كش ملك
ينقَصّ ذيل و راس ينِحَش
إلا الوطن ما فيه شورين
ما شي نص و نص بالخَش
العهد ذمه و الوفا دين
واللي يرش بماي ، ينرَش
بالدم و ندوس الثعابين
تلعب بيادقنا على الكش
في أمر بو خالد رهيّين
دسنا المجوس و جيشنا دش
سماهم ب ميراج ألفين
تفرس و تنهشهم و تنعش
زيرانها جن و شياطين
فلّت يديل لها معكرش
من نارها و الموت عقصين
حدٍ دِمَته و حدٍ اكرَش
تاخذ قضا و تستادي الدين
منها رعاف العندمي طش
و كبيشهم مكسور قرنين
و اللي تدوسه مُول ما نش
تكسر الراس و تقلع العين
يا لجل راعي الطرف الأريش
يومٍ رفقنا برفقة الزّين
يشوف إنّا يوم ندهش
ف الضو ، نوفي الصاع صاعين
سيف محمد بن نعمان الكعبي
#محمد_بن_زايد #الامارات #الكويت #البحرين #الطيرانالمجهول #قصيد #شعر