للتاريخ والتوثيق للأجيال القادمة التي لم تعاصر الواقعة العبارات التالية بين القوسين من حيثيات حكم المحكمة الرياضية الدولية " ما حدث كان مخالفا للائحة ولكنها لا تستطيع اتخاذ القرار المناسب لأن مجلس إدارة رابطة الأندية المحترفة حصن قراراته من الطعن عليها أمام أي من الجهات القضائية أو جهات الطعن" .
مجلس ادارة نادى الزمالك نزل الانتخابات بقائمة واحدة ونجحت بالكامل. الى حصل فى ٢٠٠٥ بين مرتضى وإسماعيل سليم وفى ٢٠١٧ بين مرتضى وهانى العتال من خلافات "طبعًا الشخص المشترك بينهم واحد" لكن فى الاخر الخلاف كان بيحصل بين شخصيات منزلوش مع بعض فى قائمة واحدة. طبعًا الطبيعى ان الناس تشتغل لصالح النادى حتى لو مع اعداءها. بس ما علينا فى الاخر مبرر الناس دى آنهم أصلًا نازلين ضد بعض فى الانتخابات من الاول وتم انتخابهم سوا
لكن المجلس الحالى حجته ايه؟ انتوا نجحتوا بنسبة ١٠٠٪
لكن واضح وضوح الشمس انكم مش حابين بعض؟ مش ايد واحدة؟ ليه كل شخصين فى وادى؟ ليه لما اعلامى يهاجم كابتن احمد سليمان نلاقى تانى يوم عضو مجلس ادارة تانى وهو كابتن حسين السيد طالع معاه ضيف؟
يعنى ايه يا كابتن أحمد سليمان تصريح لو المجلس طلب منى التدخل لحل ازمة بن تايج هتدخل؟ هو حضرتك مش مسئول معانا فى النادى ده؟ ليه كل واحد فيكم فى وادى وهان عليكم النادى ده؟
ده الواحد فى الاول والاخر مشجع لكن والله لو فى ايده اى شىء للزمالك عمره ما هيتاخر. لكن حضرتك مسئول أصلًا ده واجبك الى بسببه تم انتخابك عليه
فى الاخر هيفضل اللوم على كابتن حسين لبيب لانه لو حاكم الدنيا ماكنش كل شخص منكم فى وادى. فى الاخر لو الرئيس حاكم فعلًا ماكنش كل ده حصل
الزمالك فى اصعب وقت له بتاريخه. وقت بيهدد تواجده بالاساس. وبدل ما كل واحد فيكم يحط ايده فى ايد التانى. كل شخص شغال مع نفسه وبيقول يلا نفسى المهم انا مبقاش فى وش المدفع
حبوا بعض ولو مش عارفين اعصروا ليمون على نفسكم عشان النادى ده. مدوا ايديكم لكل الناس الى برة
انتوا مش حاسين بوضع النادى. والله العظيم الزمالك فى حرب وجود.
امبارح حدث اغرب حوار ممكن يعملوا اعلامي مع لاعب...
شوبير مستضيف جنش وبيساله بشكل علني كده انت كنت بتفوت للزمالك يا جنش....
جنش قاله... افوت للزمالك ازاي يا كابتن مش فاهم.. انت شايف ان ده سؤال طبيعي... يتسال للاعب.
شوبير: اه طبيعي.. انت لية شايفه مش طبيعي..
جنش احُـ‘ـُرجه وقاله : اصل انا لما كنت ف مودرن لعبت معاهم ضد الزمالك اربع ماتشات وكسبت منهم ماتش وعلي فكرة ده الماتش الوحيد اللي مودرن كسب ف الزمالك ف تاريخ النادي... لكن انا شوفت حضرتك مستضيف الكابتن علي ماهر اللي لعب ضد الاهلي 40 ماتش مكسبش الاهلي منهم ماتش ومسالتوش السؤال ده
شوبير رجع ساله سؤال اغرب وقاله... اصل ف ناس بتقول انك بتفُـ‘ـُوت عشان بتحب جمهور الزمالك ومش عاوز تشوفهم زعلانين...
جنش احُـ‘ـُرجه تاني وقاله... طب ياكابتن ما علي ماهر بيحب جمهور الاهلي وسعد سمير اللي كنت مستضيفه بيحب جمهور الاهلي واحمد ياسر ريان من ابناء الاهلي وكان معاك امبارح وقال انه بيحب جمهور الاهلي.. ليه حضرتك مسالتهمش نفس السؤال وقولتلهم انتوا بتفُـ‘ـُوته للاهلي ولا لاء...
-وانا الحمدلله اتعلمت ف نادي الزمالك الامانه والشرف اهم من الفوز بدليل ان لعبت ضد الزمالك اربع ماتشات وكسبتهم ف ماتش وجمهور الزمالك مقلش ضدي كلمه وحشُـ‘ـُه بعد ما كسبت الزمالك وكان مبسوط بالاداء بتاعي كمان.... لكن في ناس تانية من ابناء الاهلي لعبت ضد الاهلي 50 ماتش مكسبوش ماتش كنت اتمني حضرتك تسالهم نفس السؤال
مش هاتكلم عن اللعيبه اللي عماله تفسخ في عقودها مع الزمالك بسبب المستحقات المتأخره ولا عن شكاوى اللعيبه ان النادي خرابه من كل اتجاه ولا يمت لسمعة اي نادي كبير بصله..
بس هاتكلم عن مجلس الاداره اللي محدش عارف بيعملوا ايه لحد النهارده، ممكن اعرف وظيفه واحده توحد ربنا للاصنام اللي اشتغلوا الجماهير قبل الانتخابات واستغلوا حاجة الجماهير للاستقرار والتخلص من المجلس الاسبق!
شياطين دول اكيد مش بني ادمين، والمشكله ان مفيش عندهم حياء!..
الصراحة لو المجلس ده نيته خير كان دفع المبالغ الصغيرة مستحقات الأجانب وكان باعهم كلهم في الانتقالات الشتوية ووفر فلوسهم لكن النية واضحة تماما هي اغلاق ونهاية الزمالك
نجحتوا تعملوا اللي فشل فيه كل اعداء النادي والله ، انتو افقدتوا الزملكاوية الشغف والامل في الزمالك والله
الناس لا بقى عندها اهتمام باللي بيحصل للزمالك ولا امل في اي نجاح
ربنا ينتقم منكم
🔴 وكأن كل شيء متعمد… وكأن السيناريو مرسوم بالحرف!
لاعب وراء لاعب… شكوى وراء شكوى… والمستحقات متأخرة، والبيت بيتنا بينهار، وإدارة الزمالك ولا كأنها شايفة حاجة!
🚨… النادي بيغرق… واللي ماسكين الدفة نايمين في العسل!
إزاي كل ده يحصل ومحدش اتخذ خطوة واحدة؟
إزاي نادي بحجم الزمالك يتحول لساحة مفتوحة للهروب والشكاوى؟
إزاي الإدارة واقفة تتفرج؟
🔴 ده مش إهمال… ده تقصير فاضح
ده مش سوء إدارة… ده انهيار إداري كامل!
والضحية؟ الجمهور… الكيان… اسم الزمالك نفسه!
🔴 ارحلوا فورًا.
الزمالك أكبر من أي حد… وأكبر من إدارة نايمة سايبة الكيان يضيع.
اكتشفت ان هناك زملكاويه اكتر مما اتوقع واتخيل ، وعندهم قدره راقيه على التعبير والتاثير ، الدماغ الزملكاوى تقيل ، وان شاء الله ياتى اليوم اللى ناخد حقنا فى البلد دي ! اما عن ارض النادى فنحن ندفع تمن سنوات من التخبط وعدم الاستقرار ، كل الامل ان ناخذ فرصه اخيره ونستغلها على سبيل التغيير
من بعد الماتش وانا ساكت علشان انا مؤمن ان بعد اى اخفاق من حق الجماهير تعبر بطريقتها عن غضبها وحزنها بس عاوز اقول كلمتين هما رأي شخصي ومش رد على حد او تنظير والله لان كل واحد حر
بيان الشكر خطأ فى محتواه وتوقيته ولذلك لم اعلق عليه وتوفير المستحقات للفريق بيعمل استقرار وهدوء والاعلان عن افتتاح ملعب كروكيه علشان شقيق شخص معين وعمل احتفال ده شئ مستفز للفريق اللى انت لسه قايله مفيش فلوس
كل دى اسباب مهمة ومنطقية وفى توقيت حرج لكن مش دى الاسباب اللى تخلينى اتعادل مع الجونة مع كامل احترامي ليهم
الراجل ده انا قلت رأيي فيه ومن بعدها مابقتش اتكلم عنه لانه خلاص مكمل معانا ودى رؤية المدير الرياضي
الراجل ده بعد معسكر اعداد وبعد توقف دولي اسبوعين بيكرر نفس الاخطاء بنفس الطريقة ومش فاهم ده غباء ولا عند ولا تعمد لضياع النقاط
خرجت بارون بعد خناقة كبيرة لتسجيله وسيبت عمر جابر بدون بديل فيعاقبك ربنا ان عمر يتصاب وتضطر تلعب مصدق باك مكانه ودى غلطة كبيرة ان لاعب يتم استبعاد بديله الوحيد المتاح
تيجي بقي مباراة الجونة تستبعد احمد ربيع البديل الوحيد المتاح لدونجا وتكرر نفس الخطأ وتتعاقب نفس العقاب ودونجا يتصاب وتتعادل
الراجل ده قال وشدد بكل قوة على الجميع محدش يفكر فى مباراة الاهلي لان عندنا مباراة مهمة وهو نفس الشخص اللى راح لاهم لاعب بالفريق والمباراة شغالة واللى عنده حلول فردية تخلص اى مباراة وطلب منه ياخد انذار علشان مباراة الاهلي مع انه لعب حسام عبد المجيد اللى ليه بديل وواخد انذارين واللى كان سبب فى هدف التعادل!!
الراجل ده معاه 2 محللين اداء وفشل امام فرق زى الجونة ودجلة والمقاولون فى تحقيق الفوز طيب المحللين دول مع كامل الاحترام دورهم ايه وشايفين الاخطاء بتتكرر
لو المحللين بيقولوا ومحدش بيسمعهم يبقي مكملين ليه ولو مش بيقولوا طب جايبين 2 ليه ؟
الراجل ده بيبدأ كويس بس اختياراته لعناصر دكة البدلاء لغز يخليك عند الدقيقة 60 مرعوب وايدك على قلبك لانه هيتدخل ويعمل تغيير من الدكة اللى تم اختيارها غلط فى البداية
فى النهاية الراجل ده مكمل شئنا ام ابينا وهو واللعيبة ضيعوا مننا 7 نقاط فى جدول هدية من ربنا لاول مرة ورفضوا هدايا المنافسين واصبحت مباراة الاهلي عنق زجاجة وصغط نفسي علينا بعد ماكانت ضغط نفسي عليهم
اتمنى من الله زى مالعبوا امام سيراميكا والمصري وكانوا رجالة يركزوا وكفاية تكرار للاخطاء واتمنى الادارة تتصرف وتوفر الهدوء المادي فى الفترة دى بأى طريقة وتحدد اولويات الصرف وتحط فريق الكرة اولوية قبل اى شئ
اخيرا مش هتكلم على لعيبة ولا احدد اسماء علشان الماتش بس رسالة لچون ادوارد بهدوء كده حتى الان صفقات الزمالك محمد اسماعيل و خوان وعدى الدباغ فقط لا غير والباقي اما فى المستشفى او على الدكة وده مش مقبول
قدر الله وماشاء فعل ولعله خير من الله
معتقدش ان في حد فينا شاف ورقة واحدة بس تدين الزمالك ✋🏻
كل التأخير ده بقى هدفه ايه ولازمته ايه؟؟!!
واذا كنتو بتسحبوها عشان التأخير فاللي انتو بتعملوه ده اسمه ايه ؟؟
واذا كنتو بتسحبوها عشان مخالفات وتحقيق فالناس عملت بيان ومستعدين للتحقيق وحاسبوهم لو يستحقو ده ؟ محصلش ده كمان ليه ؟ 👌
داخلين على شهر ونص بيحصل فيهم ايه ؟؟
ارض الزمالك عندكو بتعمل ايه ؟؟
هل فيه حد لسه قادر يطلع يرد على اي سؤال هنا؟؟
هل فيه حد لسه قادر يحترم ٣٠-٤٠ مليون زملكاوي مهتم بحقه وحق ناديه ؟؟
رجعو ارض اكتوبر 🇦🇹🇦🇹
#رجعوا_ارض_الزمالك
الناس مش مستوعبة رفض لاعب مصرى للاهلى بيعمل فيهم ايه
ادينا شايفين القيعى بيالف واقعة على لاعب رفض الاهلى وانضم للزمالك من عشرين سنة. مش مستحمل لاعب من عشرين سنة قال للاهلى لا
بس هرجع واقول ان وضع مصطفى محمد مختلف. رفض الاهلى فى وجود فلوس العرجانى حاليًا لا يقارن باى وقت سابق
الاهلى بتاع العرجانى هو الخليج بس هتكون فى بلدك مش متغرب
احنا هناخد ارضك وضع يد الى هى مصدر دخلك الرئيسى الى انت بانى عليه خطة تسديد كل التزاماتك. وبعدها هنغرق مواقع وصفحات جمال جبر باخبار الزمالك مش بيسدد فلوس صفقة خوان والزمالك مش ملتزم بتسديد مستحقات لاعيبته وطلع ناس فى القنوات تضرب كف على كف وهى متاثرة بوضع الزمالك فى عدم الاستقرار.
اللي عاش تسعينات الزمالك..
وفرح بناديه لحد ٢٠٠٥..
واستحمل اللي بيحصل من ٢٠٠٥ لحد دلوقتي..
ده جمهور مبيزهقش ومبيملش ومش هيبطل يطالب بحقه👌
حقنا نكمل الطريق اللي بدأناه في فرع اكتوبر وهيستمر فرع ورا فرع🇦🇹🇦🇹
زي ما غيرنا عمل واستفاد ده وقت الزمالك يعمل ويستفيد..
علم مصر زي ما فيه جزء احمر فهو فيه بردو جزء ابيض علي فكرة ✋🏻✋🏻
رجعو ارض اكتوبر
#أرض_اكتوبر_حق_الزمالك_ياريس
🔴المشاكل والمطالبات والمستحقات المتأخرة بدأت تضرب الفريق الأول لكرة القدم بنادي الزمالك بقوة ⚡️
والسبب مش بعيد.. سحب أرض 6 أكتوبر هو أصل الأزمة!
الأرض دي كانت أمل النادي في تمويل المستقبل 👷♂️🏟️
كانت المشروع اللي هيأمن دخل ثابت ويوفر سيولة مالية تكفي رواتب اللاعبين والجهاز الفني ويغطي كل الالتزامات.
النهارده نتيجة تأخير وتسويف وضياع الحلم، الزمالك بيدفع التمن:
•لاعيبة ليها مستحقات متأخرة 💸
•أزمات بتأثر على تركيز الفريق 👎
•ومشاكل مالية بتضغط على الإدارة 🔴
اللي بيحصل أكبر من مجرد متأخرات.. ده ضياع مشروع كان كفيل إنه ينقل الزمالك لمستقبل جديد.
👊 الزمالك محتاج حل عاجل.. ومحتاج دعم حقيقي من كل الأطراف عشان النادي ماينهارش بسبب تجاهل حقوقه
الاستديو التحليلي يتحدث عن تألق خالد صبحي في الدوري المصري هذا الموسم !!
في 5 مباريات لفريق المصري في دوري هذا الموسم
خالد صبحي لم يشارك في 3 مباريات
شارك بديلا في مباراة
شارك أساسيا في مباراة
أتفهم أن يقال أنه يشارك وفقا لرؤية الجهاز الفني
ولكن يقال أنه يشارك لتألقه في الدوري فهذا غير مقبول
مشكلة حسام حسن أنه عايز يعمل نفسه مختلف و صاحب رؤية وكده
مدافع مصر الاول حالياً حسام عبد المجيد ، ف حسام حسن عشان نصير الغلابة و الاختلاف قرر يبدأ ب خالد صبحي ومحدش عارف هو بيلعب فين أصلا بس عشان إبان مدير فني مختلف!
نفس القصة على مصطفى محمد بيقعده دكة لأسامة فيصل وحاجة اخر عبط
أرض الزمالك في ٦ اكتوبر مش مش بس مُستقبل النادي..
نادي الزمالك بني خطته الإقتصادية للحاضر والمستقبل علي الأرض دي، ومش هيقدر يكمّل اقتصادياً من غيرها..
الزمالك عمل تعاقدات بمئات الملايين مع رجال أعمال ومُستثمرين وجهات حكومية وسيادية بناءاً علي مشروعه في الأرض دي..
الزمالك تعاقد مع شركات عملاقة زيّ استادات وأمان القابضة لتسويق عضويات الفرع الجديد.. كل التعاقدات دي فيها شروط جزائية الزمالك معندوش الملاءة المالية اللّي تخليه يقدر يتحمل أي أعباء هتنتج عن فسخ التعاقدات دي..
كل التعاقدات والخطط الرياضية للنادي مبنيّة علي اساس الدخل المتوقع والمدروس من مشروع ارض ٦ اكتوبر.. ومش هيقدر يوفي بإلتزاماته التعاقدية حتي علي المدي القصير
الزمالك معمَلش كل دة بدون تخطيط أو جُزافاً كدة.. بالعكس كل خطوة كانت إستناداً الي موافقات وتراخيص وتصاريح من كل الجهات المعنيّة، ومن أعلي المؤسسات في الدولة..
حاضر الزمالك ومُستقبله ووجوده مُتعلّق بإستكمال مشروع فرع ٦ اكتوبر.. سيبوا الزمالك يعيش ✋️
#أرض_اكتوبر_حق_الزمالك_ياريس