مناحي بن سعد

شـاعر الى اجل غير مسمّى .

[مناحي بن سعد @menaie79]

كل لامن جد ف الساحة خبر قالولي
ويش قلت ف ماحصل نشادة ومزاحة
.
ايه شاعر بس ماني شاعر بما حولي
شاعرٍ بالي ابيه وعايشٍ في راحة
#مناحي_بن_سعد

[عبدالله مطلق @ig_ilw]

انا الذكي وانا الفطن وانا الذهين
وبعد اختبارك صرت عكس وصوفها

لمحّت لي لكن طبوع العاشقين
كنها تغم عيونها بكفوفها

اهل العقول بشارتك ماتستهين
واهل القلوب تمرها وتطوفها

وبعض الفرص تشبه وجيه العابرين
لامرتك مره ماعاد تشوفها

[مبارك بن رادعه @MBnradah]

سولف علي من طيبين النوايا
ومن صبره مهادي وكفه مهيدي

عندي يقين ان الشدايد ، هدايا
ومصايد الغرات ، ماهوب صيدي

مانيب احب اللي يحب الزرايا
ويكبر المشروه ويقول ميدي

آداري ، الطيب حميد السجايا
مثل مـ اداري ، محتواي وقصيدي

واللي مافيهم طيب روس وحمايا
مـا اعدهم ، ولا اعتبرهم رصيدي

كشفتهم كشف التحالف ، قضايا
هاني بريك و عيدروس الزبيدي

حاولت فيهم من جميع الزوايا
وطاحو من عيوني وطاحو من إيدي

[قاف @Qaf_96]

"مثل ما للخصومة شان يبقى للفضيلة شان
مانيب اللي تخونه شيمته لامنّ نقص وده "
- عويد النجود

[تركي بن حصين @TR_HSH]

ما هقيت الطيب يمكن يضعف الشخصيه
لين شفت اهل اللكاعه تستغل ( الطيّب )

[مبارك بن رادعه @MBnradah]

يـ وطنا قبلة الامجاد ، تاريخ ومكانه
كل يوم و بيرقك خفاق ، وحصونك منيعه

علم اللي ، مالهم في صفحة التارريخ خانه
وعلم اللي يلبسون الود في ثوب الخديعه

مانشوف الهينين الا بعين الاستهانه
من ثلاث ميه سنه واليوم والصبح وتبيعه

ان رضينا طيبنا واضح ولافينا خيانه
ون زعلنا حربنا يوجع وضربتنا شنيعه

دارنا من هاز هيبتها كسرنا عنفوانه
قوة تشهد لها حرب الرغامه والوديعه

#المملكة_العربية_السعودية

[عبادي الزهراني @i3baaadi]

الشاعر المرتزق .. قصايده تفضحه
يحتاج من يشعله ويعيش مثل الحطب

يغيب لكن بوقت المشكله : تلمحه
بلا سبب يمدحك ، ويذمّك بْلا سبب

ريالك : بـ يرفعه ، وريالك : بـ يطرحه
قصايده كلّ يوم تكون حسب الطلب

ما ينظر لما خسر .. ينظر لما يربحه
مرفوع عنه : المبادي والقيم والعتب

يحب من يشتمه ويعاف من ينصحه
الوقت : دوّار .. والشاعر على ما كتب

لا تْذمّ لا جيت تمدح من تبي تمدحه
محدٍ يحاسبك فـ اللي تكرهه أو تحب

المصلحه ودّتك .. وتجيبك المصلحه
وتعرف وشلون تكسب من سكوتك ذهب

اللي كتبته .. مع الأيام .. لا تمسحه !
حتى ولو تمسح اللي داخلك .. بالعنب

[عايض العاطفي @atfy_a]

لاتامن سعة صدري معك ياقليل الفود
على الطيب مالك لا هوايه ولا شقوه

ترا خاطري في بعض الاحيان خاطر عود
معه ضغط .. واللي تلقط الحب في حقوه

[ظافر بن فرحان @zafr_frhan]

الجود ماينبع من الكف الشحيح
لو ينبت المرجان في جمّة سجى

والنعم لا سقته على الوجه القبيح
يضيع مثل الكحل في ليل الدجى

علي سالم العازمي من الشعار اللي ودك انهم مايختفون عن الساحه

[واحد/محترم @1_mohtrm]

ندفع ثمن هقواتنا بعض الاحيان
مافيه للغلطات تامين شامل

مدري نحنْ فلان ونجامل فلان
والا معاد نحنْ ولا نجامل

ناصر بن جاري المعاوي

[مناحي بن سعد @menaie79]

.
.
.

من تلقيه الليالي المحبة والقبول
لايحسب ان كل بيضا لها طعم ودسم

#مناحي_بن_سعد

[مناحي بن سعد @menaie79]

.
.
.

من تلقيه الليالي المحبة والقبول
لايحسب ان كل بيضا لها طعم ودسم

#مناحي_بن_سعد

[ِ @ajm1ii_]

اطلبك ياربي لسانٍ صادق و قلبٍ سليم
و عزمٍ على التوبه من ذنوبي و من تكرارها

ومن فيض جودك مايعيّشني حياتي في نعيم
ابيه فالـدنيا .. و في الجنه و بين انهارهـا

[ناصر الحمادين @nalhmadeen]

لو من ثلاث اشياء ظهر فيك ثنتين
يمدي عليك رقاب مدحي تثنن

ابيك الاول في صفوف المصلين
وض .. وتجهز للصلاة .. وتسنن
..
ونصف من الدنيا ونصف من الدين
واعزف على اوتار الحياة وتفنن
..
العقل مايفتك حق المساكين
لاقامت ضعوف الروابع تمنن
..
وقبيلة ٍ مافي طرفها مجانين
تطمع بها العقال قبل المجنن

[صـقـر @__n81]

الزمن دوار وصدوف الدهر حواجه
والليالي حذفها من كل جال ووجهه
.
جعل وجهٍ حال دون الي يبيه احراجه
ماتحداه الليالي عند سومة وجهه
.
#مناحي_بن_سعد

[مسعود آل شعفول @masuod974]

انا قد لي ادور على نعمة النسيان
مثل ما يدور للقفر راعي الناقه

لا تبكي على اللي راح في وداعة الرحمن
ترى دمعتك تجتث قلبي من اعماقه :)

ما عاد اتحمل منظر الغيث فـ البستان !
بعد ما مسحت الدمع من خدك اسراقه

وجودي على اني ارد وقتي مثل ما كان
لكن مامعي في ما كتب خالقي طاقه

يموت الشغف و يودّع العافيه الانسان
بعد ما يفارق من تعوّذ من فراقه

[مبارك بن رادعه @MBnradah]

مايحتاج لاتشرح ولا اشرح ، ولايحتاج
توضح كبر قدرك واوضح كبر قدري

حسمنا الامور اللي ماتحسم بدون ازعاج
ولا ضيقة صدرك ولا ضيقة صدري

تجملت فيك اني ماجيتك وانا محتاج
وتجملت فيني بالخطاء وانت ، ماتدري

سلمنا من الشان وسلمنا من الاحراج
انا مانصيتك وانت علمتني بدري

[حشان بن مصلح @HSHAN85]

اكبر تتويج في مسيرة الشاعر هو الوصول الى ذائقة قامة ادبية بمستوى فزاع

تشرفت بإعجاب سمو سيدي الشيخ حمدان بن محمد ال مكتوم ولي عهد دبي باحد قصايدي و احب تشاركوني هذا التتويج
@HamdanMohammed

[صالح النشيرا @saleh_neshaira]

اتقيّد .. بـ المدارى .. وانا .. حُر طليق
ماني .. بـ طيرٍ .. يوقع على غصن شجره

يارفيقي والله .. انك عجب عين الرفيق
وتعرف .. حق الرفيق الحشيم الى شره

هاك .. علمي .. ودك تضيق ولّا ماتضيق
المجامل .. بعض الاحيان .. مافيه ثمره

يوم ضاق اخو الرضاعه على الاخو الشقيق
مازهدت .. بـ صلب جدي على بطنة مره

لاتجي .. ضد ابن عمي وتبغيني صديق
الصداقه .. ماتقدّم على الدمّ " شعره

[صالح النشيرا @saleh_neshaira]

سارعي لـ المجد مـ انتي بـ مسبوقه
خالقك .. ربي على المجد سباقه

دونك .. دمي المعادين مدفوقه
ورايتك في كل الاحوال خفاقه

من نواها ساقه الله على عوقه
وان نجى ماعاد وقف على ساقه

دونك رجالٍ على الموت مطفوقه
من مضى منهم على العهد ماباقه

من نظر في رايتك وطرخت فوقه
لازم يقول الشهاده من اعماقه

فارقك ربٍ عطى حسنك فروقه
قبل لاترسم حدودك على ناقه

والله ان كنك من الغيم مسروقه
لو سواتك ماهي .. بتوخذ سراقه

فيك شعر المدح ينقاد طاروقه
وانتي .. بدون الطواريق عملاقه

كل بيت يجث قلبي من عروقه
الله .. اللي .. رابطٍ فيك ميثاقه

.

#اليوم_الوطني_السعودي_95

[هود🇵🇸 @hoood_q8]

واللي حياته مابين البيت والنادي
اسمه لا عِدَّت الاسامي نعرف اعرابه

نشيب هيبه وشيباتك شوقر دادي
في ذمتي ما معك شيٍ تسموا به :)

- جديد فارس الحشار