محمد بن عبدالله

احب الحياه ببساطتها وجمال طبيعتها

[معكاز شعر @M3kkaz]

لا صرت ما تاقف على كل زله
تراك تكبر في عيون الرياجيل

خطأ ما يقدح في كرامتك خله
نطل الحصى بالحقد ماعكر النيل

أصفح وخل الشك دقه وجله
ما يظهر الامراض غير التحاليل .

[معكاز شعر @M3kkaz]

الكامل الله والخطا طبع الانسان
والدرب يفرق عن يساره ويمينه

و الصاحب اللي له معزه وله شان
ان جاني بـ شينه ، تذكرت زينه .

[مدواخ شعر @Medwkh]

عليك باللي مواقيفه مشيّخته
اللي من الطيب لا يشبع ولا يروى

قرمٍ ليا دق صدره واعتزى بـ أخته
باحت علوم الرجال وهانت البلوى .

[معكاز شعر @M3kkaz]

مغتني من خير ربي قبل خيري
ومكرمٍ نفسي ولو ما اتبع هواها

ماحسدت الحاجة اللي عند غيري
عندي أشياء مات غيري ما لقاها .

[معكاز شعر @M3kkaz]

لـ الرفاقه عندنا معنى ، وقيمه
حشمه وتقدير غالي عند غالي

خوةٍ ما هي على عرس وعزيمه
خوةٍ ننطح بها . . سود الليالي

#شعر_الخوه #شعر_قوي

[معكاز شعر @M3kkaz]

ابتسم للوقت واضحك للحياه
لا يروح الوقت .. في هم ونكد

عيش يومك واحتسب للي وراه
من يعد الوقت يبلش في العدد .

[معكاز شعر @M3kkaz]

إما تجي خوَّه على العز والطيب
والاّ المصالح طيب راسي رفضها

الذيب يقنب جوع ما يأكل الذيب
والا الضباع ضباع تاكل بعضها .

[معكاز شعر @M3kkaz]

اليا بدا النقص في حالي وفي مالي
على كثير العرب مانيب متجرّي

اترك ملايين وانصى واحدٍ غالي
اما قضى لازمي .. ولا حفظ سرّي

[قروب اشعار @aShi3ar]

من لا نهض في لازمك لا نصيته
خله ورا ظهرك ولا تلحقه لوم

سلم على اللي لا نصيته لقيته
هو درعك اليا جاتك علوم وعلوم .

[معكاز شعر @M3kkaz]

اللي يجيني جعل ربي يحييه
واللي يروح يسهل الله طريقه

لا هاجر رجوله ولا مقيد ايديه
ولاني زرارٍ في حلوق الخليقه .

[معكاز شعر @M3kkaz]

جاني من الصدمات ما شيب الراس
و قدرت أميّز بين صالح و طالح

و عرفت بـ إن الناس ما هيب لـ الناس
و من طول الغيبات جا لـ المصالح .

#بيت_شعر #ابيات_مصالح

[معكاز شعر @M3kkaz]

صمتك وقار و كثرة الحكي منقود
و رزقك على الله و المراجل وهايب

لا تفرح بـ كلمة " نعم " وانت موجود
أحرص على قولة "نعم" و أنت غايب .

[معكاز شعر @M3kkaz]

صف النوايا ، واذكر الله وترتاح 
واللي تشوفه ، قابله بـ ابتسامه

خلك وسيع البال ، طيب و مزاح 
ترى الزمن .. ما يستحق الملامه .

[مدواخ شعر @Medwkh]

هذي محاصيلك وهذي سواتك
ياما نصحتك لا تقفي وقفيّت

وهذي هي الفرقى تبيها وجاتك
وأظنَّها جاتك على ما تمنيت !

[معكاز شعر @M3kkaz]

اتصنع وسعة البال في وجه الظروف
وجهٍ اضحك له محبه ووجهٍ اجامله .

[معكاز شعر @M3kkaz]

خلك قوي في الصعايب لا تلين
لو يطول الضيق ب العزم ابتره

ارض ربك و اطلبه حالك يزين
ولا تضايقت احمد الله واشكره .

[قروب اشعار @aShi3ar]

ياناشدٍ عني تراني لحالي
ولا هي بنفسيّه ولا قل جلاس

اللي عرفته من دروس الليالي
ما تصفي الدنيا ولا تصفي الناس .

[معكاز شعر @M3kkaz]

استريحي ياعيوني واستكنّي
مابه الّا ماكتبه الله علينا

لو نحصّل مانحبه بالتمنّي
كان كل اللي نحبه في يدينا .

[معكاز شعر @M3kkaz]

يا رب قربّ لـي من عبادك أنظفها
اللي ما تبحث ورا قصدي و نياتي .