محمد

..

[مبارك بن رادعه @MBnradah]

المواقف ، والتفاصيل ، والشرح الوجيز
تثبت ان الوضع مافيه هدنه وآتفاق

واصلو يا ذخر سلمان ابن عبدالعزيز
وآضربوهم فاليمن واضربوهم فالعراق

الله اللي عزنا ، يوم مافيهم عزيز
والله اللي ذلهم بالخيانه والنفاق

#السعوديه_خط_أحمر

[صالح النشيرا @saleh_neshaira]

يوم كان الفن .. في مصر .. العزيزه
والجنيه .. يقاوم .. الغزو ( الفرنكي )

شيٍ .. .. نجيزه .. وشيٍ .... مانجيزه
مايوطي .. صوتنا ( تحويل .. بنكي )

كل .. ماجينا .. نقول ( الفن ) ميزه
صاحت السودان مع ( وّد الكرنكي )

[مزيد الوسمي @mzed_9]

خلوا السوالف يطش الراس ساردها
الصمت ماهوب اقل ازعاج من بوحه

خلوه من غير صادرها و واردها
ما احلى من الحاجة اليا جات مملوحه

الناس بالناس مدري ويش قاردها
ياليت كلٍ يروح يشوف مصلوحه

حنا بعد ما هجع بالنفس ماردها
صرنا نداريه مثل البن بالفوحه

واحلامنا اللي شحيحاتٍ مواردها
ماهي على طاولة الأيام مطروحه

ماعاد حتى البيوت ولا شواردها
تتلنا .. تلة الممزوع من روحه

اللي من اول تعبنا في مطاردها
الحين عادي وهي بالشبك مطروحه

[منيره المطيري @Mutairiwe]

الإنسان شيٍ من جليسه ومن ماضيه
وجيناته اللي تنتقل له من أسلافه

إذا ربي أكرم عبده بعقلٍ يقديه
درى إن المجامل لطف وإن الغرور آفه

تسولف يا ابو رايٍ محد قال لك تبديه
تشوف وتحسب الناس ماهي بشوافه

كلامك مع اللي لا تخافه ولا ترجيه
يبي يختلف لا صرت ترجيه وتخافه

[سلطان الحوالي @sultan_alhawali]

بخيل العرب دايم يحشر البخل بالدين
وهو لو يصير الطيب واجب جحد دينه

يعيّب علينا يوم نسرف على الغالين
ويوم انتقصوى كل محتاج و نعينه

ويوم انتخيّر لأهلنا غالي السوقين
وصاة النبي ذخر الكريم و رياحينه

ويوم انتحفّى ضيفنا في سمان الضين
وفتحة مجالسنا للأجواد لو دِينة

يبى الناس مثله كلبوهم قصار ايدين
فقارى من خصال العرب تبّت إيدينه

تليفونه من الصين و جْويبه من الصين
وأظن إن عياله صنف مضروب من صينه

ليا شافنا نمشي رضى باللبوس الزين
علينا السكينة ظللتها الطمأنينة

تفاقع و صم أذنيه بالطين شيطانين
و قلبه جحر نارٍ تقبقب شياطينه

يحذف المواعظ بالتواضع يسار يمين
يحسب التواضع لبسةْ أثوابه الشينة

دنانيره أكثر من دنانير "أبو خمسين"
وثلثين عمّال الشوارع ديايينه

على كثر ما ذمّوه في وجهه الأدنين
لهالحين ما غيّر مع الناس روتينه

معه وجه لو تصفق به طويق راح طحين
قليل الحيا دايم قويٍّ على الشينة

مغير أتعجب من عرفته هذاك الحِين
من العار مدري كيف تنقله رجلينه

يحب يتمسكن حاله أكثر من المسكين
مسيكين عاينته على البخل مسكينة

ياسبحان من جمع من أشكالهم زوجين
حلالاه لو أثنينهم تحت سكّينة

يقال الرخامة جِين واللٓه ماهي جِين
أجل ليه ما صار أصوكٍ حمرةٍ عينه

خواله و عمّانه نشامى من الصوبين
ومن طيبهم من يومه صْبيّ نافينه

و أبوه و عيال أبوه و عيالهم ضارين
على زينة الأفعال و المدة الزينة

عليّ الحرام إن كلهم فيه مبليين
عسى آثام عاصيهم ترجّح موازينه

ياليت البنادم يوم يولد يجي بـ اسمين
على شان ما تلحق ربوعه مسمينه

ردى نفسه اللي معمي عيونه الثنتين
ما جا له وراثة جاه من مكسب ايمينه

على الطيب حدّوه الرياجيل حد الشين
وعيّا الخسيس اتجود بالطيب كفينه

ذكرته و كوسرته هجا لين قلت آمين
وأظني لو أقابله كسّرت فكينه :)

[محمد @mh_1f]

الاستغفار :
- يهزم الذنب :﴿ إِنَّهُۥ كَانَ غَفَّارٗا ﴾..
الاستغفار :
- يهزم القحط : ﴿ يُرۡسِلِ ٱلسَّمَآءَ عَلَيۡكُم مِّدۡرَارٗا ﴾..
الاستغفار :
- يهزم الفقر والعقم : ﴿ وَيُمۡدِدۡكُم بِأَمۡوَٰلٖ وَبَنِينَ ﴾..

فلا تمل وردد دائماً ..
أستغفر الله العظيم وأتوب إليه♥️.

[عبدالله السراهيد @Alsraheed]

أعيش الصمت لا غنّا حمام الدوح
وآحس ان السماء والارض ممتنة

عسى بعض الكلام اللي يجي ويروح
فدى اللي ما يخيب بمسمعي ظنه

كلامٍ في تفاصيله .. ضماد جروح
ماهوب اللي بدون سروج وآعنّة

على كثر المديح .. اللي يرد الروح
ماجاني مثل “ جعل آبوك فالجنة “

[حاف @lastiidea]

"أنا المفرد من الجمع والصعب من الأحلام
أرضى بأي شيء .. إلا انك تشوفني عابر"
- رفعان العرجاني

[ناصر بن مفلح . @nassre_]

"

يالبيه يـ إللي من سبب ضحكة محياك
يصير الحزن .. لـ مواجهي مامعه قدره

جمالك مسبب في جمال الجميع ارباك
مع انهم .. مغن الزين لكنك ( الندره )

سواياك فـ الحساد من فضل من سوّاك
مخلي كيانك فوق و اهل الحسد حدره

وجودك معي يلغي تواجد هذاك و ذاك
ولا عاد يطري لي وفاء غيرك .. و غدره

طبيعي من يخاوي طيوفك هنا : وهناك
يشيلك فـ عينه مثل ما شالك فـ صدره

من المستحيل ارعى لي إنسان ما يرعاك
لو انّ اقرب العالم .. يمسك نزل قدره

وش الصبح كان الصبح ما جاب لي طرياك
ووش الليل ؟.. كان الليل مايكتمل بدره

يهون العمر لـ الجيد الاتلع و عود الراك
وعلى ثغرك اللي منه يقطر عسل سدره

عساني فدى لـ إحساسك الواثق الشكاك
وعساني فدى لـ عيونك النعّس الخدره

يضيع الشعور اللي مايكتب عشان رضاك
مثل ضيعت المعروف ( فـ العالم الودره )

[مـيلاف @5_v3ll]

ذنب اللقاء خله على عاتق الليل
الذنب معك بحد ذاته فضيلة

آخذ يدينك من يدين المقابيل
وتاخذ يديني من يدين القبيلة

ونشب في الظلماء نجوم وقناديل
ونشب برّاق العيون.. ونخيله

وتذوب بأطراف الحديث التفاصيل
وردة، وكاس، وشمعتين.. وجديلة

_عبدالله البديري

[سلطان الحوالي @sultan_alhawali]

الشعر ميراث الجدود
لعب الحِرابة والطرب

ينقاد لعيون العنود
و يقود قادات السرب

من أوّلة عاد وثمود
لين القيامة تقترب

يبقى على الآداب طود
لو كان بعض أهله خرب

يصيبه أحيان الركود
ويمسّه أنواب الجرب

لكن ما يبطي يعود
مثل الربيبة للمَرب

اللي يحقرونه هنود
واللي يعزّونه عرب

[محمد المقحم @mohamed6290]

اللي يصد برغبته ما اتحراه

[محمد المقحم @mohamed6290]

الفقد وقت الفرح ماهوب شيٍ غريب
ما نقدر نلقي اللي نفقد ظهورنا

الله من غالي يفرح لسال الشعيب
واليوم سال الشعيب وضاقت صدورنا

[محمد المقحم @mohamed6290]

#بيت_من_قصيدة_لي

اللي تجيه لحاجتك ما يحبك
اللي يحبك.. ما يخليك تحتاج

[محمد المقحم @mohamed6290]

بعض الرجال ليا هرج يلقى قبول
ماودك ان الناس تقطع وارده

والا بعضهم هرجه ... الله لايقول
كنك تجغّم لك قهوةٍ بارده

عيضه الثبيتي

[أنس بن مسيعد @anasbinmosai3d]

رفيق السعد سقت التحايا على طاريه
عزيز النبا اللي مزح الاجواد ماغرّه

(تمرّه جروح اصحابه وْلا تغير فيه
تقول ان قلبه صخرةٍ من حصى الحرّه

وعلى مايكدر ربعه ويجرح مخاويه
نسيم الهوا لاقام يطرقهم يضرّه)

عسى الخاطر اللي بين شرهه، وكيف، وليه !
فدا خاطرٍ مايدخله شك بالمرررررره .

[محمد @mh_1f]

طوق النجاه | كلمات محمد بن مساعد العضياني | اداء نايف خالد https://t.co/b3hPyf7uCB عبر @YouTube

[فهد قطنان @Fahad_Qatnan]

الجديد

"لندن يبو سارة"

[أخبار السعودية @SaudiNews50]

من كل مكان..

الجماهير السعودية تؤازر الأخضر في انطلاق مشواره المونديالي أمام الأوروغواي.

[سعود بن مبارك @Saud_almshly_]

يا لبيّك الحنونه يا وجودي منك يا لبيه
أنا لبيه عندي بـ الغلا والحب مرهونه

أعرف الحب لكن مستحيل استخدمه ترفيه
جعل ربي يهين اللي على اهواهم يهينونه

لا تبدي لي مشاعر قلبك اللي مستحيل ارضيه
ترى ما عاد ليّ قلبٍ يحس بْمن يحبونه