منة الله

Here I only share my opinions #FreePalestine🇵🇸

[منة الله @mennaelshazly_]

مساء الفل ، حابة اقول ان موضوع تذكرة الطيران اللي اتعمل في نص كليات طب مصر في اخر يوليو دا انا عملته يوم ٢١/٧ لدفعتي في الزقازيق🤷🏻‍♀️🩷
انجوي الديزاين يا شباب ربنا يفرحكم دايما🩷

[Farouk ( i am jose mourinho ) @Mtaktek_]

انا دايما كنت بستغرب الرياضيين اللي لما بييجي في بطولة يلاعبو حد من اسرائيل وينسحبو ويقولك اصل انا كدا مش بعترف بيه
بس اكشلي انت كدا ساعدته بدون اي مجهود انه يمشي خطوة زيادة ويمكن يرفع علمهم في البطولة

طب ما انا الاعبه واخسره و اطرده من البطولة وارفع علمي انا

[الاهلى اليوم @ElAhlyToDay74]

بطلنا محمد السيد والاحتفال بالمسح وتنفيض التراب من على كتفه بعد حسم الميدالية البرونزية لمنتخب مصر والفوز على لاعب اللي مايتسموا باللمسة الدهبية 👏🔥

[منة الله @mennaelshazly_]

و كياد برضو ميضرش، تحياتي و الله

[منة الله @mennaelshazly_]

انا حقيقي بadmire محمد السيد من ايام اوليبميات باريس ، باين جدا انه شخص مجتهد و متعلم كويس

[Mohamed Samir @MohamedSamir]

لحظة احتفال محمد السيد بتتويج منتخب مصر لسلاح سيف المبارزة ببرونزية بطولة العالم بعد الفوز على إسرائيل 39-38 🔥👌🏼

[حنيني دائِمٌ @_haneeny_]

ماتحاولش تنكر مهما ادعيت العقلانية والترفع والنضج فأنت من جواك رغبة دفينة إنك تفليكس بنتيجتك في الثانوية العامة

[منة الله @mennaelshazly_]

و نقطة كمان حتي لو افترضنا ان الولد كان افريديج و شد حيله و ربنا كرمه برضو ليه لا ؟
اللي يعرفني يعرف ان عيلتي اغلبها ميديكال فيلد و مش كلنا كنا بنأكل الكتب طول سنين المدرسة و لكن الواحد لما بيركز في السنين المهمة بيجيب و بيجيب اعلي بكتير من المتوقع
مش تستكتروا علي حد تعبه

[منة الله @mennaelshazly_]

حوار حزين اوي ان الولد اللي طالع اول ثانوية طالع يبرر للناس انه شاطر و مجتهد
الناس اتجننت و الله

[منة الله @mennaelshazly_]

Disclaimer: انا ضد الغش بأي طريقة سواء مراجعة او سماعات او غيره و انا و اخويا حبيبي اتضرينا بسببه جدا في ثانوية عامة
لكن حاجة سخيفة جدا ان دلوقتي اي حد ناجح بيتقال انه غشاش و اي حد ضعيف او مهمل بيتقال انه مظلوم
اه طبعا جزء من الكلام صح لكن التعميم ضار جدا و محزن يعني

[Swilam @Swilam0_0]

هقولها وهرحل
لو جبت مجموع طب ، خشها
متفكرش، متستشيرش، متسالش حد وسيبك من صياح طلابها انت لو في معهد بردات شاي هتلاقي كلهم بيصيحوا برضو فتجاهل دا، لا الامتحانات مستحيله ولا المستقبل مضلم ولا في العبط دا
الكليه دي فيها اكتر من ٤٠ تخصص وشغل وسفر اكتر من اي مجال، متفكرش، خشها

[حنيني دائِمٌ @_haneeny_]

أفتكر إحدى معارفنا وأنا بترجاها من سنين لما ابنها جاب مجموع طب إنها تفكر وتستخير كويس قبل ما يدخلها لإني عارفة إن عنده personal and family history وفهمتها إن الموضوع متجاوز فكرة إنها مجرد كلية صعبة أو مذاكرتها صعبة
لكن طبعا وفقا للفكرة السائدة اللي في التويت: جبت مجموع طب ادخلها

[lobstyr @sinbladee]

كاس العالم فالنيش 😭😭😭😭

[غَدّوش 🇵🇸 @Ghada_Elsayd]

أنا بكره أوي لما حد يتكلم بالطريقة دي عن المصريين كأنه مش منهم
يابني ما انت مصري، لو انت مصري ومهتم بحاجة معينة فأكيد في مصريين شبهك عادي
انت فاكر نفسك متفرد بتميزك ونولان عامل لك فيلم مخصوص؟ كل الناس دي عالم فاضية وانت هوميروس كاتبهالك مخصوص عشان مفيش زيك؟

[منة الله @mennaelshazly_]

جماعة ايه وضع طب فاقوس دلوقتي؟ يا ريت حد يقول معلومات مؤكدة

[🦋𝕄𝕒𝕚 ℕ𝕒𝕤𝕤𝕖𝕣🦸‍♀️👩‍⚕️ @Bent_Rawya]

حد شاف علم لبنان اللي كان ف الاستاد ومكتوب عليه يلا يا مصر
وفرحة ناس غزة والشام والجزائر والسعودية
فرحة مانية على IG
اللي هو ايه الحلاوة دي بجد

[Luna @DrLuna_Aziz]

مبسوطة بانتصار اللاعيبة الفلاحين المحليين اللي جايين من اقاليم صغيرة واماكن شعبية
والمدرب المصري الوطني اللي بيبوس ايده وش وضهر زينا على اللي مكنوش واثقين فيه
وكابتن الفرقة الجدع على اللي شتموه وحاربوه.
دول الجيل الذهبي ودي مصر ♥️

[هاني @AhmadMHany]

ده يا مصر بتعمليها ازاي بجد 😭😭😭

[غاندى @Ghandy___]

محدش بيحتفل بالسكواش لإنه ببساطة مش متاح للشعب الفقير فمش قادرين نعرف فين متعته، نفس الحاجة لكل الألعاب، الكورة مش محتاجة
لعبناها بكانزات وأزايز وكاڤر محطوط جواه بلاستيك ب٥ جنيه ولعبناها حافيين ع الأسفلت وع التراب وع البلاط.
اللعبة الشعبية الأولى عشان متاحة للكل مش عشان "ذكورية"