محمد

سبحان الله و بحمده سبحان الله العظيم

[محمد @moh___83]

@tasimaker 9800

[الساطي @alsaati195887]

كبير يالذيابي 👋👋 خله يولي

[محمد @moh___83]

اما انجز الموضوع مثل الرجاجيل
ولا تعذر ( و الرجاجيل واجد )

[محمد @moh___83]

ستعلمك المواقف بأن ليست كل الأيادي
التي تصافحها نظيفة ‼️

[محمد @moh___83]

حنا ليا اعتزنا من الناس عازه
مُرّه وطلب العازه أمرّ منها

وِدّ الفقير إنك تشيله جنازه
ولا يدوّر حاجة ما ضمنها

[تركي حمدان @turki_hamdan_]

المـلك عبــدالعــزيز 
الفجر توِّه يطوي البشت الموشح بالسواد 
والشِّعر توِّه ينفض نعاسه ويشعل موقدِه

وانا فهقت الضيق عن عينٍ تناساها الرقاد
اليوم هذا .. ما يمرّ القلب .. شيٍ يلهدِه

يوم الوطن .. ماهو زمن ويمر من عمر البلاد
هذا .. سحابٍ وبله النوماس والفَخْر بْردِه

يوم ارتكز بيرق وطنا .. والهبايب في ركاد
يخفق طرب .. كِنِّه يقول: العزّ جاكم سيّدِه

والعزّ جانا سيّدِه .. نجمٍ على صهوة جواد
برقٍ على قمة جبل .. شيخٍ من الضي جْسدِه 

عبدالعزيز آل السعود لنجد عاد .. المجد عاد
انسان واحد غيَّر التاريخ .. يا ناس وْحَدِه !

اعظم ملوك الأرض .. غير الانبيا .. علمٍ وكاد
ماقبله احـْدٍ روَّض الدنيا .. ولَا فيه بْعَدِه

فَجْره سجود لخالقه .. والدين لابن آدم عتاد
صِبْحِه على سرج العبيا .. لَجْل شعبه وبْلدِه

أسمَع معزي لا حدى: ماعنْك ياداري حياد
انتي لنا . لو تذهبين .. اخير للرجل لْحَدِه

واسمع معزي لاحدى: .. ماعقّبَت نارك رماد
انا ذهاب الطامعين  .. ان رمْت لي ظلع اصعدِه

في حروته دارٍ .. وصِلها بالمصقل والزناد
مُلكِه ..  وشعبه يرقبه .. واقبل وياصدق وْعَدِه

أقبَل على نجد العذية .. من صباحٍ في هجاد
من طاوعه يسلم .. ومن عيّا .. لحتفه ورّدِه

عَجـَّة خيوله .. كنها حمادةٍ .. فوق الحماد
عجٍّ صفى بها جوَّنا .. والعهد الاغبر بدّدِه

 جته المنايا رَكْب .. واشبعها من الطاغين .. زاد
رَكْبٍ شكى جوع اجهَدِه .. عَوَّد بْحِمْلٍ يجهِدِه

جَمْع الشجاعة و العطا .. في فعل واحد يا العباد
عسرٍ على غيره .. وابو تركي فَعَلْه .. ووكَّدِه

هذي يدِه .. هي اللي افنت روس تاهت بالعناد
والمزنة اللي ربَّع بماها الفلا .. هذي يدِه

يا ما شفى لارضه غليل .. من المعادين البعاد
 يا ما عفى عن طامعٍ .. تايب عقب ما قيّدِه

ياكِن له قلبين .. قلبٍ مستميتٍ .. لو يباد
والقلب الآخر من زِبَنْه ادرك .. ومن طاح اسنِدِه

 ما كل طَعٌْنٍ يحـْمَد .. وكم طعنةٍ فيها ضماد
والحكمة .. اعظم ماعطاه الله لعبدٍ وحّدِه

ومعزي معزي هو الحكمة .. والازمة باتقاد
طب العقول بْـرايه .. وطب الخصوم بْمجندِه

حوله قبايل ماجمعها النفط .. جمَّعها الرشاد
والبيعة اللي كل زيزومٍ .. يوَّرثها وْلدِه

سيّد ملوك المشرقين .. بمنهج التوحيد ساد
العدل ميراثه ودربه .. والدليل ومقصدِه

واجه عظيمات الدول ندٍ لند .. الّا و زاد
ما حددوا له موطنه .. بسنان سيفه حددِه

أسس لدولة .. لين نُبعث .. لا تضام ولا تقاد
شفها على رووس الدول .. تاجٍ يسّرَك مشهدِه

وَحَّد بلد .. وَلَا هي بْأية بلد .. أعظم بلاد
وجه السعد .. يارب في جنات عدنٍ تسعدِه

تركي حمدان
سبتمبر/٢٠٢٥

#الملك_عبدالعزيز
#المؤسس
#حكامنا_آل_سعود
#هَل_العوجا
#الملك_سلمان
#ولي_العهد_الأمير_محمد_بن_سلمان
#اليوم_الوطني_السعودي_95
#اليوم_الوطني_95

[أخبار السعودية @SaudiNews50]

#الصين توقف حسابات عدد من مشاهير التواصل الذين يستعرضون حياة الرفاهية المبالغ فيها، معتبرة أنها تؤثر سلبًا على قيم المجتمع وجودة حياة الناس.

[محمد @moh___83]

معاريف الرجال ديون وديون الرجال ثقال
ليا صرت متعافي ليش تغرق في جمايلها

عبدالله الطلحي

[محمد @moh___83]

نعم الله علينا كثيرة لا تعد و لا تحصى
الحمدلله على نعمة الأسلام 🕌
و الحمدلله نعمة الأمن و الامان .
والحمدلله على نعمة الصحة و العافية .
والحمدلله على نعمة السعودية 🇸🇦🇸🇦

[سليمـان المانع @sulimanalmanah]

" تكفى يا أنا "

[مح ــمّد ♚★★ @m_thunayan_]

اللهم اجعل موتانا عندك من الوارثين الذين يرثون الفردوس وهم فيها خالدون ، اللهم اجعلهم آمنين مطمئنين تحفهم الرحمات من كل جانب واغفر لهم وارحمهم واجعلهم في نور وسرور الى يوم يبعثون وجميع موتى المسلمين يا ارحم الراحمين .

#يوم_الجمعة
#امواتكم_يحتاجون_منكم_دعوه

[محمد @moh___83]

يقول الشاعر رميح الخمشي

بالشيخ مقحم بن مهيد "رحمة الله

يزمي لكم بيت ٍ يخرّع اليا شيف
ويبهج كبود الي كلاهم مهاضيم
بيت الذي يضحك حجاجه ليا ضيف
ذبايحه جل النياق المراديم
كلن يبي مثله ولا هي على الكيف
يجود مرة .. ثم ينكل لياضيم

#عنزة

[محمد @moh___83]

اي عربي شريف يرفض هذه الاساءه
مقحم ابن مهيد ماهو بس قبيلة عنزه تزعل عنده .
يزعل عنده كل عربي شريف
مقحم ابن مهيد ( مصوت بالعشاء )
في زمان القحط و الجوع
ابناء الجزيرة العربية يقسمون الكرم بين حاتم الطائي و ابن مهيد ..

رحمك الله يابن مهيد طبت حياً و ميتاً

#عنزة

[محمد @moh___83]

يجب على المرء ألا يستعجل الزمن
فالأشياء الجميلة تأتي من تلقاء ذاتها .

[فالح الدهمان الظفيري @faldahman]

بعد يومين يعود من جديد نجم سهيل ليعيدني الى
هذا النص :

عوّد سهيل يغري روحي المتعبه
للسفر والسفر أبعد من أحبابها

والهوى من بلادي كيف ما يجذبه
وهي قطعة سحاب أدناة ما جابها

هاجرت ما لقت أرضٍ على كوكبه
تِنبت الورده اللي أحمل أطيابها

بين طياتها لي ضامرٍ عذّبه
رغبةٍ ما تموت الا ويحيا بها

الوطن جنة ٍ محمية ٍ معشبه
يا كثر ما سرح مثلي ورا بابها

له رميت العمر درب وغديت أتعبه
رحلةٍ زرفل التزوال بركابها

درّت ياما وشفت وكانت التجربه
ضيعة ٍ عجت الضيقات بشعابها

ليت وجدي نهايات المدى تذهبه
مع ضوى نجمة ٍ تستدني غيابها

عوّد سهيل والجنه نضج حبحبه
والشوارع بها من ريح حبحابها

ألتمس في عيون البايعين أجوبه
للسؤال المحال الضال باهدابها

وش تبيعون يا أهل الدمعه المسهبه
يا فقارى بلاد الله وأغرابها

ما بهذا الدهر من مشرقه لمغربه
نخلةٍ حرةٍ ما همت بترابها

سرت به طرت به وقعت به حرت به
والحياة الكريمة قلت أسبابها

يجني الذيخ رزقه في مهز اذنبه
مير وش هزت الآساد في غابها

كل حيٍ خلقه الله على مرتبه
ومن لقى عيشة ٍ لابد يرضى بها

وان بدا طيب ٍ فالطيب هو منسبه
لو تباهت رخوم الناس بانسابها

كم ضحك جاهل ٍ من كلمة ٍ صحت به
له بكى شاعر ٍ مثلي وغنى بها

أنا افصح كتاب بهذي المكتبه
إن قرأني أديبٍ يفهم آدابها

إمتلت كل صفحات الفكر أتربه
في رجا من يقلبها ويقرا بها

أرفض أكون في جو الشعر أرنبه
حلّقت والثمن في مخلب اعقابها

عشت حر ٍ على حرية ٍ أكسبه
من مواجع قيودي لا من أصحابها

كل روح ٍ مثل روحي مهي مذنبه
كانها خالفت رب ٍ من أربابها

يثبت الشاعر العملاق في مرقبه
إن رفع شعلة الأحرار وكتابها

من رقى بالحياه بشيمة الثعلبه
تافه ٍ لو لقى نفسه بمرقابها

#فالح_الدهمان
#سهيل #شعر

[محمد @moh___83]

من رقى للحياه بشيمة الثعلبه
تافهن لو لقى نفسه على مرقابها

فالح الدهمان

[محمد @moh___83]

اللهم لا تحوجني لأحد
ولا تجعلني عبئاً على أحد
واجعلني غنياً بك عمن سواك .

[محمد @moh___83]

يعطيني الله … فوق ظنّي … ياعمر
لامن سجدت .. وقلت همّي وعوزي

ويسوق لي في غمرة الظلمى : قمر
ويجيب لي في ساعه الضيق : عنزي

: جمال الشمري

[محمد @moh___83]

﴿ وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ﴾ 
[ الحجر: 97]

[محمد @moh___83]

أشهد ان الهدوم يسترن المعايب
أثرها تستر الحرمه وتستر فحلها

الأوادم بعضهم مثل وصف الجلايب
لو توحد بها ذيب الخلا كان أكلها

كم صبيٍ تحسب انه عطيب الضرايب
وإن بخصته كرهت الديره اللي نزلها

احمد الناصر - الله يرحمه