كثر ما عندي مزاجيّة وعندي ميول
يوم أكذب نفسي أقدر على تصديقها
كل يوم يمر فـ داخلي أربع فصول
والحياه تطيقني . . بس أنا ما أطيقها
تكبر أحلامي وأضحك وأنا اردد وأقول
خالق الأحلام قادر على تحقيقها
تعاملك يدل على مستواك
قله سنع منك على قله بخت
وأبو البلاوي لا نشدته وش بلاك ؟
أكيد يلقى له من النشده فخت
مبطي مخلي حضرتك على هواك
ألين صرت تحط رجلك عـ التخت
من يوم قدك تسوقها عـ عماك
وحمامة التقدير طارت وأكفخت
خذ من تجاريب الزمن زادك وماك
ياشدتك سود الليالي يا أرتخت
وأن أشغلوك اللي لهم عدة وجيه
أضحك لهم ضحكة وسيع البنايد
و لا تقنع العالم بـشيء مسويه
قد قيل قبلك رضى الناس كايد
الناقصـيـن يكبـرون المشاريه
والواثقـيـن يكبـرون الوسايد
تفاصيل شخصيتي لو أخذ عليها زوم
يجوز أكتشف لغز التناقض ولا أحلّه
غموضي يوضّحني وصمتِي سوالف قوم
ورحيلي بدون أعتاب وأسباب وأدلّه
تكاثرت خذلاني وقفّلت باب اللوم
ملامي على روحي وصبري على حلّه
من العمر كله ما أعرف كم باقي يوم
لكن جعل باقي يومٍ يسوى العمر كلّه
مرحبا يا طلة العيد وصباحه
مرحبا والعيد جاد بعيدٍ ثاني
الوجيه أحيان مافيها سماحه
وأنت يا حلو الملامح مرحباني
تاقف وتجفل مثل ظبي البراحه
عاد وصفك ما توصفه الأغاني
جعل قلبي كل ما رف بـ جناحه
ينثني لك من غلاك اللي كفاني