﮼مقدام ❥

وعسانا مانقابل راعي المعروف بالصده..

[﮼مقدام ❥ @mgdam__]

يا جعلني وان غبت ما اغيب من شر
وان جيت جعل الله يجمّل حضوري

[﮼مقدام ❥ @mgdam__]

يا فاتنة ، تستحقين ، المقام الرفيع
طاريك ، مع موكب العشاق قام وقعد

لا تسأليني تقولين أوجد الفرق ! اضيع
فالصورة إللي قبل و الصورة إللي بعد

مكعبات الثلوج البيض عيّت تميع
رغم أنها عضّت الجمرة و قالت تَعد

وش عندة الرمش لا وقّف يوقف جميع؟
ادوخ لا من نزل ، و افيق لا من صعد

[﮼مقدام ❥ @mgdam__]

ما يحتاج أدور كل فكرة ، تجيب الراس
من ابسط قصيدي بيت بيتين تشهرني

على كل فكره ما توّصف حلا المياس
ما ابيها لو أن كل الغنادير ، تقطعني

يامجمول ليت الصد ما يجرح الاحساس
من المستحيل اقول .. عادي تودعّني ؟

أنا لك علي ما عرّض اسمك لـ باقي الناس
اذا لـ العهود امجاد ؟ وقّف و مجدني

[﮼مقدام ❥ @mgdam__]

والصبر فالهوى واموره العاطفيه
اصعب من الصبر على الرفيق المزاجي

والمحب السحاوي طرقته مهمهيه
ينقطع في رجاها كل ممل وراجي

[﮼مقدام ❥ @mgdam__]

لا على عيني ؛ " غشاوة " ولا وجهي قناع
مقتنع في حجم علمي وفي حجم جهلي

البشر فيهم هوامش ومن سقط المتاع
ما لهم ( تأثير واضح ) .. على مستقبلي

والحياة - ومجريات التلاقي - والوداع
خضت لي فيها تجارب وجيت بْما يلي

يوم فضّلت انعزالي ؛ على كل اجتماع
استرحت وصارت الراحة ألزم ما علي

[﮼مقدام ❥ @mgdam__]

اللاش " عمره راح ماعنده افعال
و ان طاب غيره صاب كبده تليّف

وجه الردي لا شاف وجه الزمن مال
براده .. اقوى من ( براد المكيّف )

[﮼مقدام ❥ @mgdam__]

يا شعور السكينه في صلاة المصلّي
يا طمأنينة الأنفس ، وما تحتويها

لو تولّي السنين .. محبتك ما تولّي
لين مالله يرثِ الأرض واللي عليها

[﮼مقدام ❥ @mgdam__]

يارب هبني من لدنك أعلى درجات اليقين
لا تحرم مْن الاجر نفسٍ بـ الصبر متحلّية

أطلبك لا تجعلني من الشامتين المبتلين
ولا تعرّضني « طريق » العالم المتبلية

[﮼مقدام ❥ @mgdam__]

تسامى عن الشك وتعوذ من الوسواس
انا كفك الباطش وانا حسك الامني

تراكى علي مالك شغل في كلام الناس
انا معك ليين اطيح ؟ وان طحت قومني .

[﮼مقدام ❥ @mgdam__]

يا مهجة القلب مالي عن حنانك غناة
عن لوعة الفقد وصدوف الزمن خبّني

تستغرب الموت في وجهٍ مليته حياة !
واستغرب إنك تْخاف الموت وتحبني

[﮼مقدام ❥ @mgdam__]

أعتقـد والحيـاة بكبرهـا "معتقـدْ"
مُبتداهـا وصول، ومُنتهاهـا رحيـل

عش كمَا شئت لا مُكره ولا مُضطهدْ
وأيقنْ إن ما ورى غيب المنايا دليـل

من رضـى الهينة ما جابت أمه ولـدْ
لو تسامـى بمال وجاه يبقـى ذليـل

لا تـحـاول تكـون "المنتصـر للأبـدْ"
أصعب من الجميل إنك ترد الجميل

[﮼مقدام ❥ @mgdam__]

آستحيت أنادي إسمك !.. بدون مقدّمات
و أنت من زود اللّطافه لك أكثر من إسم

يوم يا لبّى الوصايف ؟.. و يا لبّى الصفات
و يوم يا ليتك بـ جنبي و ليت " الله قسم "

ليه أطوّل فـ السوالف و أطوّل فـ السكات
أنا يكفيني لو أموت عندك " مبتسم "

[﮼مقدام ❥ @mgdam__]

حصيلي من الوعي في تجربة كل جيل
مواقفٍ تثقل الكاهل .. وصدرٍ حَكر

خذيت صمت الحريص اللي كلامه قليل
لاشاف له في وجيه الربع وجهٍ نكر

[﮼مقدام ❥ @mgdam__]

يـ أول أحبك أنطقها بـ لحضة خشوع
كلمة ( أحبك ) أنت أول محبينها

جاوب الطعنة اللي تحت حدب الضلوع
فاهك العذب كيف يْسل سكينها ؟

كنك الآه في صدر الكتوم الجزوع
وده يموت قبل يقول حرفينها

مامعي غير روحٍ ماتعرف الخضوع
خايف اسخي بها لـ رضاك وتهينها

[﮼مقدام ❥ @mgdam__]

يا لقاي بذاتي المتغرّبه ، عن ذاتي
يارضا نفسي على خير الزمان وشرّه

أنت جيت وجابك الله عقب طول شتاتي
وعوّدت فيك السنين الذابله مخضرّه

نظرتي ، ذوقي ، سواليفي ، غناي ، سكاتي
ودي أعرف لـ إرتباط اللي معك وش سرّه

فيك من حزني ، كثر مافيك من ضحكاتي
فيه أحد قال أنت تشبهني قبل هالمرّه

[﮼مقدام ❥ @mgdam__]

أشعر بغربه وانا في ( روضة ) بلادي
من يوم قفيت ياللي مدري ؟شلونك

الليله اللي معك من ثالث .. اعيادي
والليله الي ( بدونك ) تقتل !! بدونك

خذني معك لين اعّل اكبود حسادي
ما كنت مجنون قبل اصير مجنونك

انا ماقد كنت عادي قبل اجي عادي
في عيونك الله لا يحرمني من عيونك

[﮼مقدام ❥ @mgdam__]

«والله لو إن كل الليالي تشابه وجهك الطيّب
يمدي ما مرت علي من الليال السود ليلة »

[﮼مقدام ❥ @mgdam__]

تبجحّي يا نظرة المستقبل بـ ماضي عريق
على الظنون المظلمة شمس الحقيقة باديه

احيانا من اصغر شرارة تقبس الدنيا حريق
واحيان تنبش اعمق جروحك حمامة شاديه

كم من محبة صادقه تبدلت كره عميق
باسباب مزح ما هو بوقته وكلمة غاديه

[﮼مقدام ❥ @mgdam__]

جعل الظروف الصعيبه خيرها وافر
منها تعلمت لو تلعب بي السبله

كن طرقتي فـ التجارب طرقة مسافر
قد كبده مْن الخطوط السود مندبله .

[﮼مقدام ❥ @mgdam__]

تغانم من سنين السعة .مايسّر العين
قبل لا تعيش .. فـ مرحله شبه حسّاسه

تمر الظروف اللي ماتدري تجي من وين
تحد السعيد يضيق .. و يصد عن ناسه

الايام ( سستمها ) كذا بين زين .. و شين
ليا شفت لك مجروح : لا تجرح احساسه

من يشوف نفسه فوق خلق الله الباقين
يجي يوم وتشوفه محول على راسه

[﮼مقدام ❥ @mgdam__]

ابتسم في وجه الايام ياسمح الجناب
لو حياتك من جميع الجهات مهدده

لا تـجي عبّاد دنيا ترا الدنيا سـراب
اعبد الله و اترك المال لـ اللي يعبده

اكتتب في بنك الأمجاد لو فيك اكتئاب
لا يغـرك من يقول الحيـاه مـعقـده

القوي في كل موضوع يحسب له حساب
والضعيّف تأخذ الناس حقه من يده :)