ⲘⲎⲖⲀⲆ ⲘⲎⲚⲀ

عاوزة أطبطب على كل بنت خلعت الحجاب وشاركت في التريند ده مش لمجرد أنها خلعته لكن عاوزه أطبطب عليها من كمية الهجوم والتطاول والتجاوز والتنمر والوصاية اللي بتتعرض لهم ومن كل واحد فاكر إن من حقه يحاسبها ويقولها : "ما كنتي خلعتيه من سكات" والغريب والمفارقة إن فيه عشرات وآلاف البنات أصلًا مبيلبسوش الحجاب من سكات ومبشوفش نفس الناس طالعة تقولهم "البسوه من سكات" بالعكس تمامآ بشوف حملات دعم وأحترام لفكرة إن كل واحدة حرة في إختياراتها وأن ده قرارها ! طب ما الحرية دي تبقى للجميع ! ليه بتتحول لمبدأ جميل لما القرار يبقى على مزاجكم وتبقى جريمة لما القرار يبقى مش عاجبكم؟ وبعدين هي تتكلم أو تسكت دي حاجة تخصها هي حرة لما تقرر تعلن عن أي خطوة أو مرحلة في حياتها وبالطريقة ال تعجبها ووقت ماتحب بس أنت يانطع منك له مش حر ومش من حقك تنظر وتقل أدبك وتتسافل وتتنمر عليها لأني بشوف شوية ناس براس حمير يقولك نزلت ونشرت تبقى تتحمل ! لا يابجم منك له هى تنشر زي ماهى عاوزه لكنها مش مضطرة تتحمل قذارتك وقلة أدبك وسفالتك لمجرد أنها شاركت حاجة مع الناس إنتوا عارفين مشكلتنا إيه؟ مشكلتنا الكبيرة إن محدش عايز يسيب حد يعيش زي ماهو عاوز وبالطريقة اللي هو مختارها لنفسه خصوصًا الستات وده لأسباب كتيرة يطول شرحها بيتعاملوا مع أي قرار يخص الست كأنه قضية رأي عام وأي ست في المجتمع تخص أي راجل في المجتمع وشايف أنه من حقه يحاكمها ويهاجمها ويمشيها على مزاجه تلبسي على مزاجك وتبقى حرة وهاندعمك لكن تخلعي على مزاجنا احنا وماتبقيش حرة وهنطلع عين أم ال جابوكي وفيه موقف تاني بائس وتعيس للبنات على التريند ده محتاج مقالة لوحده محتاجين نتعلم ونفهم إن حياة الناس مش ملكنا وقراراتهم مش محتاجة موافقتنا ومباركتنا وكل واحدة من حقها تختار لنفسها الطريق اللي هى مقتنعة بيه ومن حقها كمان تعلن عنه لو حبت وأنت تبلع لسانك وتكف قذارتك وذكوريتك والقمع والصفع على القفا ال بتعيشهم في كل ثانية في حياتك لكن واكل جزمة وطالع تنفث على كل بنت تقابلها في خِلقتك علشان كل بنت حرة تعمل ال هى شايفاه يناسبها من غير وصاية ومن غير محاكمات ومن غير ما كل مرة قرار أي بنت يتحول لساحة هجوم لمجرد إنها اختارت حاجة تخصها هي وبس وفي النهاية أنا سعيدة لكل بنت شالت الغبار ده من على وشها وقدرت تتنفس زي كل الخلق الطبيعين

359

17K