ماضي العتيبي

بكالوريوس جامعة الملك سعود - شاعر احب الرسم والقراءة والتنزه في عقول البشر تجدون بعض كتاباتي في المفضله

[ماضي العتيبي @mmffmm3]

@KAlshebani ألف مبروك زواج ابنك يابو عبدالله
بارك الله لهما وبارك عليهما وجمع بينهما في خير، وأسأل الله أن يديم عليكم الأفراح والسعادة.

[محمد بن ماضي @M7mdBinMadi]

@majed_almhl انا .. كتابٍ ثري بـ " المعرفة " محتواه
موجود في عصر ساد الجهل عند البشر

اصبح حبيس الرفوف ، ولا به احدٍ قراه
على غلافه من " غبار الليالي " آثـر !

[محمد بن ماضي @M7mdBinMadi]

يهبّ الهواء البارد وغرّ المزون تْهل
ما سرّت وحيدٍ لاوعت قلبه الغربه

شعور الحزن في داخله ما لقى له حل
يسرّح مع الأفكار ، والروح مضطربه

حرقه الحنين وزاد همّه ، وضحكه قل
بعد ما وله لأمّه ، غشت صدره الكربه

حدته الظروف وسافر لـ غايته ما كَل
وطى فوق غارب كل شدّة على دربه

كبير الطموح يناطح الخطْب كل ما جَل
تسلّح بعزمه ، وارتدى الصبر في حربه

ما وقّف على عِدّ الثراء اللي يشوبه ذِل
عزيزٍ يموت من الضمى ما قبل شربه !

[ماضي العتيبي @mmffmm3]

@RashidALolaimi بعض السوالف لبسوها شراعي
ياعليمي

[ياسر المقاطي @ALMUQATI____]

تقرير خاص مرسل إلى الأستخبارات البريطانية في الجزيرة العربية تذكر أقوى قبائل البادية شيوخ وفرسان البادية ومن ضمنهم قبيلة عتيبة ومن ضمن الأسماء المذكورين في الوثيقة:

١- ابن حميد
٢ -بداح بن عتيق من أشهر فرسان القمزة من المقطة
٣- الخنافرة من قبيلة المقطة
٤ - عبدالله بن فعران
٥- فالح المزمل الخميج من عقداء قبيلة المقطة
٦- الهوارنة من قبيلة المقطة
٧- متعب بن ثويب ?
٨- الخلد من قبيلة القثمة
٩- سلطان العبود شيخ قبيلة القثمة
١٠- ساري ?
١١ -أبو رقبة النفيعي
١٢- الظفارين من المقطة
١٣- أبن حجنة
١٤- ابن مسيفر الشيباني
١٥- ابن سحمان الشيباني

ملاحظة
فيه أسماء ماهي واضحة لِذاً تجنبت ذكرها
#موروث_المقطه
#موروث_عتيبة

[قوت | قارئة النصوص @Qout_55]

استغلال فرصة السعوديين للعمرة بهذي الاسبوعين ورفع أسعار التذاكر بهالشكل الوقح حركة مالها أي مبرر الا جشع شركات الطيران عندنا في السعودية !!

الناس ما صدقوا تجيهم هالفرصة وتجي شركات الطيران تضيق عليهم وتستنزف جيوبهم بدون أدنى مراعاة.. قمة الوقاحة و الاستغلال والله

[البلجيك @bdwy69fahm]

هل استفز فايز المالكي كل رخيص ورخيصه يتسول عبر البثوث وكل مغفل ومغفله يدعمون بغباء لتشن عليه حرب البسوس ؟

قال الواقع دون تزييف واغلب من قصدهم تنازلوا طوعاً لاجل المال
عن مبادئهم وقيمهم دون عيب اوحياء.

@fayez_malki

[سعود @MemesOficiial]

داود الشريان فضح الواقع المر:

الشاب السعودي المتعلم جالس عاطل في البيت، يدور على فرصة وما يلقاها..
بينما الأجنبي مرتاح في مكانه، يجيب "ربعه" وشبكته، يسيطر على الشغل

الأجانب يأخذون الراتب والمنصب والراحة.. وأبناء الوطن يدفعون الثمن بالبطالة!

[ماضي العتيبي @mmffmm3]

*تقبل الله صيامڪم وقيامڪم وصالح أعمالڪم.وجعلنا الله وإياڪم من المقبولين*

*عيدكم مبارك*
*وڪل عام وأنتم بخير*

[محمد بن ماضي @M7mdBinMadi]

#يوم_التاسيس
🇸🇦🇸🇦
سقاك الغيث يا نجد العذيّه .. معقل الفرسان
قِفارك من غزير المجد صارت سيرةٍ حيّه

بعد ما نجّسوك برجسهم . . تبّاعة الشيطان
نخيتي من يطهّرني ؟؟ بدعوة حقّ منسيّه !

ظَهر فـ ارضك محمّد بن سعود مْجندل العدوان
يوازر شيـخ غاياته . . صـلاح الديـن والنيّه

بشرع الله سمو بك ، وانتهى الشرك وبدا الإيمان
( بتوحيد الإلوهيّه . . . . وتوحيد الربوبيّه )

بدت منك الفتوحات ، وتفشّى العدل والإحسان
على شبه الجزيـرة .. بعد دانـت لـ السعوديّه

من التأسيس إلى تركي ليا معزّي .. ليا سلمان
تحت هيبة " هل العوجا " ثلاث قرون محميّه

[عبدالمجيد الذيابي @Sh96F]

(هاتف العمله)

راحتي وعنايتي في يدك ياجزل الوهايب
دلّني قدام لاتغويني النفس الكتومه

تكتب الأقدار وتصرف ذعاذيع الهبايب
كل شيً تعرفه قدّام لانعرف علومه

والا أنا لو أقدر احرك مراويح السحايب
كان خليت المزون من الرياض اليا تنومه

للصعاب من الظروف وللكبار من النوايب
احتزم بالمعرفه وضلوعي العوج محزومه

مااتخلاّ عن بنود المعرفه سلم وحرايب
المبادي فالمحبه والمبادي فالخصومه

لو تغيب الشمس عن مطلاعها مانيب غايب
عن مواقيف البلاد اللي عن الظيم محشومه

الظروف ترد مثبور العزوم اعن الرقايب
مير ماتقدر ترد الذيب الأشهب عن سلومه

والسيوف الفارقه تطلع من بطون المصايب
والشجاع اللي يبا الامجاد ماتقصر عزومه

ماتدرّق عن وجيه الخيل ووجيه اللهايب
لو تنصّاه الفشق ماجاه يومً غير يومه

احترامي للسلوم وللقبور وللنصايب
واحترامي للنضام يخلي النفس معصومه

اعرف ان اللي وقف في موقفه مقدي وصايب
فالدفاع اعن الوطن وعن القياده لاتلومه

الوطن يفداه مال وروس وارواح وركايب
ينتصر بعناية الرحمن والروم مهزومه.

قبلة الدين الحنيف وثامن السبع العجايب
مع هل العوجا وغايات المعادين مهدومه

كل ما هدا لهيب النار زدناها شبايب
لين خلينا وجيه اهل الدنانير مخطومه

المثايل زينها همّة ولد وسلوم شايب
والقصيد المعتبر مافي سماه الا نجومه

واعرف ان المرتزق خايب ومن يعطيه خايب
لا يدافع عن وطن ولايدافع عن حكومه

لو يعذرب ديرة التوحيد ملعون الصلايب
والله انّه ما يشم ترابها ولايهومه

من ورا الجوال ياكثر القصايد والطلايب
والحقيقه لو يواجه له مره تاخذ هدومه

انت مثل الحر الاشقر مير بعيون الحبايب
وفي عيون اللي يعرفون الحرار الشقر بومه

كثر ماقابلتنا عشرين مرّه وانت هايب
كثر ماشفناك تغشاك اللطافه والنعومه

انتبه ياهاتف العمله يحطونك سبايب
البحر لو يحذفونك فيه ماتقدر تعومه

لاتقلد كل من شاف المذله والغلايب
استرح في ديرتك ياخبل والحرب محسومه

معركة تغلب وبكر يقودها جيش وكتايب
وانت لابكري ولا انت بتغلبي ناخذ علومه

والله إنّا نحقر الشعّار لاصارو جلايب
تشتريهم فالقسا وتبيعهم وقت العزومه

[محمد بن ماضي @M7mdBinMadi]

مضيف الياس . .

[سداح العتيبي @saddahalotaibi]

الحمدُ للهِ الذي عافَانا مِمَّا ابْتلاهم به، وفضّلنا على كَثيرٍ مِمَّنْ خلق تَفضِيلًا

لا يصح تصوير الجنائز والولائم والمرضى والمصابين .. واعتقد ان المهووس بتصوير كل شي فعلا لديه خلل نفسي !

[سداح العتيبي @saddahalotaibi]

#ابو_مرداع

مسببات الفراق انواع
واقساهم اللي تعرفونه

الموت لارواحنا نزّاع
سنّه وللناس مسنونه

قولوا معي طلبة ٍ تنذاع
يا اللي لكم ربّ تدعونه

عساه مرحوم ابو مرداع
الله تحت ظلّه يصونه

طيّب ومحبوب بالإجماع
كل الخلايق يحبّونه

رحمك الله رحمة ً واسعه يا من اتفقت الناس على حبّك وأحزنها موتك .

[سداح العتيبي @saddahalotaibi]

#نوبل_للسلام
#محمد_بن_سلمان
#غزة_تنتصر

[ماضي العتيبي @mmffmm3]

@saddahalotaibi صح لسانك 👏🏼👏🏼👏🏼👏🏼

[سداح العتيبي @saddahalotaibi]

من يغار مْن الرياجيل ملطوم الجبين
فيه خصله من خصال الشعور الانثوي

العرب من سلمها ما تذمّ الطيبين
والخلايق فيهم المعتدل والملتوي