تسريب عقد لاعب الاهلي علي محمود من محمد عراقي تأكيد على حاجات كثيرة ولكن الأهم بالنسبة ليا إن الأهلي يشوف الناس المسؤولين الحقيقين عن المهزلة دي " إتحاد الكرة "
زي النهاردة 👌
١١ نوفمبر ٢٠٠٦ من ٢٠ سنة ولسة حاسس بنفس الشعور
نطيت للسقف وكنت هخبط في المروحة تطير دماغي
لسة سامع صوت القهاوي والله وبداية جيل تاريخي لمصر وللاهلي
لسة فاكر التيفو والسخرية من الاهلي ومن تريكة ومن الأهرامات واستعدادهم للاحتفال
تريكة اسطورة الاهلي واسطورة مصر وصاحب الاهداف القاتلة اهداف ببطولات 👌
استمتعوا بأخر ٦ دقايق من ملحمة رادس التاريخية
وقولوا لينا ذكرياتكم مع الماتش ده؟
في البداية إدارة طرابزون وافقت على كل طلبات محمد صلاح المالية، رغم التشكيك في قدرته على تقديم الإضافة المنتظرة.
لكن في أول شهر، مبيعات قمصانه حققت أرقامًا قياسية، وتألق مع الفريق، وأصبح هدافه في أوروبا والدوري التركي بـ8 أهداف، وقادهم للانتصارات وتصدر جدول الدوري.
كما ارتدى شارة القيادة تقديرًا لتاريخه الكبير، وأصبح حديث الجماهير التركية، لدرجة أن هناك اهتمامًا بمنحه الجنسية التركية.
ما يحدث مع محمد صلاح في تركيا لم يحدث من قبل مع أي لاعب هناك.
اللي بيتفرج ع بيراميدز هيلاقي كل الفرق ضيعت فرص وفي ماتشات كسبوها بأخطاء فردية
مش الفريق الخارق يعني زى الإعلام ما عاوز يفهمنا
عازوين يحطمونا برا الملعب علشان تنزل خايفين ويبقي هما أعلي نفسياً
اللاعيبة بس تسترجل وهنكسبهم ان شاء الله
لكن أي حد يقلل من الاهلي هندوس علي وشه
قناة الأهلي تحقق مكاسب ضخمة على كافة المستويات، بعد نقل مباراة كيتارا بشكل رائع..
صورة حلوة ومضمون راقٍ ونجوم كبار، وجمهور فرحان بقناته، وكمان مكاسب مالية غير مسبوقة.
آه، لو قناة الأهلي حصلت على حقوق مباريات الفريق.. حاجات كتير أوي في اللعبة «هتتغير».
حاسس إن لو الأهلي قرر ينزل الملعب ويعلن تمسكه بحق جميع الأندية في الإستماع لمحادثات ال VAR .. الزمالك هينزل بيان يقول فيه ومين قال إننا عايزين نسمع ال VAR أساسا ومن غير المقبول التشكيك في نزاهة التحكيم
أنا بجد مش عارف: هو فعلًا الناس والإعلام مش واخدين بالهم من اللي بيحصل، ولا واخدين بالهم ومطنّشين؟!
إحنا في كارثة حرفيًا! في موقف لو حصل في أي دوري في العالم، كانت الدنيا هتقوم ومش هتقعد.
مش بكلمك هنا عن بيانات الزمالك ولا مهلة الـ48 ساعة ⏰.. القصة دي كلها أي حد بالغ راشد عاقل عارف هي ليه اتعملت، وعارف إن في الآخر دي واحدة على طريقة مدرسة الدرديريات: «إحنا بنعمل إننا مظلومين، بس الحقيقة إحنا مش مظلومين، بس بنعمل كده علشان ناخد أكتر من حقنا».
فأنا دي مش قصتي خالص. أنا قصتي هي جملة خطيرة جدًا: «المعيار المصري» في التحكيم. الكابتن عصام عبد الفتاح قال: «الزمالك يستحق الحصول على ركلة جزاء أمام الأهلي وفقًا لمعايير الحكم المصري».
هتلاقي بيعة بتتباع بتقول: أصل كل دولة غير التانية، يعني مثلًا الدوري الإنجليزي بيسمح بالتحامات غير باقي الدوريات.. لا لا لا يا باشا، أنا مش شاري البيعة دي.. الكلام ده لو الحكم إنجليزي، أو اللي قال اللعبة مش ركلة جزاء هما محللين إنجليز وبس.
إنما زي ما صديقي رضا غانم بيوثق، كل المحللين وخبراء التحكيم الأجانب اللي حللوا اللعبتين قالوا مفيهمش ركلات جزاء.. 9 محللين تحكيم كبار:
مارك هالسي — إنجلترا 🇬🇧 • كيث هاكيت — إنجلترا 🇬🇧 • جوناثان موس — إنجلترا 🇬🇧 • أورس ماير — سويسرا 🇨🇭 • جمال الشريف — سوريا 🇸🇾 • سيركان شينار — تركيا 🇹🇷 • لوكا ماريلي — إيطاليا 🇮🇹 • إبراهيم المهيري — الإمارات 🇦🇪 • يعقوب الحمادي — الإمارات 🇦🇪
فقصة «من حتة لحتة» دي تتباع لحد تاني . ده المحللين من دول مختلفة وقارات مختلفة ومدارس تحكيمية مختلفة، كلهم اتفقوا على نفس التحليل، اللي هو بيتفق مع قوانين IFAB، وأنت تقولي «المعيار المصري»؟! لا، إحنا كده بنهزر.
وبقولها تاني .. الموضوع مينفعش يتاخد تهريج وتحفيل: الكلام ده خطير، خطير، خطير ✋
إحنا جسمنا وجعنا من المصطلحات: مرة تقولنا «الاحتواء»، ومرة «روح البروتوكول»، ودلوقتي «المعيار المصري»!!!
يا راجل، ده كابتن عصام قال قبل كده: سألنا مسؤول الـVAR في الفيفا في لعبة «روح البروتوكول»، وإنه قال القرار صحيح، المهم الحكم يطبق العدالة. وتمر الأيام، ومع الصديق عمر البانوبي نعرض كلام موثق على لسان مايك فان دير روست، المسؤول عن تقنية الفيديو (VAR) في الاتحاد الدولي لكرة القدم (FIFA)، وهو بيقول إن لما اللعبة دي اتبعتت له من مصر، قال إن تدخل حكم الـVAR وإلغاء هدف الأهلي خطأ ومخالف تمامًا للقانون.
ما هو برضوا الأهلي الدوري اللي فات حاسب على مشاريب «المعيار المصري» اللي خلّى محمود وفا ميحسبش ركلة جزاء صحيحة في ماتش سيراميكا رغم استدعاء الـVAR. وبعدها نلاقي اللعبة بتتحسب في دوري أبطال أوروبا. ومش كده وبس، ده لما نفس الحكم محمود وفا يروح يحكم بطولة أمم أفريقيا تحت 17 سنة، والحكم يستدعيه في لعبة بالكربون في ماتش جنوب أفريقيا وغانا، فيحسبها ركلة جزاء؛ عشان هنا مفيش معيار مصري يا باشا، دي معايير IFAB، مش هتطبقها هتقعد في بيتك.
فخدوا بالكم، خدوا بالكم من خطورة اللي بيتقال.. لأن السؤال هو: الأهلي بيلعب كام ماتش بحكام أجانب؟ تلاتة ولا أربعة ولا خمسة في الدوري كله؟ طيب ما باقي الماتشات؟! ما هي هتبقى بالمعيار المصري اللي خلّى الكابتن عصام عبد الفتاح يقول الزمالك كان له ركلة جزاء!! مش بمعيار الحكام اللي من كل جنسيات العالم، اللي قالوا قرار الحكم السلوفيني صح ✔️
وبعدين السؤال: هما الحكام المصريين بتوعنا لما بيطلعوا يحكموا في كأس العالم أو أي بطولة خارجية، بيحكموا بالمعيار المصري اللي مختلف مع قرار الحكم السلوفيني، ولا بالمعيار بتاع الـ9 محللين أجانب اللي أقروا بصحة القرار، وإنها مش حالات جدلية أصلًا ومحسومة؟!
فأوعى تفتكر إن القصة بالنسبالي بيانات الزمالك ولا المظلومية.. دي أصلًا معركة خسرانة قبل ما تبدأ، ودي بالمناسبة قصة جماهيرية لا أكتر ولا أقل. إنما القصة إن لازم نصحصح كده لخطورة وتأثير التصريحات اللي اتقالت على باقي ماتشات الدوري.
#كلمتين_ونص
مصطلح " معيار التحكيم المصري " والذى صدر عن بعض خبراء اللعبة عقب مباراة الاهلي و الزمالك كارثة و سقطة بكل المقاييس
اما ان يتبناه رئيس لجنة الحكام نفسه و يكرره فى اكثر من لقاء و مداخلة فتلك طامة كبرى
كدة المنظومة مش محتاجة " تطوير"
كدة المنظومة محتاجة " تطهير"
الناس دي بتدينا هدايا .. أحفظوا عندكم المصطلحات دي علشان هنحتاجها بعد كدا وكلها ماشاء الله في عصر كابتن عصام عبد الفتاح
📍روح البروتوكول
📍الإحتواء
📍وأخيراً …. " معيار التحكيم المصري "
لو الراجل ده مياخدش حقه دلوقتى ، ياخد حقه إمتى ؟
خالد العوضى جاء ليكتب التاريخ الذي يليق باسم الأهلى ، وحتى الآن بالإخلاص والجهد والفكر وروح الأهلى وبدعم من مجلس إدارة النادي الأهلي .. العوضى يخطو بالنشاط الرياضي إلي ما يجب أن يكون .. إلي زعامة القارة فى لعبات كانت فقدت هوية الاهلى .. العوضى أعاد لنا شغف كرة اليد وكرة السلة مرة أخرى ..
العوضى أربع سنوات مع كرة اليد حقق 4 بطولات متتالية أبطال أفريقيا في حدث تاريخى غير مسبوق لأي فريق فى القارة .
لما تتكلم عن مدربين أجانب هتلاقي تطور كبير فى جودة الإختيار ، يرحل مدرب كبير ؟ يتم التعاقد مع مدرب كبير أيضاً، يحترف لاعبين ؟ نتعاقد مع لاعبين يصنعوا الفارق .
بإختصار .. تتغير الظروف .. تتغير المعطيات .. لكن البطل واحد .. الأهلى .
شكراً مجلس إدارة الأهلى على إختيار خالد العوضى .. شكراً خالد العوضى .. صعّبتها على أي حد بعدك ، ووضعت معيار صعب جداً فى اختيار الكوادر داخل النادي الأهلى ..
فى منصب مدير الكرة كان سيد عبد الحفيظ المعيار الأصعب لهذا المنصب ، وفى منصب مدير النشاط الرياضى أصبح العوضى معيار هذا المنصب ..
مبروووك يا عوضى 🦅