💫

[عتيق @_ieey]

كتبت في كل شي الا الوداع الاخير
ما زلت متوقع ان الشوق بيرجعك .

[💫 @mo7ra__]

عليم الله عن الخافي وانا ماني عديم شعور
بغيتك .. بس ما شفت الليالي جت في صفي

تركتك وانت في بالي .. تركتك تركة المجبور
تركتك وانت في قلبي تركتك وانت في شفي

رحلت وفي غيابك يا حبيبي غاب معك النور
ولا باقي سوى لهفة حنين .. وشوق مايخفي

[💫 @mo7ra__]

إذا قام الحنين يسوق قلبي قمت أسوق خطاي
أدوّر من دروبك درب قد جيناه.. و أضيعه

يا كثر صورك اللي ما نساها بالي النسّاي
لو إن عمري معك مَرّت سنينه مثل أسابيعه

حبيبي كيف أمر بشارعك ما تدري إني جاي؟
وانا أعرف الصباح اللي يجيبك من ذعاذيعه

[💫 @mo7ra__]

يا كم مر سبت من التحرِّي وعوّد سبت
لكن الوعد لا من عتق مشرقه دارك

أنا اللي سقيتك من بياض الوجيه وغبت
ولا جيت ليل ولا أقتطفتك من أسوارك

متى ما أعتراك الشك في ما مضى وأرتبت
أنا أقرب من مزوحك و ضحكات زوّارك

[💫 @mo7ra__]

بين صدفه جابها العمر و وداعٍ بـ اختياري
ما عرف قلبي يطيع الواقع أو يرضي ضميره

كنت أظن إن مرّت الأيام بـ يْجف انتظاري
ما هقيت إن الأمل يستمطر اليا جف بيره

كيف صارت وحشة الغربه تغنّي في دياري
"ذبلت أنوار الشوارع" وانطفت شبه الجزيره

[💫 @mo7ra__]

و أنت لو أنك تبي تسج عني أو تتوب
ماعاد فالثنتين حيله ما يمدي تهتدي

لااستمالت يم قلبك ذعاذيع الهبوب
بتتذكر حسن وجهي على وردٍ ندي

ثم عاد الله يعينك على قطع الدروب
لا أشتحن صدرك من الشوق يا وين تغدي ؟

[💫 @mo7ra__]

ما سألته ليه أختار الغياب بوصفك عني؟
ما سألته ليه غيري مرّني بغفله وخذاك

ما سألته قبل نتفارق وش اللي جاك مني؟
كنت أتحمل عذابك كنت أتحمل جفاك

كنت أتباهى بقلبك مادريت إنه خذلني
مادريت إني أشكي للقصايد من قساك

كنت أول من عشقته كنت آخر من كسرني
كنت أظنك دوم تبقى ماتبيع اللي شراك

[💫 @mo7ra__]

متى بنسى ؟ إذا حتى الغصون الشاحبة تطريك
تقول آخر لقاء وياه يوم الماء على أوراقي

أنا ما كنت مستعجل على فراقك ، ولا أخفيك
بأني ساعة الفرقى تثاقل خطوتي ساقي

لا تسألني وش الباقي بـ قلبي ، فيه مالا فيك
تعال و خذ بقايا ذكرياتك .. و أترك الباقي

[💫 @mo7ra__]

عيدك مبارك يا داري واغترابي
لا حياة إلَّا معك .. لو هي بدونك

كانك من إخطائي .. أجمل من صوابي
الخطأ محبتي ولا جنونك؟

راضي أعيشك أمل واطرد سرابي
لو دياري مجدبة برقب مْزونك

زهرةٍ أرق ؛ من زهرة شبابي
ولا أرق من الزهور : إلّا جفونك

- فهد بن بجاد

[💫 @mo7ra__]

عادني راجيه في عيد الضحيّة
يوم فات العيد الأول ما صفالي

[♡ @ad3yawithlove]

يَـومُ عَرَفَــــة ١٤٤٧ هـ
اللهُم اجعَلني مُــباركًا أينما كُنـت وارزقني
من حُظوظ الدنيا أجملها وسَخّر لي جُنود
الأرض وملائكة السّماء وعبــادك الطيّبين
مِـن حَــــولِي وكُـل مـن وليتــهُ أمــــري

[💫 @mo7ra__]

أنا أكثر السكات وأكثر من يسولف بالعيون
سعيدة لأن أكثر خساراتي ما كانت من يدي

لولا الهقاوي ما عرفنا الصالحون السيئون
عيب الليالي ما تشين إلا على صدر أجودي

صحيح من قال البشر ماهي على حسب الظنون
كنت أحسبك طيَّب وتحسبني على ظنك ردي

[💫 @mo7ra__]

أحسب أن السنين أن طوّلت تستأذن الغيّاب
وتبدا تمحي آثار السوالف نوبه.. ونوبه

وعرفت أن الزمن ما يستحي وأن الأمل كذّاب
إذا ما هان جرح الآدمي ما هان محبوبه

[💫 @mo7ra__]

ما باح سدّي بالليال المخلّة
اللي رداها منْك وهمومها منْك

يدري عن غيابك وعن جرحك الله
هو الوحيد اللي تكلّمت له عنك

[💫 @mo7ra__]

يمكن تناساني بعد عدة اعوام
ويمكن بحب الغير قلبك يليني

يمكن مع غيري تبي تعيد الايام
وتعيد حكي يومها انقال فيني

جفت على درب الهوى كل الاقلام
وبعيش كل الي بقى من سنيني

بكره يطيب الجرح وخفف الالام
بكره على الله مقبلاتي تزييني

[💫 @mo7ra__]

احسبٍ قربك على طول وان بعدك محال
لين قامت دمعة العين تحرق موقها

احرقتني شمس هجرك ولا حولي ظلال
واطيٍ رمضى المفارق وشمسك فوقها

لا انتحت شمس العصر وادنفت والفيّ مال
تبتليني غيبة الشمس ليّن شروقها

[💫 @mo7ra__]

تعمّدت نسيانه .. ولكنّ كيف أنساه
وأنا قد سمحت مْن المحبة وهو داري

ليا أظلم عليّ الليل وأمسوا عباد الله
طرا لي عسى الله لا يحيّيه من طاري

[💫 @mo7ra__]

كانك تبي كذبه من شهر أبريل
خذها من لساني تراني نسيييتك

[💫 @mo7ra__]

الايام ظلما و الليالي عديمة راي
مشاويرها حرمان ودروبها حرة

خذت مني أغلى ما تمنيت في دنياي
وخلت لي اللي ما تعوذت من شره

أنا بخير والله لو معي " ذاكرة نساي "
ماهي ب الحنين ولوعة الوجد مضطرة

تفاصيل ماترحم وقوفي ولا ممشاي
وجعها يجي ويروح و يعاود الكرة

[💫 @mo7ra__]

يا كثر ما انفعل وانوي الجفا والقطيعة
واحلف واتراجع عادني في محلّي