لما بزعل من حد غصب عني بفضل أفتكر كل المواقف القديمة اللي زعلني فيها ، بزعل أوي من نفسي لما الاقيني استحملت حاجات مكنش المفروض استحملها أو عديت حاجات مكنش لازم تعدي ، وبزعل اكتر إن شعوري ناحيته يتغير بسبب الحاجات اللي بيعملها وبتزعلني..عشان بتقفل منه و مبعرفش أرجع زي الأول معاه.
انا بحب الاستقرار ، مبحبش العلاقات اللى مش باينلها اى ملامح ،مليش فى جو التلميحات ولا بحب حد يتقل عليا ويعاملنى كل شويه بحاله شكل، بحب الوضوح فى كل حاجه وبحب اعرف مكانتى شكلها ايه عند اللى قدامى، انا بقلق اوى وبخاف من فكره اني أبقي لوحدي ومحتاج اطمن دايما ان الى قدامى هيفضل موجود
بحس اني perfect بزياده في اي علاقة سواء صداقه او حب وبخلص في اي شعور او أي حاجة بعملها عشان افرح اللي بحبهم ، بس اكتشفت إن ماحدش دلوقتي يستاهل مني كل ده عشان مفيش حد يستاهل فعلاً ، ومفيش حد بيقدر اللي بعمله علشانه !