𓃗. مّ

- لو ضرّك الوقت دورني وتلقاني "

[𓃗. مّ @mmal1_]

" لا هزّك الشوق بابي لك مشرّع "

[𓃗. مّ @mmal1_]

اذا باعك اللي ما رحم قلبك الحساس
تلفت وتلقى شمعة القلب تضوي لك

تعال وتذرّى بين غصن الرجا والياس
تحت جذع صدري لين توقف على حيلك

بعدها تعرف ان الذهب ذاك كان نحاس
ولا فيه احد كثري من الناس صافي لك

على سور قلبي لا تغرك جموع الناس
ترا ما ورا بيبانه .. إلا مداهيلك

[𓃗. مّ @mmal1_]

انا اللي شفت في وجهك طهارة قلب ما ينعاف
و معك ما زادت احزاني معك يا خفّة دموعي

فداك الشعر والشاعر و قافٍ ما عليه خْلاف
و فداك القلب يوم إنّه لدربك صار متبوعي

أشوف بعينك اليمنى بلادٍ ممتلي بـ إنصاف
وأشُوفك بين طيّات القصيد و لمة ربوعي

[𓃗. مّ @mmal1_]

" اللهم إني أستودعتك أمري، وما حاك في صدري، وما أنت أعلم به مني، دبرني يارب فإني لا أحسن التدبير."

[𓃗. مّ @mmal1_]

والله إني مستحيل اقوى واسوي بك سواتك
يا جميل بعت لجلك ماكسبت من البدايه

كيف تدخل الشكوك ومن هواك ومن غلاتك
صرت أشوفك في عيوني كل ماشفت المرايه

حظ والله نسمة زارتك حتى في مباتك
ياغزال في عيونك حلم وامال وروايه

كيف يقوى حر يشق الجبل شق اللسانك
لالمح عين تجيد السحر وتجيد الرمايه

[𓃗. مّ @mmal1_]

في ليلةٍ قمرا تخايلها السَحايب في الظلام
مالي سوى يدينك طريق وضيّ وجهك وجهتي

أدري بأني معْك لا يمكن أضيم ولا أُضام
مادامك المسرَى فلا بَـه شيء ينزع فرحتي !

أستعْذبك وإنت أعذب من المَاء في حزّة صيام
و أنسى معك بُعد المسَافة دام وجهك غايتي

[𓃗. مّ @mmal1_]

"معك من وين ما ودّك بلا مرسّى ولا ميقاف
معك لو مالت أوراق الشعور المنهّك الذاوي

معك حتى لو سّنين الحنين الماضيات عجَاف
معك حتى وانا مدّري علينا الوقت وش ناوي"

[𓃗. مّ @mmal1_]

مع الفجر احبك قبل حتى صباح الخير
و قبل لا يغرّد طير الأغصان من عشّه !

احبك كثر ما هّب نسمه وغرّد الطير
مع ان المشاعر خلف الأضلاع منخشّه .

[𓃗. مّ @mmal1_]

يا ألطف من الغيم وأمتع من رذاذ المطر
في عيوني أحلى من القمرا ومن نورها

تصدّقي بالكلام اللي ماهو مختصر
الناس دايم تصدّق حسب ميسورها

أنا فقير المواصل وانت كلك نظر
ترى الفقارى قليلك يبهّج صدورها

الليله اللي تجيبك ذيك ليلة عمر
وأنتي مسا خيرها وانتي مسا نورها .

[𓃗. مّ @mmal1_]

نهب قلبي هواك وصار قلبي في هواك أْسير
عيوني زاهدة في كل شي وفيك طماعة

تمنّي ما تبين ولك علي اللي تبين يصير
لي أدوّر رضاك و مالك إلاّ السمع والطاعة

دلالك غير عن كل الغواني لأْنك أنت ِ غير
فدى بسمتكْ روح ٍ جاتك مْن الشوق منصاعه .

[𓃗. مّ @mmal1_]

" أنا لولاي أحبَّك ما بذلت لـ ضحكتك مجهود !
ولا غنّيت في بيوت القصيد . . وبيتك أثمنْها

تحمَّلت اللَّيالي . . في ديَارك ! ما قدرَت أعود
وأنا ما أقدَر أخوْن أيَّامها . . لو قلْت لي : خِنْها

أحبّ أحلى مشاوِيْري لـ عينك يا أوَّل العنقود
وأعرف إن الصباحات الجميلة . . تنخلق منْها "

[𓃗. مّ @mmal1_]

يشين الحظ وبعينك يصير الحظّ : يا كبره
وتضيق الارض ما ضاقت معاك اربع تجاهاتي

[𓃗. مّ @mmal1_]

رذاذٍ ما سقى خدّك
وعنقود العنب ما ابيه

وتينٍ ماحضن يدّك
ولو طاب ونضج ما اشريه

دخيل الله من صدِّك
ومن طول الجفا وطاريه

أنا اللي لو صفا ودِّك
باطير من الفرح والتيه

[𓃗. مّ @mmal1_]

"شعاع الشمس لو إنّه يشق السور
أنا احسّه ظلام إنّ ما شرق وجهك"

[𓃗. مّ @mmal1_]

خدرة السّود الوساع اللي تقيدها المبادي
لا استحت غطت بيدها ضوح نور ونار حيه

اقتصاديه وانا فالحب ماني باقتصادي
كل يوم انحر لخاطرها من احلامي ضحيه .

[𓃗. مّ @mmal1_]

عن ربيع احساسك العذب ما تبت الطراد
لين ربّيت المواثيق وافنيت الشكوك

امسح الخوف وتسامى وصدّ من السواد
نهجر الليل ونسيم البراد ان روّعوك

انت بين العين والقلب يزهاك القعاد
مثل لا منّك تربعت بين امك وابوك.

[𓃗. مّ @mmal1_]

عليك من الضيا و النور ليلٍ يحتري ملفاك
و روحٍ عانقت حضن الرجا في بردها العاتي

ذرى عن كل ما يوحش مكانٍ خاطره لقياك
سرى .. عن كل همٍ مايضيم الا مع سباتي

ورى ذيك النجوم الحايرة من مبسم محيّاك ؟
عذوب المنطق اللي لاحكى يخطفني من ذاتي

[𓃗. مّ @mmal1_]

وبكِ أختِم حّياتي وكُل الأمنيات

[𓃗. مّ @mmal1_]

شعوري تجاهك فيه كيف أبتدي ومنين ؟
عسى نبرتي تنبيك عن حجم حرماني

أنا مثل كلمة واضحة في عيون اثنين
من الشوق كلٍ ينتظرها من الثاني

[𓃗. مّ @mmal1_]

لازال القديم من الليالي معك ينعاد
إذا شفت ظنك شك في محبتي قلّه

ولازال صدرك عن حنين الغريب بلاد
تبعدّني ظروف العمر وأرجع لـ ظلّه

توقف ملذات العمر بين شرب وزاد
ولا ألذ من صوتك الى جاء في حلّه

جعل كل يومٍ قد مضى لي معاك يعاد
وأنا مايكفيني معك مامضى كلّه .

[𓃗. مّ @mmal1_]

اقبلي ياطب قلبي وارتياعي
اقبلي عقب المسافات الطويله

واحضنيني ياجميله من ضياعي
الضياع اللي ماخلا لي وسيله

مرحبابك من ذراعي لـ ذراعي
جابك الله علم وانتي حلم ليله

ياثمر قلبي وشوقي واندفاعي
ياغناتي فالسنين المستحيله

مدّعين الحب والشوق الصناعي
كلبوهم فدوةٍ لك ياجميله