك الذي يعرف الحقيقة ! وقلبك الذي يرفضها ..

[Frank @memories500]

لو قال بي شذاب الأعراض ماقلت
قصرت عنه الشين شيمه وتقوى

مدام لي حيله صبرت وتحملت
وان قلت الحيلات حيل الله أقوى

👋🏻

[Frank @memories500]

انا تغربت والمكسب من الغربه
حذفت بعض الفشق من عدة حزامي

وش حاجتي في رصاص ما يثور به
الا بدت حاجته يبلش به الرامي

الرفقه اللي سوات الحـظ لـه ضربه
ما احرص عليها ولا هي فرض والزامي

أرافق اللي بني عمه تباشر به
عقلي دليلي ودرب العزّ قدّامي

👋🏻

[Frank @memories500]

اليا ابتعدنا عن محطات الانظار
لا يفرح الشمّات . . ويقول غبنا

لنا على روس المهمات محظار
مايوم في نطح الصعيبات هبنا

والوقت هذا وقت فرسان الاقمار
وحروبهم . . ماهي تناسب نسبنا

ينوب عنّا في القنوات . . . ثرثار
ولاجات عند حدود الافعال نبنا

[Frank @memories500]

المراجل مالها ساعة وحزه
كل حزه ياسلاام الله علينا

من عزاوينا تصيب الارض هزه
علم اللي ماعرفنا لا اعتزينا

شاربٍ ما يحتمل ميقاف جزه
سعد عين اللي لـ ماقفه احتمينا

ومن يخاوينا على عز ومعزه
يحسب انه واحد ٍ منا وفينا

[Frank @memories500]

والله ان قلبي يعرف البياض من السواد
واعرف اللي يبغض اسمي ليا منه طرا

والرفيق اللي تركني واخذ صف الحياد
يوم وقفت ونشدته حلف لي ما درا

بس انا شايف وميض الجمر تحت الرماد
ثم سميت ووطيته وهو عينه ترا

ما تعلق في ظهور الجمال الا القراد
والجمل ما شال هم القراد ولا درا .

[Frank @memories500]

يموت العتب و الحبر ينزف على القرطاس
خصوصاً مع إللي يحسب الكارثه ؟.. زلّه

مثل ما يموت إحساس فيني يعيش إحساس
يعوّضني .. و يكفي عن إللي مضى ( كلّه )

على كثر ما يحزن شعور ( الثقه ) بـ الناس
على كثر .. ما يفرح شعور " الثقه " بـ الله

[Frank @memories500]

إسعى ورى حلمك التايه وخلك جزوم
لا تحسب حساب من ساعد ولا من جحد

مسافة السعي خلف الحلم ماهيب يوم
مسافة العمر ما بين المهد واللحد

وإن وقفوا ضدك اللي يحبطون العزوم
وقّف لهم وقفة اللي ما عليه من أحد .

[Frank @memories500]

الذليل إن طاح يحزن له شجاع
والشجاع إن طاح يفرح به ذليل

والجميل يموت بايدين الرعاع
والرعاع تموت .. ماسوّت جميل

[Frank @memories500]

تراني نذيـر الطيّـب اللـي نديمـه لاش
من الرفـقه اللي ماتجمّل عواقبـها

ترا الخوّه اللي تبتدي والقلوب غشاش
قريبة مدى وأقــل حاجـه تخربها

[Frank @memories500]

يدور الوقت وتجيب العلوم علوم
لا ضوّن ساريات الليل يا مفرّج
كلام الناس من ظالم على مظلوم
بضايع سوق .. من سوّام لـ محرّج
انا ما اشره مثل معطا على محروم
ولا اشره شرهة العاقل على مهرّج
اعرف اللي على حدّ السحاب يحوم
واعرف اللي ورا الاسوار متدرّج
على وضح النقا واللي يلوم .. يلوم
لو اخطي ما وقفت وصرت متفرّج
انا ماني رسول من الخطا معصوم
انا مثل النهر صافي ومتعرّج

[Frank @memories500]

الراي يبغاله رجل والحمل يبغاله جمل
والطيب يبغاله رجالٍ ماتصر فلوسها
والسر يبغاله ثقه والآخره تبغا عمل
وانا تعلمت الحياة اللي حفظت ادروسها
ياكثر كرهي للعفون اللي مثل شغل النمل
اللي تجمّع للوريث ولا تسر انفوسها
وياكثر حبي للرجال اللي يلمون الشمل
اللي يصادمها الزمان ولا يليّن روسها

[Frank @memories500]

الهرج مايتعب النقال
يتعب ورىٰ الهرج تباعه
.
لاتضيع وتغرك الأزوال
بعض البراويز لماعه
.
ماكل شارب على رجال
ولاكل لحيه على طاعه

[Frank @memories500]

@Qatar4Qatarees الله يبقيك ويامرحبا يالوافي ومرحبا بالربع كلهم

[Frank @memories500]

عن ضجيج الناس واحداث الليال المستمره
ودي ابعد عن مدى الانظار لو اني لحالي

ما ورى كثر العلوم .. الدارجه غير التشرّه
يوم ترضي لك قريب ويوم يزعل منك غالي

[Frank @memories500]

كبـار ماحـنـا من اهـل الـتـلفـات
ونفوسنا من بعض الاشياء عيوفـه

نقدّر اللي يـبـيـن وقـت المهمات
واللـي ماكـنه يشـوفنا مانـشوفـه

والحـاجه اللي نـنتـظرها ولا جات
ان جات والا مـاعلـيها حـسـوفـه

[Frank @memories500]

اهم حاجه تعيش ونظرتك عليا
لو ترخي السمع كل الناس هراجه

وان جاك واحد مسوي فاهم الدنيا
حاول تصير انت ماتفهم ولا حاجه

[Frank @memories500]

على كل حاجة كنت أبيها و لا الله راد
سلامي عليها من ضميرٍ سمح منها

[Frank @memories500]

مهما تغيّرتو .. أسلوبي هو أسلوبي
في دروبي الآمنه ودروبي الخطره

ماآعرف آداهن عشان آصل لمطلوبي
يا زين وجه البياض اللي على الفطره

[Frank @memories500]

ظروف الليالي تصنع من الرجال رجال
وتضعف ضعيف العازم لا مرّته مرّة

ظروف الليالي صنفره والقسا لا طال
يبين لك المقدام واللي على الجرّة

ويظهِر لك الرِجلي ويظهِر لك الخيّال
وتظهر لك الحلوة وتظهر لك المرّة

ويظهر رجال كان ما هم بلك فالبال
ويصغر رجالٍ فيهم الناس مغترّة

[Frank @memories500]

لك الله ياقلب من الهم وش ينجيه
وعين يغربلها السهر كلما طرّف

من البارحه يوم الشفق تلّني تاليه
وعيوني تقارع دمعها بس ماذرّف

يدور الزمان وكل قلب على مافيه
والاقدار مامعها من الناس متصرّف

وسود الليالي ماتدور لسود وجيه
محاذيفها راس ابلج ذكره يشرّف