Mizo Bible

The Word of God. Daily Scripture reminders

[Mizo Bible @mizoscripture]

“Chutah pawh chuan i kutin mi hruai ang a, I kut ding lamin mi chelh dâwn si a.”
SAM 139:10

[Mizo Bible @mizoscripture]

“Chutichuan, tu pawh thil ṭha tih tûr hriaa ti si lo chu a tân sual a ni.”
JAKOBA 4:17

[Mizo Bible @mizoscripture]

“Vawiinah hian kan ei khawpin chaw min pe ang che.”
Matthaia 6:11

[Mizo Bible @mizoscripture]

“Chutichuan, zahngaihna kan hmuh theihna tûr leh, puih kan ngaih huna ṭanpuina khawngaihna kan hmuh theihna tûrin, khawngaihna lalṭhutphah chu huai takin i hnaih ang u.”
HEBRAI 4:16

[Mizo Bible @mizoscripture]

“I thu hi ka ke atânte hian khâwnvâr a ni a, Ka kawng atân êng a ni.”
SAM 119:105

[Mizo Bible @mizoscripture]

“Hnam tin zîngah a ropuizia hril ula, Mi tinrêngte zîngah a thilmak tihte chu hril rawh u.”
1 CHRONICLES 16:24

[Mizo Bible @mizoscripture]

“Pathian thuchhuak rêng rêng thiltithei lovin a awm lo vang,” a ti a. ”
LUKA 1:37

[Mizo Bible @mizoscripture]

“A tâwp berah chuan unaute u, a dik apiang te, a zahawm apiang te, a fel apiang te, a thianghlim apiang te, a duhawm apiang te, a thang mawi apiang te - ṭhatna rêng a awma, fakna rêng a awm phawt chuan - chûng chu ngaihtuah rawh u. ”
PHILIPPI 4:8

[Mizo Bible @mizoscripture]

“Hnathawktu, thutak thu fel taka hmang chu zak tûr a ni lo angin, Pathian ngaiha ṭhaa inentîr tûrin ṭhahnem ngai rawh. ”
2 TIMOTHEA 2:15

[Mizo Bible @mizoscripture]

“Chutichuan, mi tin hêng ka thu hi hriaa zâwm apiang chu, mi fing, lungpui chunga in satu nên tehkhin tûr a ni. ”
Matthaia 7:24

[Mizo Bible @mizoscripture]

“[11] I chunga thil ka tihsual loh nân i thu chu ka thinlungah ka khâwl khâwm a.”
SAM 119:11

[Mizo Bible @mizoscripture]

“Pathian thu hi a nung a, thil a ti thei a, khandaih hriam tawn eng ang ai pawhin a hriam a, nunna leh thlarau, ruhtuah leh thlîng phel hrang khawp hialin a chhun thei a, thinlunga ngaihtuah leh tumte hi a hre nghâl thei a ni. ”
HEBRAI 4:12

[Mizo Bible @mizoscripture]

“A tîrin Thu a awm, Thu chu Pathian hnênah a awm, Thu chu Pathian a ni. ”
JOHANA 1:1

[Mizo Bible @mizoscripture]

“Pathian Lehkha Thu zawng zawng hi Pathian thâwk khuma pêk a ni a, zirtîr kawngah te, thiam loh chantîr kawngah te, zilh kawngah te, felna zirtîr kawngah te a sâwt bawk a ni;Pathian mi chu hna ṭha tinrêng thawk tûra kim taka inthuamin a famkim theih nân.”
2 TIMOTHEA 3:16-17

[Mizo Bible @mizoscripture]

“Aw Pathian, ngun takin mi en chhuak la, ka thinlung hi hria ang che; Mi fiah la, ka ngaihtuahnate hi hria ang che;”
SAM 139:23

[Mizo Bible @mizoscripture]

“Ani chuan thim thuneihna laka min chhan chhuakin, a Fapa hmangaih taka ramah chuan min kaitîr ta a; ”
KOLOSSA 1:13

[Mizo Bible @mizoscripture]

“ṭawngṭaina leh dîlna tinrêngin eng hun pawha Thlarauva ṭawngṭaiin, chumi kawngah chuan mi thianghlim zawng zawng tân ṭhahnemngai tak leh dîl tlatin ngaihven rawh u; ”
EPHESI 6:18

[Mizo Bible @mizoscripture]

“Thlêmna tuar hrâm hrâmtu chu a eng a thâwl e; fiaha a awm hnuin nunna lallukhum, Lalpan amah hmangaihtute hnêna a tiam chu a hmu dâwn si a.”
JAKOBA 1:12

[Mizo Bible @mizoscripture]

“hlau suh u, kei in hnênah ka awm si a; mangang suh u, kei in Pathian ka ni si a. Ka tichak ang che u a, a ni, ka ṭanpui ang che u; ka felna kut ding lamin ka chelh reng ang che u. ”
ISAIA 41:10

[Mizo Bible @mizoscripture]

“Elrel leh inngaihhlut avânga eng mah ti lovin, mi tinin inngaitlâwm takin mahni aiin mi dang ṭha zâwkah ruat ṭheuh rawh se; ”
PHILIPPI 2:3