منصور ناصر البدراني

الفقير إلى الله سبحانه وتعالى/منصور ناصر بن دبلان استغفر الله الذي لااله الاهو الحي القيوم وأتوب اليه

[عاصــي @Al_assy11]

يا معين اللي له ايام نفسه نفس طير
عقب كان بنفسه وعزمه وقلبه جمل

#عبدالعزيز_العازمي

[منصور ناصر البدراني @mn_671]

@lafihmud الله الله يالابداع كلام كبير يابو حمود ويزهى الكبار
مثل الشيخ عفاس صح السانك مدد بلاعدد
الجزاله لاتستغرب من لافي الغيداني

[منصور ناصر البدراني @mn_671]

@naif_abalaon ي سلام

[نايف اباالعون @naif_abalaon]

سمعت لي ناسٍ عن الطيّب تقول
كفّه جفاف وكفّ ابوه مسيّله

خلّو وريث العود شيّال الحمول
علام شرهتكم عليه مخيّله

ماهو ردي بس الفقر دقّ الزمول
الحيل فاتر والحمول مميّله

ودّه يسوي مثل ابوه ولا يطول
الطيب واجد .. والفلوس قليّله

[مجالس البدارين @bdareentwet]

ياطليق الحجاج وياكـريم اليمين
لاتضايق من احداث الزمـان وغثاه

ارسم الابتسامه فوق وجه الحزين
صدقة عنك لوماتكسب ادنى رضاه

خل قلبك بحر يسبح به الغارقين
لاتخليـه نهـر. ..ويشربه من بغـاه

علي زيدالبدراني

[لافي الغيداني @lafihmud]

بغينا عليك نمون حتى علينا تمون
فتحنا معك باب الميانه وسكرته

ورحنا وطبقنا المثل طيب المضمون
تلق الخلا وابعد عن الداب وشجرته

#لافي_الغيداني

[عبدالله العصيمي | Abdullah al osaimi @mdar_aljadi]

السلام عليكم ورحمة الله وبركاته
مساء الخير يالغاليين
مبارك دخول أجمل فترات السنة #الوسم
جعله الله من مواسم الخير والبركة
وشكرا على سؤالكم واهتمامكم 🌹

[لافي الغيداني @lafihmud]

الرفيق اللي لياحتجته لقيته
خزنه بالقلب ماهو بالشريحه
.
وكان لا حتاجك بفعله ما جزيته
التهاون منك في حقه فضيحه
.
#لافي_حمود_الغيداني

[نايف الرشيدي @naifalrashidi]

ذبحتني بموادعك يا ابراهيم
في مقبرة ( صبحان ) ضيّعت عمري

أنت بضيافة من يدير المقاسيم
وأنا على الرحمن وكّلت أمري

[منصور ناصر البدراني @mn_671]

@naifalrashidi اسأل الله العظيم رب العرش العظيم
يجعله شفيع لوالديه بالفردوس الاعلي من الجنه
احسن الله عزاكم اخي نايف واخر الاحزان عليكم
ان شاءالله

[منصور ناصر البدراني @mn_671]

@lafihmud @thaqafeyah لقاء مميز يابو حمود
وحضور راقي وثقافه راقيه
ولاهي غريبه عليك يابو حمود التميز
والابداع الكبار يبقون كبار حفظك الله
ورعاك

[لافي الغيداني @lafihmud]

بعد غياب طال أكثر من عشر سنوات:
الشاعر لافي الغيداني في #سردية
صفحات من مسيرته الشعرية ووقفة على بعض قصائده وعلاقاته بالرموز الشعرية @thaqafeyah

[نايف اباالعون @naif_abalaon]

يارب كيف القى لذنبي معاذير
وانا ادري انك عالمٍ بالسراير

اليا ذكرتك رف قلبي تقل طير
لولا ضلوعي تردعه كان طاير

اتوب واستغفرك ثم اعكس السير
وارجع على نفس الخطأ والحساير

جيتك وانا كلي خطايا وتقصير
مذنب ولكن ماقربت الكباير

#نايف_اباالعون

[نايف اباالعون @naif_abalaon]

#محمد_بن_سلمان

كل ماصورت لك صورة جديدة
جاك مدح الناس من كل النواحي

فيك عز الله حكومتنا الرشيدة
للفساد وللجهل والظلم ماحي

لاضربت اعداك باليمني الشديدة
يصبح المجنون من يمناك صاحي

والعدو عن دارنا تقطع وريده
يبشر بيومٍ مثل يوم الأضاحي

ان بغيت اشكرك وامدحك بقصيدة
القصيد بسيدي يفحاه فاحي

لو قصيدي" حر "والمعنى يصيده
من "سموّك" بالسماء يتعب جناحي

كل من يمدح مزاياك العديدة
في "مقامك"يعتبر مدحه سياحي

لو جمعت عيون الأمداح الفريدة
من سعد ،، وابن زويبن ،، والرياحي

[نايف اباالعون @naif_abalaon]

يالله بمزن ليا هلّت هماليله
اول عطاياه هادي وآخره هادي

جرّة مسيله ليا منه نشف سيله
جرة هنوفٍ تدوّر خاتمٍ غادي

#نايف_اباالعون

[نايف اباالعون @naif_abalaon]

والله يالولا البرد ماتقرب النار
لكن حداها لين طاحت عليها

تشبه عزيزٍ حدته سود الاقدار
على مجامل شلةٍ مايبيها

#نايف_اباالعون

[قبيلة حرب بالسعودية والخليج @shababharb]

كلمة الشيخ نواف بن رازن العتيبي
في ذكر مآثر قبيلة حرب وبعض من تاريخها
قبيلة حرب هي بوابة المدينة المنورة وحراسها
مدينة الرسول صلى الله عليه وسلم والحرم النبوي الشريف

[نايف اباالعون @naif_abalaon]

جعل السحاب اللي من الغرب منشاه
إليا دخل بحدود نجد يتكتّل

من حمله اللي ينقله خف ممشاه
يمشي شوي شوي .. تقل يتختّل

البرق شق ادناه ثم انتثر ماه
تلقى البرد بالقاع .. كبر المفتّل

وإذا انهمر ثعل البرد من زواياه
كن القطن من كل صوب يتنتّل

مافيه شبرٍ في ثرى نجد ماجاه
النفد والشعبان والضلع والتّل

واليا امتلت منه السدود المبناه
على الديار اللي تحرّاه .. بتّل

#نايف_اباالعون

[نايف اباالعون @naif_abalaon]

المجلس اللي تدخله وانت مسرور
دايم "وجاره" .. ماتعدى وجاره

لو السماوة نور .. والأثل ديكور
ودخان نار الرمث بوية جداره

مثل السحاب اللي دخل وسطه النور
اليا اختلط نوره .. بدخان ناره

#نايف_اباالعون

[ثَمين / Al Sultan @Precious_20_3]

#هل ﮼تريد﮼مليارات﮼الحسنات ؟

↲ قال رسول الله ﷺ
“مَنِ استغفَرَ للمؤمنينَ وللمؤمناتِ
كتَبَ اللهُ لَهُ بِكُلِّ مؤمِنٍ ومؤمنةٍ حسنةً“

صححه الألباني،،

↲"أستغفر الله لي ولوالدي وللمؤمنين
والمؤمنات والمسلمين والمسلمات
الأحياء منهم والأموات" ✋