ممدوح الروقي

ماكسبناه....لادراك المعالي ضحيه/والمكارم نزلنا سوقها واشترينا

[مسعود سعود بن قويزان @Bn_qoizan]

"جديد : محماس بن شميسان"

[محماس بن شميسان @binshmisan1]

يوم إنها فوق الحراير والمهار المسرجات
ب افعالهم تعرف معالم نجد ويسمونها

[سند @ii3snd]

استرح يا شيخ.. لا تقوم

كلمات قالها سمو وزير الداخلية للشيخ صالح الفوزان حفظه الله قبل تقبيل رأسه..
مشهد يختصر تقدير قيادتنا للعلماء، واحترام كبار السن، والتواضع وحفظ مكانة أهل العلم

[محماس بن شميسان @binshmisan1]

كل ماقيل اسم عبدالله النايف
المدوح من الغياب إتلافنا

[سند  @snd_s1]

-

تتكلم الصحراء مع الريح تكليم
تكشف سراير قصةٍ في حقيبه

'

خيلٍ تناقل بالعيال الشغاميم
اللي يبيعون .. الحياة بزبيبه !

- خلف بن هذال

[سند  @snd_s1]

- لوحة من الماضي :-

وجودي وجد من قفوا بذوده
سرية قوم مقدمها مقااااطي

قطع مسروحهااا قدام أهلها
بـ ليلٍ فيه من كثح الشباطي

- ناجي ابو ليل السبيعي

[سند  @snd_s1]

- من كلمات شاعر الوطن :-

في الخلا واخط بالرجل وأقيم الصلاة
واشكر الله وأعبده ماعبدت الدرهمي

ناصب بيت الشعر والرفاف مشرعات
والذلـول مقيّـده ، والعبيّــاء تـرهمي

—

ماتطبّعني حضارة ، ولي مبـدا وذات
خادم ديني واباخـدم مليكي وعلمي 🇸🇦

- خلف بن هذال ، جنادرية 1422 هـ

[سند  @snd_s1]

- الهواجيس عالم آخر :-

وصلت بهواجيسي بلاد العجم والروم
وأنا حـوش بيتي مـا تعـديت بيبانه .!

[سند  @snd_s1]

-

رعيـنابها وسمـيةٍ عرضها ،،، ( 10 )
على طول شام المملكه بين عقم وشبك

‘

الا قسمت الارزاق م العالم بخشره
ولا خاشـرونا في عبيـره ياكود ( أبك أبك )

‘

رجالٍ تسوق البوش مارددوا نشره
عن المرقب اللي من يشوفه يصيبه ربك

- طاحوس ابن عيبان الدوسري

[سند  @snd_s1]

- تقبل مروري ياراع العشوى :-

( الصيف ) مدخاله بلا شك ماكود
قالوا من البااارح ، تملا خباري

سمعوا على هاك المشاقيق لرعود
والبرق قال مخايل البرق ساري

للشاعر الكبير @binshmisan1

[محماس بن شميسان @binshmisan1]

بعض التعامل والمجامل مضري
وبعض الجواب من الصواب يتعرا

[سند  @snd_s1]

البـارق اللي طول ليله ، مسرّي
سريت اخايل ، بارقه واتحرّا

انا مـن ازعاج البلد ، مستظرّي
وان كان باقي لي سعة بال برّا

ليا قام يزجر راعده مستمرّي
وغطى الفضاء من يمّة الغرب غرّا

مداعب النسناس والجو برّي
وعزّل رباب المزن والوبل سرّا

- محماس بن شميسان

[سند  @snd_s1]

- مُجاراه ي @b2b3r
تقبل البويتات هاذي منّي :-

انا شدّني قافً من البحر غارفه
اللي يجيده واشتهر من عوارفه

شاعر وحط بصفحة الشعر بصمته
وشوارده من فن الإبداع تارفه

مثايله يعجب هل الذوق طرقها
وتعد من سحر البيان ومصارفه

تمعنت في حرفه وجاريت بادعه
وانا ادري وش اللي في ضميره وعارفه

[شبّاب @b2b3r]

من الأرشيف القريب ابيات على #بحر_الهلالي القصير :

من العين دمعً فوق الاوجان ذارفه
سوات السيول اللي على الخد جارفه

طيور الفرح لي عام ما اوحيت سجعها
وسباع الحزن بين المعاليق هارفه

وجودي وجود اللي تغرب عن الوطن
وحياته على ' الستين وأربع ' مشارفه

قضا في سجون الظلم عقدين كامله
لو يشوفه اغلى الناس ماهوب عارفه

بدايه شبابه يطلب العلم مَرتحل
وتغرب عن بلاده واهله ومعارفه

ليا عاد بالذكرى لداره وأحبته
تسلى لو ان الحزن ياكل طوارفه

وعلى عنفوان العمر زادت صبابته
سنين الصبا يوم ان الأغصان وارفه

هذا مثل حالي لا سريت بهواجسي
وكتبت البيوت اللي على البال طارفه..!

- @b2b3r

[سند  @snd_s1]

كان دق مروّج الحرب ناقوس الخطر
انتخينا نخوة الدين واعلنا الجهاد

غير اوامر مصدر الأمر مانخضع لامر
عندنا مبدأ و ذمّه ونيّه واعتقاد

ما نجي في باب فتنه ولا نرضى الضرر
عن مصالحنا نقول الحذر والإبتعاد

نحتفظ باربع مبادي كلامٍ مختصر
العقيده والوطن والولاء واخذ الحياد

- خلف بن هذال 🇸🇦

[صفحة قبيلة عتيبة @Otaibah_alhila]

-بدع ورد -
بين محمد سعود الزقيحان العصيمي
والشاعر : محماس بن شميسان @binshmisan1

[المصطفق @Almstafk]

الشاعر محماس بن شميسان
صح السانك يستاهل ابن جدعان
#مشعل_بن_جدعان_الزيادي
#مهيوبات_عتيبه
#اسطورة_الشعل

[مسعود سعود بن قويزان @Bn_qoizan]

قصيدة الشاعر الكبير : محماس بن شميسان
بمناسبة سلامة الشيخ : طلال بن فيحان بن فهيد وخروجه سالم معافى

[سند  @snd_s1]

ليا شبت الهيجا وطير المعارك حام
يطب الها اواليدٍ ، ترمي عمايمها

تحت راية التوحيد والمنهج الجزّام
ليا دارت الجولات ، نجلا لوايمها

رجالً على الشدّات مانطري المهزام
لو اللقمه اللي فاليدين نتقاسمها

- ك / محماس بن شميسان 🇸🇦

#المملكة_العربية_السعودية
#الرياض

[معكاز الشعر KSA @i_i50l]

ليا شبت الهيجا وطير المعارك حام
يطب الها اواليدٍ ، ترمي عمايمها

تحت راية التوحيد والمنهج الجزّام
ليا دارت الجولات ، نجلا لوايمها

رجالً على الشدّات مانطري المهزام
لو اللقمه اللي فاليدين نتقاسمها

- ك / محماس بن شميسان 🇸🇦