اعذروني ترا وضعيتي تعبت
حياتي مخربطه و ما فاهم أى شي
مبينلكم قوي بس آنه منهار
بعد ما اريد أمثل رايد أمشي
ترى الكتمان يوصل حده مرات
بس المشكلة شتريد تحجي
الما يكدر يسولف يبجي، يرتاح
آنه حتى بجي ما كادر ابجي
اذا انت غشيم و عرفوا يغشوك
شنو ذنبي ثمن لخطائك آنه دفع
ثنه رجلي الحزن و الراس طخ الكاع
و ركعني و تكلي تهون لا تركع
غير الروح تقنع من اكله تهون
العطش من السراب شيرتوي شيقنع
جنت ادري الزرعته يموت بأرض البور
كلت بلكن يعيش و كمت اطش و زرع
مو آنه الرخيص الـ ينشره و ينباع
تجرحني و تظن بضحكتك أبرد
و لا آنه الفضاله البقت بـ لماعون
متى متمد سفرتك آنه بيه نمد
الك يا سيف معلومه و اخذها وياك
تجي مدنك اذا تحتاج للمبرد