من الخاص
السلام عليكم ورحمة الله وبركاته.
أنا اتقدمت لبنت من منطقتنا، بنت ناس ومحترمة ��دًا، وبحبها أوي، والحمد لله ربنا كرمني واتخطبنا من ٧ شهور، وحددنا ميعاد الفرح، والفرح خلاص قرب.
لكن اتفاجئت بحاجة صدمتني وهدّت حيلي، لقيت صور ولقطات شاشة وفيديوهات بتتبعتلي على الواتساب، وفيه واحد بيكلمني وبيقولي: «سيب حبيبتي، عشان أنا ما اتجوزتهاش».
والله العظيم من أول يوم ما اتقدمت لها، سألتها بكل وضوح: إنتِ بتحبي حد؟ وإنتِ عايزاني وموافقة عليّ، ولا فيه حد غصبك على الجوازة دي؟ قالت لي إنها موافقة، وإنها لو مش عايزاني كانت هتلغي كل حاجة.
أنا دلوقتي مصدوم ومش عارف أصدق إيه ولا أبدأ منين، خصوصًا إن الفرح قرب، وأنا متعلق بيها وبحبها جدًا.
مش عارف أواجهها إزاي، ولا أصدق كلام الشخص ده، ولا أتعامل مع الصور والفيديوهات اللي وصلتني إزاي، وخايف أظلمها لو الكلام مش حقيقي، وفي نفس الوقت خايف أكمل في جوازة وأكتشف بعدين إني اتخدعت.