غديت اودع المقفي ولا آحب اسمع التبرير
أشـوف ان التفاصيل الكثيره ما لها داعي
فـ انا يا اللي تظن اني بدونك ما احسن التدبير
هجرتك واشتعل نور الحياه و زانت اوضاعي
فلا شكراً على وقتك ولا اعذرني على التقصير
انا من يوم فارقتك تلاشت معظم اوجاعي
" ٢ "
كان ودي أسألك وأخاف تستنكر سؤالي
هذا هو حزن البشر؟ اللي بدأ في وجنتينك؟
أذكر إن الحزن مُـرّ، شلون صار الحزن حالي!!
وقتها ياكثر ماغطّيت وجهك ��ي يدينك
من ملامحك الطفوليّة تماكنت ارتجالي
وقمت أسولف لك عن سنيني وعن ماضي سنينك
أنا لي ثلاث شهور عن شوفتك ممنـوع
تعبت وشبعت غياب و السالفة طالت
أحبك . ولا خنتك . ولانيب من هالنـوع
ولا أسمع سواليف العرب فيـك لا قالـت
ما بين السنين السود و الخافق الموجـوع
سهوم المفارق صابت القلـب و انهالـت
رمتني و خلتني بعـد غيبتـك مفجـوع
و كنت أحسب أن النفس نالت ولا نالت:)
ليه اعوّد لك مدام ان ماورى المعواد طايل
وش يرد اللهفه لنفسي على اشياء كنت ابيها
لو تساومني بكل الطرق وبشتى الوسايل
الكرامه جوهره .. ما ساوم القنّاي فيها
يوجع إني في سبيل رضاك سويت الهوايل
وانت مستكثر علي آسف و مستكبر عليها :)